Zuga Kèkko 2:22 - Suri Latin

²² “Na mɛa zuga Isirayeliye, ga chirara ngalɔkta! Tumu anna bɔɔ ekkono Yesusa Nazireti na ajjɛa lɔgɔ na keme lɔga bo dhandala barara bhɛa nu na iwachi na taga hunde a hira ekkono ꞉Tumuye. Yɔk ngalɔkta kumulɔng hunde a dhereye, igge gaoyɔ.

Zuga Kèkko 2:22 ပူးပေါင်းရင်းမြစ်များ

Matiyos 12:28

Na nɔng anye hunde mɛnɛnga kobhoniseon barartina Kuloya Tumuye, ngangaye kolea senno kɔtɔlɔmɛ :Tumu zugo dhaa ko bhɛa nu.

Matiyos 2:23

Na koo ogo chɔɔ ɔrre kèe Naziret na bhagu ngoonu. Na lɔga dha bere yokkonɛa :zuga yogɛsɛnɛa zugo lɔga dhugunono :Tumu sennɛa, “Nɔng ale elɛɛ :zugu hira Nazireti,” urruknyɛsɛ.

Matiyos 9:8

Na zugo hunaa orrɛa ngalɔktaye, dɛɛbɛ na iwachi na ayɛ Tumu diram ke ngaya ajjɛ zugo ngabuynda bu ku ngangaye.

Yohanis 1:45

Na Bhilibhos koo itinynyandɛ ko Natinayel, na sɛɛsɛ, “Wa karto hira toynɛna bere lɔga gɛnyɛ kɔdhdhɛsɛna :Muse Damiya Tumu na dheliyɛa :zuga bere yogɛsɛnɛa zugo lɔga dhugunono :Tumu na kɔdhdhɛsɛnɛa dadabinya. Nɔng a eriya Yosebi kèe Yesus bere chillana Naziretɔ.”

Yohanis 10:37

Na mɛa hunde lɔga messo :Babaa nanu anye ngakemesiyoye, ngayɛbhbhanyu.

Yohanis 11:47

Na koo gɔldangɛa bibiyo doraa Tumu barara ko zuga kɔbhbhɛa damiya Bhɛrɛsi mukta gulsachina Ayhudhi kedhdhɛa lɔgɔ na daga go na se, “Ngahirra me lɔga bo bararaye, maya kème ɛnɛng?

Yohanis 12:17

Na zuga bere ɛlla ko Yesus kala bere eleonɛa Alazar bhogoyɔ na ibbaniseonɛa rɛsɛyɔ, koo yogo lɔga Yesusi na tɛhɛtɛy ko ba.

Yohanis 15:24

Nɔng anye hunde bɔɔ bhɛa nɛ lɔga bo dhandala chɔɔ hir kona ngani kemessao dhul ngakemesi, anda bhee kùjjukkanɛ lɔga gɛ gɛrsa ninggɛ. Na chɔɔ yɔk ko hunde kargi ngalɔkta bu dhandal kemesi :anyoye, yɔk ngani marranyɛ anye ko Baba nanu chi.

Yohanis 19:19

Na Bhilatos yogɛsɛ zugo lɔgɔ na kibhta gali kona na kɔtɔgɔndɛsɛ lɔkte sennɛ, “Nganda a Komoruya Ayhudhi Bere Chillana Naziretɔ Kènno Yesus,” na karaktɛsɛ kɛya kìlagɛa Yesus sabba. Na yɔk koo ago na mesigi nganga.

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 4:48

Na Yesus sɛɛsɛ, “Ngazukta giya, igge hunde lɔga bo barara ko ga kìwacheo ngani argitoye, lɔga ganyu ngayɛbhbhoo dhul.”

Yohanis 5:36

“Na nɔng anye kɔlɔmi lɔga bere korroni na keni kɔ̀ɔbhɛsɛ zugo jorronɛa lɔga bere kɔbhɛsɛna :Yohanisi zugo. Yɔk a lɔga bere ajjanyi :Babaa nanu Tumu na kùrrugɛsɛyɔ. Na ngalɔkta kemesi :anyo mɛa toyeye, dhɔllanɛ bhɛa bere ekkononyɛanyi :Babaa nanu Tumu.

Yohanis 6:14

Na hunaa zugo orrɛa ngalɔkta bu barar me :Yesusiye, iwachiyɛ na se, “Kèe dhaa nganda a hira bere sennɛa ale kun na yogɛsɛn zugo lɔga dhugunono :Tumu ba kumulɔng dhere chi.”

Yohanis 6:27

Na mɛa igge zinggoa jɔanɛo amissɛa ale mujjusso na garsa ngamesso. Mesigi zinggoa jɔanɛo amissɛa lɔmma basseya iho dhul ale ɛdhdhɛttannɛungu :Hiriyɔ Hoynɛ. Nɔng a hira bere sennana :Babaa Nɛnɛ Tumu na ajjɛa buyn bhɛa ngalɔkta.”

Yohanis 7:31

Na bhɛa zuga ɛlla ngonu, ga bo mɛra yɛbhɛ nɔng na se, “Hunde Kirisos ale kunde, anda lɔga bo barara jorronɛa ngalɔkta me :ngahirraye, messɔ? Ngamesso.”

Yohanis 9:33

Na hunde ngahirra Tumu ngaekkono na kuni, anda bhee messɛ lɔkte ku nganga ninggɛ.”

Zuga Kèkko 13:16

Na nɔng Bhaulos bana na lamu zugo siyɔ na sɛɛsɛ, “Ngazukta Isirayeli ko ngazukta bhorre ana ɛngɛrso Tumuye, ga chirartanyuyɔ!

Zuga Kèkko 14:27

Na hunaa dokkɛa Ansokiyaye, mukta zuga yɛbhbhɛa Yesus na kɔbhtɛsɛ lɔga mesɛsɛna ꞉Tumu kumulɔng. Na seyɛsɛ, “Chɔɔ zuga bhora anaa hunaa shikkɛa kamannaa challaye, Tumu owo hinisiya gɛ na yɛbhɛyɛ.”

Zuga Kèkko 2:19

Na ale kɔdhɔlɛsɛn zugo lɔga bo kìwacheo tumɔ, na bay kɔdhɔlɛsɛn lɔga bo barara. Na ba lɔ kɔdhdha ko go ko bhurreya bo kɔrra.

Zuga Kèkko 2:43

Na yɔk zuga ekko ꞉Yesusi mesigi lɔga bo dhandala barara kìwacheo gee mɛri na zugo kumulɔng dhɔngɔ Tumu.

Zuga Kèkko 21:28

Na ara wuy na se, “Zuga Isirayeliye! Ɛyaiy! Hirre madh zugo ba kumulɔng na zuga ga ko damiya na ko ngabaya se katamara ꞉zuguye, a ngahirra. Aynde dhigannana chɔɔ zuga Giriki ngadoriya barar Tumuye na tiranynyɛ na kete gɛrsiye.”

Zuga Kèkko 22:8

“Na kighinna na kesɛɛsɛu, ‘Komorue! Ani nɛng?’ “Na nɔng yagagany na seagany, ‘Kani ngahirra kɔrranany ꞉inyo kènnony Yesusa Naziretiye.’

Zuga Kèkko 24:5

“Agge bhɛa nayo Ayhudhi ngahirra a hudhagi. Nɔng anna bɔɔ kɔnkɔna zuga gayo oree oree ba kumulɔng na kobhori ba. Na chɔɔ sɛgɛn a gulsaa kimsiya zuga kɔbhbhɛa hira Nazireti kullɛna.

Zuga Kèkko 26:26

Yɔk ngalɔkta bere me ꞉Yesusiye ko nɔng Komoru Agiriba gayɔ na aynde koyokkonɛ tokte. Agga bere messo bhɛa zugo mɛra. Lɔkte me dari ngayo.

Zuga Kèkko 26:9

“Chɔɔ anye sabbaa nanu rɛ bere kamari lɔga Yesusa Nazireti goore na killobi bhɛa kɔgɔrranɛi zuga yɛbhbhɛa nɔng kumulɔng.

Zuga Kèkko 3:12

Na hunaa Betiros orro zugoye, sɛɛsɛ, “Zuga Isirayeliye, gunyey na iwachinɛnɛo ɔng? Na gunyey churr huna zuga kemesso lɔga challa na kibbayseo ngahirra barartina nayo kɛ ɔng?

Zuga Kèkko 3:6

Na sɛɛsɛ ꞉Betirosi, “Anye tomoga hɔla gaw dhandala ko worginya ngakɔlɔmiyo. Nɔng ahite kɔlɔmiye kajjinydɔ. Sara hira Nazireti kènno Yesus Kirisos, ga bana tunɔ na tɔ jagarre!”

Zuga Kèkko 4:10

ga kòyoktogung shɛɛ na taga ꞉iggeu ko zuga Isirayeli kumulɔng. Ngahirra basɛ sara hira Nazireti kènno Yesus Kirisos bɔɔ ilakko ꞉iggeu na ibbaniseono ꞉Tumu rɛsɛyɔ. Na aynde mɛa ngahirra chilɛ ngaya ke na bo challaye.

Zuga Kèkko 5:35

Na koo sɛɛsɛ zuga kedhdhɛa lɔgɔ, “Zuga Isirayeliye! Lɔkte senno mesigi bhɛa ngazuktaye, ga sabbɔ ɛsɛdhɛ shɛɛ na tɛldi kɔk.

Zuga Kèkko 6:14

Chɔɔ bɔɔ kishikto hunde se kèe hira Nazireti kèe Yesus se ale usurran doraa Tumu barara na bhɔdh kera bere ajjiy ꞉Museye.”