Zuga Kèkko 2:10 - Suri Latin

^10-11 ko Bhirgiyagiye ko Bhimbiliyagiye ko baa Gibsi ko Keritɔ ko Arabɔ, na gena kàn zuga kàbhakka Libiya gɔra Kerena jaa na gen kàn kɔmɔna kòhonynyo Romegiye ku zuga Ayhudhi ko bhorinya gen ga bere yɛbhbhɛa Damiya Tumu bere kàjjɛa Muse kari. Na agge hunde kìshigi ngazukta Gelilaye hunde mɛzzɛɛ tugiya ga bhiy bhiy na yokkonɛ lɔga bo kìwacheo messo ꞉Tumuye, dhaa tɔlɔ ɔng?”

Zuga Kèkko 2:10 ပူးပေါင်းရင်းမြစ်များ

Lɔgɔ Sabba 12:10

Na kali kona Kananɔ ba te hozzo. Na hunaa hozzo mɛdhaaye, Awuram bana na kajar hozzo Gibsigiye na kabhak ngonu.

Matiyos 2:15

Na tɛu ngonu ko bhee Heredios rɛsɛ. Na hunaa iho ngonuye, lɔga dha bere yokkono :Komoruyɔ Tumu bhɛa hira yogɛsɛna zugo lɔga dhugunono :nɛa, urruknyɛsɛ. Yɔk ngalɔktonu sennɛ, “Anye wa keliwa eriya nanu Gibsigiye.”

Matiyos 23:15

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge woyɛo ba kumulɔng ko yirsɛna na lameo hira senno bhɔdhɔ na kɔɔbh lɔga yɛbhbho :iggeu. Na hunde jɔyao na madhto na yɛbhungɔye, nɔng kalda a eriya jorronungu bhɛa kàttiyɛungu igge goa iho dhul jagarɛ kɛngi ramman.

Matiyos 27:32

Na hunaa hɛyɛaye, koo itinynyandɛ ko hira kunno Kerenagiye kènno Simon. Na maktɛsɛ kɛya kènno kìlaktɛ Yesus na kɛtɛayɔ.

Markos 15:21

Na hunaa hɛyɛaye, koo itinynyandɛ ko hira kèe Simon bhakka Kerena hunde kun ɔr dheyyɔye. Nɔng a baba Iskindiri ko Rubhusi. Na maktɛsɛ kɛya aleo kìlagɛa Yesus na kɛtɛa :nɛa.

Zuga Kèkko 11:20

Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 13:1

Dha bere bhɛa zuga yɛbhbhɛa Yesus ɛlla Ansokiyagiye lɔ zukte yogɛsɛnɛ zugo lɔga dhugunono ꞉Tumu ko ga madhinɛna. Na yɔk a Barnabas ko Simona kèe Kɔrrɔ ko Lukiyosa bere bhakka Kerena ko Saol ko lukuriya komoru Herediosi kèe Minan.

Zuga Kèkko 13:13

Na Bhaulos ko bɛkanyaa gɛnyɛ banda Babugiye gonggulɔ na ago chɔɔ ɔra iho Bhimbiliyagiye kèe Bhɛrga. Na nɔng Yohanisa kèe Markos kendɛ ko yɔk na wagu Yerusalemɔ.

Zuga Kèkko 13:43

Na zugo hunaa bhassaninyana doraa kàmadhɛa zugo lɔga Tumuye, zuga Ayhudhi ga mɛra ko bhorinya gen ga yɛbhbhɛa Damiya Tumu bere kàjjɛa Muse goore kɔbhɔ Bhaulos ko Barnabas. Na yɔk madha na kiriytɛ na kabhaga chaldina Tumu tii.

Zuga Kèkko 14:24

Na hunaa ogoldɛsɛa Tumu na tewa ushaye, banda na dha Bisidha na ago baye kèe Bhimbiliya.

Zuga Kèkko 15:38

Na nɔng Bhaulos taganyɛ bhɛa senno kidhiyɛ kari ke ngaya bɔɔ dhɔynɛnɛ Bhimbiliyagiye, na zinggoye kari ngani kidhiyɛyoye.

Zuga Kèkko 16:6

Na Bhaulos ko Silasi se kago oriya ɛlla Isiyagiye na kamadhtɛsɛ zugo lɔga Tumu. Na yɔk taganyɛ ꞉Kuloya Tumu na ngaoreonu lɔgɔ ngamadhɛɛnɛ. Na yɔk dhɔyɔ na ago na dha oriya ɛlla Bhirgiyagiye ko Galatiyagiye.

Zuga Kèkko 17:21

Yɔk zuga bhakkɛa Atena kumulɔng ko zuga honynyo ori genne bhakkɛa ngonu dha bere kali kali yɔk ɛl bay ngonu na shikkanɛ lɔga ngani chaga na mɛzzɛɛ ngalɔktonu sɔng. Lɔkte messɛ ꞉yɔkku gena ninggɛ.

Zuga Kèkko 18:2

Na ngonu itinynyandɛ ko hira Ayhudhi bere hudhukkinya Bantosɔ kèe Akila. Nɔng ko tɛriya nɛnɛ Ngabhirsikila dha bɔɔ ngani hony Dhalɛnɔ, ke ngaya bere komoruya Rome kèe Kilawdi ajjɛ zuga Ayhudhi bhakkɛa Rome kumulɔng lɔgɔ na kɔta Rome na kɛzɛgɛte. Na nɔng Bhaulos ogo na kɔgɔny yɔk.

Zuga Kèkko 18:23

Na hunaa tɛwa Ansokiyagiye ungge muchugiye, bana na tɔu oriya ɛlla Galatiyagiye ko Bhirgiyagiye, na iriyu zuga yɛbhbhɛa Yesus ngonu kumulɔng.

Zuga Kèkko 23:11

Na nɔng Bhaulos saniu ungo dhɔnɛ na naa senno keteyɛ ramman barɔ chilɛsɛ ꞉Komoruyɔ Tumu jaa na iriyu na sɛɛsɛ, “Te dhandali! Damiya bare yogɛsɛni zuga ɛlla Yerusalemɔ lɔga ganyu bere orroni kawarre, ale ngani yogɛsɛn zuga ɛlla Romegiye nganga sɛgɛn.”

Zuga Kèkko 27:5

Na hunaa koo kadhayo yirisi tana iho Kilkiyagiye ko Bhimbiliyagiyeye, kadakto ɔra iho Likiyagiye kèe Mira.

Zuga Kèkko 28:15

Na zuga Rome yɛbhbhɛa kamannaa Yesusi gen dha bere shikkɛ hunde kɛllo gɔrɔye, na mɔtaiy ɔrre kèe “Gawua Abiyosi” ko ɔrre kèe “Doriyoa Amissɛny Ku Sizzi.” Na hunaa Bhaulos orro yɔkte, tuhu Tumu na hini tɛa bay.

Zuga Kèkko 6:5

Na hunaa zugo shikkɛa ngalɔktaye, hinisiya gɛ te hɔli. Na bɛrta hira yɛbhbha Tumu goore bere kɔsɛna ꞉Kuloya Tumu kèe Istibhanos. Na koo tɔrtɛ Bhilibhos ko Birokɔrɔ ko Nikarona ko Timona ko Barmena ko hira bhora anaa bere yɛbhbha kera Muse na wurtɔ yɛbhbha lɔga Yesusi kùhudhukkono Ansokiyagiye kènno Nikolas.

Zuga Kèkko 6:9

Na dha bere ngonu lɔ zuga Ayhudhi honynyo Kerenagiye ko Iskindiriyagiye ko Kilkiyagiye ko Isiyagiye madhɛsɛnɛa zugo lɔgɔ doraa madhinɛnɛa zuga Ayhudhi lɔga Tumu kèleo “Doraa Zuga Kòbhonisisɛna Bhɛa Hɔla.” Na ngazukta gen yɔk tamara lɔga madhinɛnɛa ꞉Istibhanosi na ɛkkɛnyandɛ ko nɔng.

2 Timotiyos 1:17

Na huna bere kunno Rome annaa bere lameonyi dirr ko bhee jɔanɛanyi.