Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zuga Kèkko 19:9 - Suri Latin

9 Na yɔk gen tamara na ngani ngayɛbhbhɛo. Na ojjigi lɔga Ganggua Yesusi ke gɛrsi na dhɔmɔ bhɛa sɛrɔ ɔdhdha. Na nɔng Bhaulos koo eliu zuga yɛbhbhɛa Yesus na gaa marrɛa dhɔyu. Na dhiganu gaa yɛbhbhɛa Yesus doraa kàmadhɛa zugo bhɔa kèe Tiranos na madhu ngonu kali kali.

အခန်းကိုကြည့်ပါ။ ကော်ပီ




Zuga Kèkko 19:9
39 ပူးပေါင်းရင်းမြစ်များ  

Na yɔk ngazuktonu ngatɔgeo! Yɔk a zuga kawarɛ chaga dhigannɛa lalugɛa kawarɛ chaga. Nɔng hira kawarɛ chaga hunde kidhigan lallɛn, ale ngɔsɛnɛ bhɛa kɔbɔnga kari rammane.”


Yɔk tenyde ku kuhuyaga messɛ lollumoye a gee lamɛɛ bhɛa senno kartɛ lɔga bararaye. Na yɔk lɔkte barar hinnɛ :yɔkku na kargite anye ngakɔdhɔlɛsɛnno. Na kɔdhɔlɛsɛn lɔga bere messo :Tumu bhɛa Yonasi sɔng.” Na nɔng koo dhɔyu yɔk na ogo.


Na koo Yesus sɛɛsɛ ngazuktonu bu mɛrte, “Na ngangaye wa lɔgɔndao mashachina ko lurginya na muktiyao na ibhtonyu huna hira kani chimtay? Anye nɔng annaa taa kihi tu kɛnga doraa Tumu barara bay na kamadhi zugo, na igge ngani ibhtonyuo.


Na hunaa jɔanaye, dhigana chɔɔ Ansokiya. Na oyo dhɔnɛ kumulɔng yɔk ko zuga yɛbhbhɛa Yesus ɛlla ngonu muktɛ na madhtɛsɛ zuga bo mɛra kamannaa Yesusi. Na zuga yɛbhbhɛa Yesus ɛlla Ansokiyagiye a zuga sabbune bere kɔ̀gɔdhdhɛsɛna sara kèe “Kirisiyan.”


Na yɔk zuga orony kendiyaa gaminya ramman. Na gam kona tɔrɔ zuga Ayhudhi. Gam kona tɔrɔ zuga ekko ꞉Yesusi.


Na zugaa Ayhudhi shikkɛa ngalɔktonu gen yɛbhɛ na tɔrtɛ ko Bhaulos ko Silasi. Na ko yɔk zuga Giriki yɛbhbhɛa Tumu ko tɛrroa gulsachinaa orony ga bo mɛra yɛbhɛ ngalɔkta na tɔrtɛ ko yɔk kari.


Na ngakaldonu lɔga Ganggua Yesusi ɛrtiyaa Ebhesonɔ.


Na ko nɔng Bhaulos se kassa yɔk. Na taganydɛ ꞉zuga yɛbhbhɛa Yesus.


Na mɛa igge bhɛgɛ rɛhi! Na katta lɔga bere kibbashɛungu na kamadhɛungu oynya sizzi kari bar ko kali kedherre.


Na anye bere kani hira kɔgɔrrani zuga kɔbhbhɛa Ganggua Yesusi na kamari na chɔɔ kichibi zuga maya ko ga ngaha na kɔgɔyɛi doraa chibinuny na gena rɛssɛayɔ.


Nɔng kesea bhee kìchillɛany anyeye, kako a ngaya bɔɔ koyogɛsɛn zuga Ayhudhi kedhdhɛa lɔgɔ goore na kesenɛsɛn, ‘Bhee chillɛanyɛ ꞉zuguye a ngaya kɛyɛbhɛ lɔga ale bansanɛa ꞉zugu rɛsɛyɔye.’ Nɔng chɔɔ ahite kɛddɛi kona ninggɛ.”


Agge nɔng kenno kìshikto lɔkte guny yɛbhiye, ke ngaya zuga bhakkɛa ba kumulɔng marɛ na senɛ anɛ kullɛye.”


“Igge ngaanno dɛmnyogaa bo hinisi dhandala! Bho ngashikkoo dhul! Marro Kuloya Tumu huna bere kokonginyaa gu kali kali.


Na ghinu na kɔgɔdhɛsɛ dadab na kɔgɛ na kayɛsɛ zuga ɛlla doriyoa madhinɛnɛa zuga Ayhudhi lɔga Tumu Dɛmaskogiye. Na hunde jɔana zuga kɔbhbhɛa Ganggua Yesusiye, kibh ga maya ko ga ngaha kari na kɔgɛ doraa chibinuny iho Yerusalemɔ.


na tissɛ :zuga sabbi gɛrsa imaggɛa lɔga ku dhere, na yɔk ibhbhanɛ lɔga Tumu na bhɔdhdhɛ ke zinggoa jɔanɛa birinya.


Yɔk zuga kɛ̀yɛbhbha Yesus kari bhakkɛa baa Isiya kumulɔng hunde annaa bɔɔ dhɔttanyɔye, inye gayɔ. Yɔk chɔɔ ngazuktonu kona a Bhilogos ko Herwagenes rɛ.


na magganɛ lɔgɔ huna zuga kɔbhbhɛa Tumu dhere. Na nɔng barartina kɔ̀jɔana hunde kɔ̀ɔbh lɔga gɛnyɛye, marrɛyɔ. Na bhɛa zukte ku ngangaye, inye kɛnga rɛ na tɛ rɛna.


Madh zugo lɔga Tumu. Na chɔɔ ko hunde lɔgɔ kete dhandali oo ngaani, inye mɛdha tii na tɛ kɔk. Na oy hini ke bu dhogoy na zukte ɛddɛɛye, lɔgɔ madhɛsɛ haalɛ. Na gee lɔgɔ shɛɛ ngamessɛoye, woloktɔ. Na iriy na kɔbhɛsɛ lɔgɔ haalɛ na kɛbhɛgɛ shɛɛ.


Na yɔk ngazukta messɛ lɔga gɛrsaye, dhɔmmɛ chɔɔ lɔga ngani kataktao dhul. Yɔk hɛt ko kɛginyaa dusuny dha bere irrittinyana ke ga kènno kìbhigi na kìndigi hung, na lɔgɔ ngaɛsɛdhdhɛayo na messɛa lɔga hinnonɛa sabbiya gɛ sɔng, na ale ujjukkɛ rɛhi huna kɛginyany.


Na chɔɔ zugo ga mɛra ale orronɛ ngalɔkta bu gɛrɛ ammɛiy :liya messɛ :ngazuktaye, na ko yɔk hɛ na messɛyɔ. Na hunde messɛ ngangaye, zugo ale orrɛ ngalɔkta na dhɔmmɛ lɔga ku dhere kàbhagɛa ba bere madhinɛnɛa :Yesusi.


Na ngazukta Tumu ngaɛngɛrsɛoye, yɔk dhɔmmɛ chɔɔ lɔga imaggɛa kumulɔng. Na lɔgɔ ɛsɛdhdhɛ huna kɛginyany na ale ujjukkɛ rɛhi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ