Zuga Kèkko 19:8 - Suri Latin

⁸ Na nɔng Bhaulos tɛu ngonu taginya sizzi na kali kali ogo doraa madhinɛnɛa zuga Ayhudhi lɔga Tumu na madhɛsɛ dib na dhugunɛsɛ bhɛa lɔmɛa ꞉Tumu zugo haalɛ na ko yɔk kɛyɛbhɛtɔ.

Zuga Kèkko 19:8 ပူးပေါင်းရင်းမြစ်များ

Zuga Kèkko 1:3

Na nɔng anna bere sabbɔ rɛsayɔ na banaa na koo dhɔlɛsɛ yɔk rɛ kɛngi mɛri ungo zugo ramman na kataga bhɛa ihɛa basseyɔ dhere. Na hunaa dhɔlɛsɛna rɛ na ɛlla kariye, madhɛsɛ bhɛa Tumu lɔmɛa zugo.

Zuga Kèkko 13:14

Na yɔk banda Bhɛrgagiye na ago chɔɔ ɔra kèe Ansokiyaa iho Bisidhagiye. Na koo Kala Ayawsuny ago doraa madhinɛnɛa zuga Ayhudhi lɔga Tumu na tɛlda bay.

Zuga Kèkko 13:46

Na Barnabas ko Bhaulos bho ngani ngaɛngɛrsɛo na seyɛsɛ, “Lɔga Tumu sabbɔ maya koyokkogung igge zuga Ayhudhi. Na hunde wa tamarto ꞉eygo bhɛa jɔanɛo basseya iho dhulde, agge kɔbhɔdhinɛno na koyogɛsɛno bhorinya gen.

Zuga Kèkko 14:1

Na hunaa Bhaulos ko Barnabas ɛlla Ikoniyomɔye, banda na ago doraa madhinɛnɛa zuga Ayhudhi lɔga Tumu damiya bɔɔ messɛa Ansokiyaa iho Bisidhagiye. Na madhtɛsɛ zugo kamannaa Yesusi na kɔbhtɛsɛ ko bhee gaɛ shɛɛ. Na zuga Ayhudhi ko bhorinya gen ga mɛra yɛbhɛyɛ.

Zuga Kèkko 17:17

Na koo ogo doraa madhinɛnɛa zuga Ayhudhi lɔga Tumu na kɔbhɛsɛ zuga Ayhudhi ko zuga Giriki yɛbhbhɛa Tumu lɔga Yesusi. Nɔng kali kali hunde itinynyannɛ ko zugo tu kɛngɔye, taa kɔbhɛsɛna nganga.

Zuga Kèkko 18:19

Na hunaa dokkɛa Ebhesonde, nɔng dhɔyu Ngabhirsikila ko Akila na ogu doraa madhinɛnɛa zuga Ayhudhi lɔga Tumu na kɔbhɛsɛ zuga Ayhudhi lɔga Yesusi na mɛzziyo.

Zuga Kèkko 18:26

Na ogo doraa madhinɛnɛa zuga Ayhudhi lɔga Tumu na madhɛsɛ zugo lɔga Yesusi dhɛ dhɛ hung. Na hunaa Ngabhirsikila ko Akila shikkɛaye, dhigana doraa nɛ na tɔrtɛ lɔk gena na kɔbhtɛsɛ ganggua Tumu na katak shɛɛ.

Zuga Kèkko 18:4

Na Kala Ayawsuny tii tii nɔng kɔ doraa madhinɛnɛa zuga Ayhudhi lɔga Tumu na madhɛsɛn zuga Ayhudhi ko ga Giriki lɔga Yesusi na kɔbhɛsɛn shɛɛ na ko yɔk kɛyɛbhɛtɔ.

Zuga Kèkko 19:10

Na Bhaulos madhu zugo ngadamita oynya ramman. Na zuga Ayhudhi ko bhorinya gen, ga bhakkɛa baa kènno Isiya kumulɔng, shigi lɔga Komoruyny.

Zuga Kèkko 19:7

Na yɔk ngazuktonu kumulɔng dha bere a tɔmmɔn ko ramman.

Zuga Kèkko 19:9

Na yɔk gen tamara na ngani ngayɛbhbhɛo. Na ojjigi lɔga Ganggua Yesusi ke gɛrsi na dhɔmɔ bhɛa sɛrɔ ɔdhdha. Na nɔng Bhaulos koo eliu zuga yɛbhbhɛa Yesus na gaa marrɛa dhɔyu. Na dhiganu gaa yɛbhbhɛa Yesus doraa kàmadhɛa zugo bhɔa kèe Tiranos na madhu ngonu kali kali.

Zuga Kèkko 20:31

Na mɛa igge bhɛgɛ rɛhi! Na katta lɔga bere kibbashɛungu na kamadhɛungu oynya sizzi kari bar ko kali kedherre.

Zuga Kèkko 28:23

Na hunaa bhiiktɛsɛa ungo na tewa ushaye, tɛldi na hoya doraa nɛnɛ ke mɛri. Na nɔng kali bhɛa bo tii ko bhee anɛ jhayny dhugunɛsɛ lɔga Tumu bhɛa Tumu lɔmɛa zugo. Na kɔbhɛsɛ Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadabinya na kɔbhɛsɛ bhɛa madhdhagiyɛa lɔga Yesusi na ko yɔk kɛyɛbhɛtɔ.

Yihudha 1:3

Ngazukta gany kibhbhagung hiniye, anye bɔɔ hini ujjono goore na keni kɔ̀gɔdhagung ngalɔkta kɔ̀lɔ :aggeu bere ibbaysiyɛiy :Tumuye. Na hunde ko kɛ̀sɛdh nganga, anye sabba bhɔdhɛ na kɛsɛdhdha lɔga keni kɔ̀gɔdhagɛung lɔga maya mɛdhdhanɛo, na yɛbhɛo lɔga ku dhere bere ibhbhana :Tumu kalde dhɔnɛ wub na ajjiy agge zuga gɛnyɛ ridhing ngakɔlɔmao.