Zuga Kèkko 18:8 - Suri Latin

⁸ Na nɔng hira ku gulsaa doraa madhinɛnɛa zuga Ayhudhi lɔga Tumu kèe Keribhos ko zuga gɛnyɛ kumulɔng, yɛbhɛ Komoru Yesus. Na yɔk zuga Korontosi ga bo mɛra shigi lɔga yokkono ꞉Bhaulosi na ko yɔk yɛbhɛ na churtɛ.

Zuga Kèkko 18:8 ပူးပေါင်းရင်းမြစ်များ

Lɔgɔ Sabba 18:19

Annaa bere kɛbɛrau nɔng na kamadhɛsɛ erroa gɛnyɛ ko ashaa gɛnyɛ bhɛa messɛa lɔga challa na kedhdhɛa lɔgɔ shɛɛ na ko yɔk kɛbhɛgɛ lɔga ganyu sɔng. Na hunde bhɛkkɛ lɔga ganyu shɛɛye, ko anye kurrugɛsɛn lɔga bere kìbhiikko ko nɔng kari.”

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Markos 5:22

Na bhɛa gulsachinaa allinɛnɛa doraa madhinɛnɛa zuga Ayhudhi lɔga Tumu na kèe Yaros dha bere kun na i ngonu. Na hunaa orro Yesuse, dhugumo na tɔgɔdhɛsɛ kɔmma jagara gɛnyɛ.

Markos 5:35

Na Yesus hunde chinyi ngani yokkono lɔgɔ ngangaye, yɔk zug gena hoya doraa Yarosi hira ku gulsaa allinɛnɛa doraa madhinɛnɛa zuga Ayhudhi lɔga Tumu. Na yoktɛsɛ Yaros lɔgɔ na seyɛsɛ, “Sedhdheya nunu wa garra, na hira madhdhiy ngatani!”

Zuga Kèkko 10:2

Na nɔng ko zuga gɛnyɛ kumulɔng bere anna zuga kachchɛa Tumu na ɛngɛrsɛa na ajjɛa diram. Na nɔng bere ɛana zuga ku bhoyoga shɛɛ na allinɛna ko Tumu kali kali.

Zuga Kèkko 11:14

Nɔng ale yokkoginy lɔga kìbbaysiyɛinyi inye ko zuga gunyu kumulɔng.’

Zuga Kèkko 13:15

Na hunaa zugo toyiya Damiya Tumu bere kàjjɛa Muse ko lɔga zuga bere yogɛsɛnɛa zugo lɔga dhugunono ꞉Tumu bere kɔdhdhɛsɛnɛa dadabinya na tewa ushaye, gulsachina ngadoronu madhinɛnɛye ghini Bhaulos ko Barnabas na seyɛsɛ, “Gochonginyaye, hunde kesea lɔmmo lɔkte senno madhtɛsɛ zugo na iriytɛye, hoya na madhtɛsɛ.”

Zuga Kèkko 16:34

Na dhiganu Bhaulos ko Silasi doraa nɛnɛ na abhanyisiu. Na nɔng ko zuga gɛnyɛ kumulɔng hinisi te hɔli ke ngaya yɛbhɛ Tumuye.

Zuga Kèkko 18:1

Na koo Bhaulos bana Atenagiye na ogo Korontosɔ.

Zuga Kèkko 18:17

Na zuga ɛlla ngonu kumulɔng ibhigi gulsaa doraa madhinɛnɛa zuga Ayhudhi lɔga Tumu kèleo Sosoten na aytɛ na dhaga doraa kègedhdhɛa lɔgɔ ratagiye. Na nɔng Galiyo ngani ngatɔgiyo.

Zuga Kèkko 19:1

Na huna Abholos iho Korontosɔ, nɔng Bhaulos tɔu oriya ɛlla Galatiyagiye ko Bhirgiyagiye na ogu Ebhesonɔ. Na koo ngonu itinynyandɛ ko zuga yɛbhbhɛa Yesus gen.

Zuga Kèkko 8:12

Na nɔng Bhilibhos hunaa madhɛsɛna zugo kamannaa challa ale lɔmɛiy ꞉Tumu ko lɔga sara Yesus Kirisosi na shikkɛaye, zuga maya ko ga ngaha kari yɛbhɛ lɔga yokkono ꞉Bhilibhosi na churtɛ ma.

2 Timotiyos 4:20

Nɔng chɔɔ Irato bɔɔ dhɔyɛa Korontosɔ. Na Tirobima nɔng ilagawa na kɔdhɔtta Militagiye.