Zuga Kèkko 18:6 - Suri Latin

⁶ Na yɔk tamara na dhɔmɔ nɔng. Na hunaa messɛa ngangaye, nɔng Bhaulos tibara ruma nɛnɛ na sɛɛsɛ, “Wa koyogogungngɔ na tamarto. Na ale hunde attiung ꞉Tumuye, any kattiyɛung lɔga sabbiya gu! Anye mɛa wa kuchurau sabba! Na anye kɔgɔdhdhanɛ mɛa, na kɔgɔ na koyogɛsɛn bhorinyaa anaa lɔga Yesusi!”

Zuga Kèkko 18:6 ပူးပေါင်းရင်းမြစ်များ

Matiyos 10:14

Na hunde kesea zugo ngani ngalamanungɛo oo lɔga gu ngani ngashikkɛoye, dhɔyɔ ngadorionu oo ngaɔrronu na tibarta teriya dokkono ngaɔrronu jagarre.

Matiyos 21:41

Na yɔk yaktɛsɛ na seyɛsɛ, “Nɔng ale kɔ na tiranyɛ ngazukta bu ku kuhuyagaye gɛrrɛng gɛrrɛng na nis na gu dhɔyɛsɛn zukte bas ale ajjɛsɛnɛ nɔng liwa kolea suniuny shɛɛye.”

Matiyos 21:43

“Na mɛa anye kesennagung ɛnɛnggeo, Tumu ale dhɔt bhɛa lɔmɛungu igge na lɔ zukte dhungnganɛ kawara gɛnyɛye.

Matiyos 22:10

Na yɔk zuga kachchɛa komoru dha bere hɛ ganggoye na lammanɛ zukte orrɛye kumulɔng, gee kɛngi chalde ko gee kɛngi gɛrɛse kari, na dhigannanɛ chɔɔ bhɛaa wololo. Na ngazuktonu ku kɔmɔnde dha bere mukkinya na dhinɛ dhik na hɛtinɛnɛ ko bhɛaa duriyɛa :zugu wololo.

Matiyos 27:25

Na yɔk zugo kumulɔng yaktɛsɛ na seyɛsɛ, “Nyawaa gɛnyɛ any kɔ̀tɔlɔmbo :aggeu ko erroa gayo.”

Matiyos 8:11

Na mɛa anye kesennagung ɛnɛnggeo, yɔk zugo ga mɛra ale bansanɛ yalɔ ko kɛnkɛnɔ na hony na ɛl ko Awuraham ko Isak ko Yaykob bhɛa lɔmɛa :Komoruya tumony zugo na ammɛ tila kari.

Zuga Kèkko 13:51

Na yɔk hunaa kɔ̀gɔldaaye, tibarta teriya ngaɔrronu jagarre na ago Ikoniyomɔ.

Zuga Kèkko 26:11

Na taa kalamii yɔk doriyoa madhinɛnɛa zuga Ayhudhi lɔga Tumu na kattii goore na kadhɛsɛni lɔgɔ na kɔdhɔmɔ Yesus. Na bere kamargii goore na kɔɔbhi chɔɔ ori genne na kɔgɔrraniyɔ.

Zuga Kèkko 26:20

Na sabbɔ kamadhdha zuga Dɛmasko ko zuga Yerusalemi ko zuga baa Yudha kumulɔng. Na koo kɔtɔrɛu zuga bhorinyaa anaa Tumu ngani kɛyɛbhtao. Na koyogɛsɛu na kujjugu lɔga gɛ gɛrsa kumulɔng na kawakta gɔra Tumu, na kemesigi lɔga hinno ꞉Tumu na kɔdhɔlda bhɛa anɛa zuga ujjukkɛa lɔga gɛ gɛrsa.

Zuga Kèkko 28:28

“Na mɛa igge tagatɔni wo! Tumu wa ekka zugo na koyoktɛsɛ bhorinyaa anaa lɔga ibbaysia ꞉nɛa zugo na yɔk ale shikkɛyɔ!”

1 Timotiyos 5:22

Na ngangosumi na ibhbhani hir kona na tadhɛ siyɔ. Na ko zuga messɛa lɔga gɛrsa ngatɔrnɛno. Bhɛk rɛa nunu shɛɛ na tɛ hurr.

2 Timotiyos 2:25

Na sɛɛ kiyaga hinisiya zukte marrɛ nɔngge, na aynde kesea ale yɔk wokkonɛ gɔra Tumu na lɔga gɛ gɛrsa kùjjuk na gaɛ lɔga ku dhere,