Zuga Kèkko 18:18 - Suri Latin

¹⁸ Na Bhaulos tɛu Korontosɔ unga bo mɛra. Na koo kendɛ ko gochonginya, na dhi ko Ngabhirsikila ko Akila ɔrre i yirisiyɔ tugɔ kèe Kinkira. Na hunaa ɛlla ngonuye, nɔng Bhaulos yɛsa sabba ke ngaya lɔga bere bhiigɛsɛna ꞉nɛa Tumu bhugnyɛsɛnɛye. Na koo ago Soriyagiye gonggulɔ.

Zuga Kèkko 18:18 ပူးပေါင်းရင်းမြစ်များ

Matiyos 4:24

Na koo kamannaa nɛnɛ shigi :zugu kumulɔng na tɛhɛtɛy ko baa Soriya. Na zugo hoyɛy zuga ilagassɛa mutanyoga bhiy bhiy, ko ga chɔllanɛna ilagayɛna bo dhandala, ko ga tɔgɛsɛnɛa :mɛnɛngu, ko ga amma kalalɛ, ko ga chudhinɛna kumulɔng na ayɛsɛ nɔng na ibbaysiu.

Markos 6:46

Na hunaa yagɛsɛa zugo na tewa ushaye, irrɔgu dhum kona tundɔ na kalliyɛ ko Tumu.

Zuga Kèkko 1:15

Na kali kona zuga yɛbhbhɛa Yesus gee ku zugo illɛy muktɛ bhee dhɔnɛ. Na nɔng Betiros bana na chilu bhɛa nɛ sabbɔ na sɛɛsɛ,

Zuga Kèkko 15:23

Nɔng dadaba bere ittonɛsɛnɛa ꞉yɔkku dha bere se, “Kanno zuga bere ekkiy ꞉Yesusi ko zuga bibiyo lɔmmɛa zuga yɛbhbhɛa Yesus, ko gochonginyaa gu kabhakko Yerusalem. Na ngadadabta kɔ̀gɔdhdhagung zuga bhorinyaa anaa yɛbhbho Yesus bhakko Ansokiya ko Soriya ko Kilkiya. Na kesennagung, ‘Saro saro!’

Zuga Kèkko 15:41

oriya ɛlla Soriyagiye ko Kilkiyagiye na iriyi zuga yɛbhbhɛa Yesus gɔrɔ gɔrɔ.

Zuga Kèkko 18:2

Na ngonu itinynyandɛ ko hira Ayhudhi bere hudhukkinya Bantosɔ kèe Akila. Nɔng ko tɛriya nɛnɛ Ngabhirsikila dha bɔɔ ngani hony Dhalɛnɔ, ke ngaya bere komoruya Rome kèe Kilawdi ajjɛ zuga Ayhudhi bhakkɛa Rome kumulɔng lɔgɔ na kɔta Rome na kɛzɛgɛte. Na nɔng Bhaulos ogo na kɔgɔny yɔk.

Zuga Kèkko 18:26

Na ogo doraa madhinɛnɛa zuga Ayhudhi lɔga Tumu na madhɛsɛ zugo lɔga Yesusi dhɛ dhɛ hung. Na hunaa Ngabhirsikila ko Akila shikkɛaye, dhigana doraa nɛ na tɔrtɛ lɔk gena na kɔbhtɛsɛ ganggua Tumu na katak shɛɛ.

Zuga Kèkko 18:27

Na hunaa Abholos tɛhɛnna bhɛa senno kɔgɛ Akayagiyeye, gochonginya iriyi na tɔgɔndɛsɛ zuga yɛbhbhɛa Yesus ɛlla Akayagiye dadab, na kɔtɔlɔmɔ shɛɛ. Na hunaa kɔa na dokko ngonuye, ɛa zuga bere chirbhiseo ꞉Tumu na yɛbhbhɛa lɔga Yesusi goore.

Zuga Kèkko 21:23

Na mɛa ga me ngalɔkta kòyokkoginy ꞉aggeuye. Agge kɔlɔmmo zukte ku wush wa bhiigɛsɛnɛa Tumu lɔgɔ.

Zuga Kèkko 21:24

Na dhi ko yɔk kari na mesigi damiya kònyonɛa ridhing. Na ahaye onynɛnɛnoye gadhi na yɛsay ꞉iggeu sabbi. Na hunde mesi ngangaye, zugo kumulɔng gainyɛ hunde ani hira bhɛgi Damiya Tumu bere kàjjɛa Muse na lɔga bɔɔ kàmagaginyi a butomoye.

Zuga Kèkko 21:3

Na hunaa kadharɛsɛno Kobhorose, kɔdhɔtto siyɔ kangitɛn na kadhayo siyɔ sɛtɛn chɔɔ Soriya. Nɔng dha bere gonggula nayo se kujjuga aha Tirosɔ. Na ko agge kobhondao ngonu.