Zuga Kèkko 18:12 - Suri Latin

¹² Na bɛrgua anɛa Galiyo gulsa Akayagiye, zuga Ayhudhi muktiyaa na bandɛsɛ Bhaulos na aytɛ doraa kègedhdhɛa lɔgɔ.

Zuga Kèkko 18:12 ပူးပေါင်းရင်းမြစ်များ

Matiyos 27:19

Na Bhilatos hunaa ngani iho alleya nɛnɛ kedhɛa lɔgɔye, nɔng tɛriya nɛnɛ egɛsɛ nɔng tugɔ na yogɛsɛ lɔkte sennɛ, “Ngame ngahirronu ridhing ninggɛye hun kona. Anye wa kugunasɛsɛni lɔga gɛnyɛ na kɛsɛdhi na kushurnɛni goore dhogoy.”

Yohanis 19:13

Na Bhilatos hunaa shikko ngalɔktaye, obhoniseo Yesus bho na nɔng ogu alleya kègedhdhɛa lɔgɔ iho bhɛa kèe “Bɛ Chabbali” na tɛa bay. Yɔk ngasarra kèe “Bɛ Chabbaliye,” tuga Hibiru keli, “Gawata.”

Zuga Kèkko 13:12

Na nɔng gulsa hunaa orro ngalɔktaye, yɛbhu ke ngaya iwachiɛ madhaa Komoruynyde.

Zuga Kèkko 13:50

Na yɔk gulsachina Ayhudhi kɔnkɔnɔ tɛrroa ngaɔrronu lɔmmɛa aha yɛbhbhɛa damiya Ayhudhi ko gulsachina ngaɔrronu na katamara Bhaulos ko Barnabas, na kɔlda.

Zuga Kèkko 13:7

Ko nɔng dha bere a hira kachcha gulsaa ngabaonu gaa bho goore kènno Sɛrigos Bhaulos. Na nɔng ngagulsaonu tɛhɛnu bhɛa senno kishigɛ lɔga Tumu na eliu Barnabas ko Saol.

Zuga Kèkko 13:8

Nɔng dha bere deniya kènno Baryesus tuga Giriki sara gɛnyɛ keli Elmas. Na Elmas a bhɛa kènɛa “Deni.” Na nɔng taganyɛ Barnabas ko Saol lɔgɔ na gulsa lɔga Tumu ngayɛbhi.

Zuga Kèkko 14:19

Na zuga Ayhudhi gen hoya Ansokiyagiye ko Ikoniyomɔ na kɔnkɔnɔ zugo na kɔchɔ Bhaulos bɛnne. Na chɔ na tugurtɛsɛ ɔr dhey. Yɔk sennɛ wa ere.

Zuga Kèkko 14:2

Na yɔk zuga Ayhudhi marrɛa ngalɔkta gen kɔnkɔnɔ bhorinyaa anaa ngani kamannaa Yesusi kɛyɛbhtao na kowoloktɛ ko zuga yɛbhbhɛa Yesus.

Zuga Kèkko 17:13

Na zugaa gina ku Ayhudh bhakkɛa Tɛsɛlongke hunaa takta hunde Bhaulos madhinɛnɛ lɔga Tumu Beriyagiyeye, ago ngonu na kɔnkɔnɔ zugo na bhori ba sɛgɛn.

Zuga Kèkko 17:5

Na yɔk zuga Ayhudhi gen hinisi ngɔ na mukta tɔliyoga ganggoye na yoktɛsɛ lɔgɔ na kobhori ɔr. Na haddi doraa Iyasoni na kibhigi Bhaulos ko Silasi na kayɛsɛ zugo.

Zuga Kèkko 18:11

Na Bhaulos tɛu ngonu na madhu zugo lɔga Tumu oyo dhɔnɛ ko taginya illɛy.

Zuga Kèkko 18:27

Na hunaa Abholos tɛhɛnna bhɛa senno kɔgɛ Akayagiyeye, gochonginya iriyi na tɔgɔndɛsɛ zuga yɛbhbhɛa Yesus ɛlla Akayagiye dadab, na kɔtɔlɔmɔ shɛɛ. Na hunaa kɔa na dokko ngonuye, ɛa zuga bere chirbhiseo ꞉Tumu na yɛbhbhɛa lɔga Yesusi goore.

Zuga Kèkko 19:21

Na ngalɔkta kumulɔng hunaa tewa ushaye, nɔng Bhaulos hinisɔ ɛsɛdhu bhɛa senno kadhayɛ Mekedoniya ko Akaya na kɔgɛ Yerusalemɔ. Na seu, “Hunde kodogi ngonuye, maya kugunyi Rome.”

Zuga Kèkko 25:10

Na nɔng Bhaulos yagɛsɛ na sɛɛsɛ, “Mɛa anye kani nganda wa kichilla bhɛa hira komoruya Rome bo kedhdho lɔga damiya zuga Rome. Na lɔkte kɛddɛi bhɛa zuga Ayhudhi ninggɛ. Chɔɔ ko inye gayɔ.

1 Tɛsɛlongke 2:14

Gochonginyaa gayoye, igge dha bere artao lɔga zuga bhakkɛa baa Yudha yɛbhbhɛa lɔga Yesus Kirisosi. Na ngaya yɛbhɛo lɔga gɛnyɛye, a bhɛa bere chɔllanɛnɛo bhɛa zuga bhora nu damiya bere chɔllanɛnɛa :zuga yɛbhbhɛa lɔga Tumu ɛlla baa Yudha bhɛa bhora nɛ Ayhudhi.

1 Tɛsɛlongke 2:16

na senno ngakòyoktɛsɛo zuga bhora anaa lɔgɔ na kabayɛ. Yɔk hunde ngani messɛ ngangaye, idhigisɛɛ lɔga gɛ gɛrsa dirr. Nɔng Tumu annaa nyima kɛr na mɛa teu kolea senno katɛɛ yɔk.

Yaykob 2:6

Ga tunggɛsɛyɔ se. Igge dha bere kɛo zuga aha ningginɛna hɔlɔng hung. Yɔk ngazukta bu aha mɛrte ngayo ngagiya tiranynyɛungɛ kali kali na dhigannungɛ hana kedhdhɛa :zugu lɔgɔ na chillɛungɛye?