Zuga Kèkko 17:4 - Suri Latin

⁴ Na zugaa Ayhudhi shikkɛa ngalɔktonu gen yɛbhɛ na tɔrtɛ ko Bhaulos ko Silasi. Na ko yɔk zuga Giriki yɛbhbhɛa Tumu ko tɛrroa gulsachinaa orony ga bo mɛra yɛbhɛ ngalɔkta na tɔrtɛ ko yɔk kari.

Zuga Kèkko 17:4 ပူးပေါင်းရင်းမြစ်များ

Yohanis 7:35

Na yɔk gulsachina Ayhudhi koo mɛzzi kɛngɔ na se, “Na mɛa dha ngahirra gɔrre se kɔgɛ na agge ngakɔjɔanɛye a ore? Dha se kok oriya bere bhasanyɛsɛnɛa :zuga ga bhakkɛa ko zuga Giriki kari na kamadh zuga Giriki ka?

Zuga Kèkko 13:43

Na zugo hunaa bhassaninyana doraa kàmadhɛa zugo lɔga Tumuye, zuga Ayhudhi ga mɛra ko bhorinya gen ga yɛbhbhɛa Damiya Tumu bere kàjjɛa Muse goore kɔbhɔ Bhaulos ko Barnabas. Na yɔk madha na kiriytɛ na kabhaga chaldina Tumu tii.

Zuga Kèkko 13:50

Na yɔk gulsachina Ayhudhi kɔnkɔnɔ tɛrroa ngaɔrronu lɔmmɛa aha yɛbhbhɛa damiya Ayhudhi ko gulsachina ngaɔrronu na katamara Bhaulos ko Barnabas, na kɔlda.

Zuga Kèkko 14:1

Na hunaa Bhaulos ko Barnabas ɛlla Ikoniyomɔye, banda na ago doraa madhinɛnɛa zuga Ayhudhi lɔga Tumu damiya bɔɔ messɛa Ansokiyaa iho Bisidhagiye. Na madhtɛsɛ zugo kamannaa Yesusi na kɔbhtɛsɛ ko bhee gaɛ shɛɛ. Na zuga Ayhudhi ko bhorinya gen ga mɛra yɛbhɛyɛ.

Zuga Kèkko 14:4

Na yɔk zuga orony kendiyaa gaminya ramman. Na gam kona tɔrɔ zuga Ayhudhi. Gam kona tɔrɔ zuga ekko ꞉Yesusi.

Zuga Kèkko 15:22

Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 15:27

Na koo agge kibhtao Silasi ko Yihudha na kektogung na kɔɔbhtagung ngalɔkta kɔ̀gɔdhdhagung dadabɔye tugichinne shɛɛ.

Zuga Kèkko 15:32

Yɔk dha Yihudha ko Silasi a zuga yogɛsɛnɛa zugo lɔga dhugunono ꞉Tumu. Na hunaa ɛlla ngonuye, madhtɛsɛ zuga yɛbhbhɛa Yesus lɔga bo mɛra na ilala na iriyi na kɛyɛbhɛ lɔga Yesusi goore, na ngadhɔttɛ.

Zuga Kèkko 15:40

Na Bhaulos nɔng bɛra Silasi na ogoldɛsɛ ꞉gochonginyau Tumu na dhɔtɛsɛ chaldina Tumu na ago

Zuga Kèkko 16:3

Na nɔng Bhaulos tɛhɛnu na se kidhi kari. Na dhiganu na kedhdhu rɛa maya ke ngaya zuga Ayhudhi bhakkɛa ngonu kumulɔng gaɛ hunde baba nɛnɛ a hira Girikiye.

Zuga Kèkko 17:10

Na barɔ zuga yɛbhbhɛa Yesus ittono Bhaulos ko Silasi Beriyagiye ke tiri. Na hunaa dokkɛa ngonuye, ago doraa madhinɛnɛa zuga Ayhudhi lɔga Tumu.

Zuga Kèkko 17:12

Na bhɛa nɛ yɔk zuga Ayhudhi yɛbhbhanɛa Yesus te mɛri. Na ko yɔk zuga Giriki bo mɛra toynɛna kàggaa, ga ngaha ko ga maya kari, yɛbhɛ Yesus.

Zuga Kèkko 17:14

Na zuga yɛbhbhɛa Yesus ɛlla ngonu koo yoktɛsɛ Bhaulos ke tiri na ittono chɔɔ yirisi tugɔ. Na Silasi ko Timotiyos yɔk dhɔttɛ Beriyagiye ngonu.

Zuga Kèkko 17:17

Na koo ogo doraa madhinɛnɛa zuga Ayhudhi lɔga Tumu na kɔbhɛsɛ zuga Ayhudhi ko zuga Giriki yɛbhbhɛa Tumu lɔga Yesusi. Nɔng kali kali hunde itinynyannɛ ko zugo tu kɛngɔye, taa kɔbhɛsɛna nganga.

Zuga Kèkko 17:34

Na yɔk zug gena yɛbhɛ ngalɔkta yokkono ꞉Bhaulosiye, na tɔrɔ nɔng. Na bhɛa zuga yɛbhbhanɛa ngalɔkta, kona a hira kedhdho lɔgɔ Ariyobagosɔ kèe Donasiyos ko tɛrite kèe Dɛmaris ko zug gena.

Zuga Kèkko 18:4

Na Kala Ayawsuny tii tii nɔng kɔ doraa madhinɛnɛa zuga Ayhudhi lɔga Tumu na madhɛsɛn zuga Ayhudhi ko ga Giriki lɔga Yesusi na kɔbhɛsɛn shɛɛ na ko yɔk kɛyɛbhɛtɔ.

Zuga Kèkko 19:10

Na Bhaulos madhu zugo ngadamita oynya ramman. Na zuga Ayhudhi ko bhorinya gen, ga bhakkɛa baa kènno Isiya kumulɔng, shigi lɔga Komoruyny.

Zuga Kèkko 2:44

Na zuga yɛbhbhɛa Yesus bere bhakkɛa ke dhɔnɛ na ahaa gɛ kumulɔng gunynyɛa ke dhɔnɛ.

Zuga Kèkko 21:28

Na ara wuy na se, “Zuga Isirayeliye! Ɛyaiy! Hirre madh zugo ba kumulɔng na zuga ga ko damiya na ko ngabaya se katamara ꞉zuguye, a ngahirra. Aynde dhigannana chɔɔ zuga Giriki ngadoriya barar Tumuye na tiranynyɛ na kete gɛrsiye.”

Zuga Kèkko 28:24

Na zug gena yɛbhɛ lɔgaa kɔbhɛsɛna na yɔk gen tamarayɛ.

Zuga Kèkko 4:23

Na yɔk hunaa kɔ̀ktaa na tewa ushaye, ago na assa gochonginyaa gɛ na yoktɛsɛ lɔga yogɛsɛnɛa ꞉gɔldangɛaa bibiyo doraa Tumu barara ko zuga Ayhudhi bibiyo kumulɔng.