Zuga Kèkko 16:6 - Suri Latin

⁶ Na Bhaulos ko Silasi se kago oriya ɛlla Isiyagiye na kamadhtɛsɛ zugo lɔga Tumu. Na yɔk taganyɛ ꞉Kuloya Tumu na ngaoreonu lɔgɔ ngamadhɛɛnɛ. Na yɔk dhɔyɔ na ago na dha oriya ɛlla Bhirgiyagiye ko Galatiyagiye.

Zuga Kèkko 16:6 ပူးပေါင်းရင်းမြစ်များ

Zuga Kèkko 10:19

Na Betiros hunaa ngani ungusɛsɛna kunaye, sɛɛsɛ ꞉Kuloya Tumu, “Lamienyɛ :zukte ku sizzi.

Zuga Kèkko 11:12

Na yogogony ꞉Kuloya Tumu lɔgɔ na ko hini ngakadhaginɛno na kìdhiyo ko yɔk kari. Na chɔɔ ngagochonginyaa ku illɛyte bɔɔ kidhiyano na kɛhɛo doraa ngahirronu kari.

Zuga Kèkko 16:7

Na hunaa hɛa na dokkɛa ngerreya Misiyaye, ɛsɛdhɛ lɔgɔ na kago Bitiniyagiye na ittonu ꞉Kuloya Yesusi na taganyɛ sɛgɛn na ngonu ngahɛ.

Zuga Kèkko 18:23

Na hunaa tɛwa Ansokiyagiye ungge muchugiye, bana na tɔu oriya ɛlla Galatiyagiye ko Bhirgiyagiye, na iriyu zuga yɛbhbhɛa Yesus ngonu kumulɔng.

Zuga Kèkko 19:10

Na Bhaulos madhu zugo ngadamita oynya ramman. Na zuga Ayhudhi ko bhorinya gen, ga bhakkɛa baa kènno Isiya kumulɔng, shigi lɔga Komoruyny.

Zuga Kèkko 20:16

Nɔng dha bere Bhaulos se kadha Ebheson bhɔ na Isiyagiye dirr ngaihi. Ngosum na kuturbhan gibiriya kèe Bhenteko iho Yerusalemɔ.

Zuga Kèkko 20:28

Na igge bhɛgɛ rɛhiya gu. Na zuga bere ajjungu ꞉Kuloya Tumu iwo shɛɛ huna bea gu ikɔlnɛna ke ngaya bere udhuyɛ ꞉eriya Tumu nyawa na yakkanɛ ke zuga gɛnyɛye.

Zuga Kèkko 20:4

Yɔk zukte dha bere dhɛɛ ko nɔng kariye a eriya Bhirusi bere kunno Beriyagiye kènno Sobhatiri, ko zuga honynyo Tɛsɛlongkegiye kèleo Artiroko ko Sekondo, ko hira bere kunno Derbegiye kèleo Gayos ko zuga honynyo Isiyagiye kèleo Tikiko ko Tirobima, ko Timotiyos.

Zuga Kèkko 21:27

Na hunaa unga ku issabbay senno kagarate, zuga Ayhudhi honynyo Isiyagiye argi Bhaulos doraa Tumu barara ratagiye toye. Na hunaa orrɛaye, kɔnkɔnɔ zugo kumulɔng na bandɛsɛ Bhaulos na ibhigiyɛ.

Zuga Kèkko 6:9

Na dha bere ngonu lɔ zuga Ayhudhi honynyo Kerenagiye ko Iskindiriyagiye ko Kilkiyagiye ko Isiyagiye madhɛsɛnɛa zugo lɔgɔ doraa madhinɛnɛa zuga Ayhudhi lɔga Tumu kèleo “Doraa Zuga Kòbhonisisɛna Bhɛa Hɔla.” Na ngazukta gen yɔk tamara lɔga madhinɛnɛa ꞉Istibhanosi na ɛkkɛnyandɛ ko nɔng.

Zuga Kèkko 8:29

Na nɔng Kuloya Tumu sɛɛsɛ Bhilibhos, “Bana ok bhɛa ngahirronu wo kɛga ghurtɛa :harteyauye na itinynyandɛyɔ.”

2 Timotiyos 1:15

Yɔk zuga kɛ̀yɛbhbha Yesus kari bhakkɛa baa Isiya kumulɔng hunde annaa bɔɔ dhɔttanyɔye, inye gayɔ. Yɔk chɔɔ ngazuktonu kona a Bhilogos ko Herwagenes rɛ.

2 Timotiyos 4:10

ke ngaya Demas nɔng bɔɔ tɛhɛnɛa lɔga messɛa :zuga marrɛa Tumu na dhɔyanyɔ na okka Tɛsɛlongkegiyeye. Na ko nɔng Kerike bɔɔ okka Galatiyagiye, na Tito ko nɔng okka Dalmatiyagiye.