Zuga Kèkko 16:19 - Suri Latin

¹⁹ Na yɔk zuga allinɛnɛa nɔng hunaa takta bhɛa bhonsanɛa mɛnɛngiya jɔsɛna birinyaye, ibhigi Bhaulos ko Silasi na tuguru tu kɛngɔ na ayɛsɛ gulsachina orony na kighinitɔ.

Zuga Kèkko 16:19 ပူးပေါင်းရင်းမြစ်များ

Matiyos 24:9

Na igge ale ibhbhongɛ :zugu na hɛyɛungɛ bhɛa chɔllayɛa zugo na nissongɛyɔ. Na bhorinya kumulɔng ale marrungɛ ke ngaya yɛbhbhɛanyu anyeye.

Markos 13:9

“Na mɛa tɛldi kɔk! Yɔk zugo ale ibhbhongɛ na hɛyɛungɛ bhɛa zuga kedhdhɛa lɔgɔ, na dhakkungɛ doriyoa madhinɛnɛa zuga Ayhudhi lɔga Tumu. Na ale hɛyɛungɛ bhɛa zuga allinɛnɛa zugo ko bhɛa komortɛnuny ke ngaya yɛbhbhɛanyu anyeye na kɔbhɛsɛno lɔga ganyu bere orrono kawarre.

Zuga Kèkko 14:19

Na zuga Ayhudhi gen hoya Ansokiyagiye ko Ikoniyomɔ na kɔnkɔnɔ zugo na kɔchɔ Bhaulos bɛnne. Na chɔ na tugurtɛsɛ ɔr dhey. Yɔk sennɛ wa ere.

Zuga Kèkko 14:5

Na zuga Ayhudhi ko bhorinya gen ko gulsachina gɛ daga go na kitiranydɛ Bhaulos ko Barnabas na kɔchɔ bɛnne na kinditɔ.

Zuga Kèkko 15:22

Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 15:26

Yɔk a zuga bere chɔllayɛa rɛhiya gɛ ke ngaya madhɛsɛnɛ zugo lɔga Komoru Yesus Kirisosiye.

Zuga Kèkko 15:40

Na Bhaulos nɔng bɛra Silasi na ogoldɛsɛ ꞉gochonginyau Tumu na dhɔtɛsɛ chaldina Tumu na ago

Zuga Kèkko 16:16

Na kali kona hunde kɛhɛo bhɛa kallinɛnɛa ko Tumuye, kitinynyandɛo ko sedhdheyte ku gaymay gɔrɔ. Nɔng dha a deniya lɔmma kuloya dhugunnono lɔga ale bhugnyɛsɛnɛa. Na hunde me ngalɔktonuye, zuga gɛnyɛ allinɛnɛa nɔng jɔsɛn birinyaa bo mɛra kali kali.

Zuga Kèkko 16:20

Na hunaa ajjɛaye, seyɛsɛ, “Ngazukta a zuga Ayhudhi. Na hoyɛy butomo na bhori ba.

Zuga Kèkko 16:25

Na hunaa senno kete bar kɛngɔye Bhaulos ko Silasi dha bere yɔk allinɛ ko Tumu na eterrisanɛ yello. Na yɔk zuga kìchibbo ko yɔk kari chirarnɛyɔ.

Zuga Kèkko 16:29

Na hira bhɛginɛna kayɛsɛ go na ngeu doraa chibinuny ghohigiye toye, na bhariyu tik tik na tɔgɔdhɛsɛ Bhaulos ko Silasi kɔmma.

Zuga Kèkko 17:6

Na ngani ngajɔanɛo. Na tuguru Iyason ko zuga yɛbhbhɛa Yesus gen na ayɛsɛ gulsachina orony. Na ara wuy na se, “Ngazukta bhorɛɛ ba kumulɔngge wa hoyaa ngaya sɛgɛn

Zuga Kèkko 21:30

Na zugo jajagi na ara wuy na ngeya ɔr toye na muktiyaa kumulɔng. Na ibhigi Bhaulos na tuguru na obhonisi sariya doraa Tumu barara bhɔ na nyɔgɔ waranyoga ke tiri.

Zuga Kèkko 8:3

Nɔng dha bere Saol se kuhuga zuga yɛbhbhɛa Yesus. Na tunnugɛsɛn doriyo doriyo kumulɔng na ghurtono zuga maya ko ga ngaha kari na kɔɛ doraa chibinuny.

Zuga Kèkko 9:16

Na ale kudhugunɛsɛn nɔng bhɛa ale chɔllanɛnɛa sara ganyu.”

1 Tɛsɛlongke 2:2

Chɔɔ huna bere sabbɔ kɔ̀chɔllanɛno Bhilibhisɔ na dhɔmiyɛa :zugu, na ɛaniy :Tumu, igge gaoyɔ. Na ko hunde chɔɔ kadaktao lɔkte bu gɛrsi, agge ngani kàmadhdhagung kamannaa Tumu challa dhɛ dhɛ hung.

1 Timotiyos 6:10

ke ngaya lɔga kuhuyamo kumulɔng shigininyanɛ bhɛa kìbhɛsɛna birinya hinisi na kèyelɛaye. Yɔk chɔɔ zug gena bɔɔ hinisi ujjonɛa goore na hinnɛa bhɛa senno keteyɛ zuga birinya mɛra, na koo dhɔtta bhɛa yɛbhɛa Yesus na uwassa rɛhi na chɔllayɛa goore dhogoy huna zuga kɔdhdhɛa rɛhi warachinne.

Yaykob 2:6

Ga tunggɛsɛyɔ se. Igge dha bere kɛo zuga aha ningginɛna hɔlɔng hung. Yɔk ngazukta bu aha mɛrte ngayo ngagiya tiranynyɛungɛ kali kali na dhigannungɛ hana kedhdhɛa :zugu lɔgɔ na chillɛungɛye?