Zuga Kèkko 15:7 - Suri Latin

⁷ Na hunaa oyta lɔgɔ dirr na tewa ushaye, Betiros bana na sɛɛsɛ, “Gochonginyaye, huna bɔɔ sabbɔ Tumu bɛrrananyi anye bhɛa nu na kàmadhɛsɛ bhorinya gen kamannaa challa na kɛyɛbhɛyɛ, igge gao chi.

Zuga Kèkko 15:7 ပူးပေါင်းရင်းမြစ်များ

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 3:27

Na nɔng Yohanis yagɛsɛ na sɛɛsɛ, “Tumu hunde hiri lɔga kènno keme ngani kaynɛoye, bhee mesɛ ga sabbaa nɛnɛ ninggɛ.

Zuga Kèkko 1:16

“Ngagochonginyaa ganyde, lɔga ngahirra kèe Yihudha bɔɔ ajjɛ Yesus mirɔgaye, a lɔga bere ajjɛa ꞉Kuloya Tumu Dawiy sabbɔ na yokkono na ɛlla dadabɔ. Na ngalɔkta maya bere bhugnyɛsɛnɛyɔ.

Zuga Kèkko 1:24

Na alliyɛ ko Tumu na se, “Komorue, inye ani na gayi lɔga ɛsɛdhdhɛa ꞉zugu hinisichinne kumulɔng. Na mɛa bhɛa ngazukta ku rammande, ga dhɔlagiy inde bɛrran ꞉inyo na seni kɛsɛrɛ bhɛa Yihudha na keme lɔga gunyu bortɔ dhɔtta huna kɔa bhɛa bɔɔ hinno na rɛsaye.”

Zuga Kèkko 10:19

Na Betiros hunaa ngani ungusɛsɛna kunaye, sɛɛsɛ ꞉Kuloya Tumu, “Lamienyɛ :zukte ku sizzi.

Zuga Kèkko 10:20

Na ga bana na bhon bhɔ na dhi ko yɔk kari. Yɔk ngazukta agga kekkoni ꞉anyo na ko hini ngadhaginɛno.”

Zuga Kèkko 13:2

Na kali kona yɔk hunaa ngani eterrisannɛa Komoru na chibbɛa rɛhi hozzoye, yogɛsɛ ꞉Kuloya Tumu lɔgɔ na sɛɛsɛ, “Ibhtaganyu Barnabas ko Saol na kemesigi zinggoa bɔɔ kelisɛni na kaynɛ.”

Zuga Kèkko 15:14

Lɔgɔ annaa kɔbhagiyɔ ꞉Simoni hunde Tumu dha bɔɔ sabbɔ guny bhorinyaa anaa na se kɛbɛra zug gena na kete ga gɛnyɛ yɛbhbhɛa nɔngge.

Zuga Kèkko 15:2

Na Bhaulos ko Barnabas hunaa shikkɛa ngalɔktaye, ɛkkɛnyandɛ ko yɔk na ojjigi lɔgɔ. Na hunaa oyta lɔgɔ na tewa ushaye, koo zugo bɛrta Bhaulos ko Barnabas ko zuga ngaɔrronu yɛbhbhɛa kamannaa challa gen na kege Yerusalemɔ na kɛlɛhɛnɛ ngalɔkta ko zuga bere ekko ꞉Yesusi ko zuga bibiyo lɔmmɛa zuga yɛbhbhɛa Yesus,.

Zuga Kèkko 15:39

Na Barnabas ko Bhaulos ɛkkɛnyandɛy ngalɔkta kɛngɔ goore na kendɛ. Na nɔng Barnabas ibha Markos na ago gonggulɔ Kobhorosɔ.

Zuga Kèkko 20:24

Lɔga bere ajjanyi ꞉Komoruyɔ Yesusi na kòyogɛsɛ zugo kamannaa Tumu challa chirbhisiny ko bhee kedheshshanɛ, ngakadasiiyo. Na chɔɔ hunde ko kadaga lɔkte gɛrsi, lɔgɔ ninggɛ.

Zuga Kèkko 21:16

Na zuga Kesariya yɛbhbhɛa Yesus gen kidhiyao kari na dhigandiy doraa Minasoni. Nɔng bhɛa zuga Kobhorosi bere yɛbhbhanɛa Yesus sabbɔ dha bere kona a Minason.

Zuga Kèkko 3:18

Yɔk ngalɔktonu agga bere bhugnyɛsɛa damiya bere dhugunono ꞉Tumu na yogɛsɛna zuga yokkonɛa lɔga gɛnyɛ sabbɔ na sennɛa, ‘Hira kɛbɛrrani maya sabbɔ chɔllanɛyɔ.’

Zuga Kèkko 4:25

Na ani na bere yogɛsɛni kokonga nayo kachinyi inye kènno Dawiy lɔgɔ Kuloyɔ na yokkono na senno, “ ‘Zuga bhorinyaa anaa dɛmnɛ na zuga Isirayeli se kabandagany hɔlɔng hung kɛ ɔng?

Zuga Kèkko 9:15

Na nɔng Komoru sɛɛsɛ, “Ay! Ogo assa! Nɔng a hira bere kɛbɛrrani ꞉anyo na koyogɛsɛ bhorinyaa anaa ko komortɛna gɛ ko zuga Isirayeli sara ganyu.