Zuga Kèkko 15:6 - Suri Latin

⁶ Na zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus muktɛ na kɛlɛhɛnɛ ngalɔkta.

Zuga Kèkko 15:6 ပူးပေါင်းရင်းမြစ်များ

Matiyos 18:20

Anye bhee kesennagɛung ngangaye, a ngaya chɔɔ hunde zukte ku ramman oo sizzi kɛtɛldɛ bhee dhɔnɛ ke bhɛa anɛa zuga ganyu, anye kɛlɛo ko yɔk kari ngoonuye.

Zuga Kèkko 11:30

Na ibhta ahaa mukkanɛa na ayɛ Barnabas ko Saol na kayɛsɛ zuga bibiyo lɔmmɛa zuga yɛbhbhɛa Yesus ɛlla Yudhagiye.

Zuga Kèkko 15:2

Na Bhaulos ko Barnabas hunaa shikkɛa ngalɔktaye, ɛkkɛnyandɛ ko yɔk na ojjigi lɔgɔ. Na hunaa oyta lɔgɔ na tewa ushaye, koo zugo bɛrta Bhaulos ko Barnabas ko zuga ngaɔrronu yɛbhbhɛa kamannaa challa gen na kege Yerusalemɔ na kɛlɛhɛnɛ ngalɔkta ko zuga bere ekko ꞉Yesusi ko zuga bibiyo lɔmmɛa zuga yɛbhbhɛa Yesus,.

Zuga Kèkko 15:22

Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 15:25

Na agge kumuktiyao na kɛlɛhɛndo ngalɔktonu. Na hunaa kɛmɛzzeo na hinisiya gayo ibhtɛa ke dhɔnɛye, kɛbɛrtao zukte ku ramman na kidhi ko Barnabas ko Bhaulos, bɛkanyaa ga bo dhandala.

Zuga Kèkko 15:4

Na hunaa ayta na dakta Yerusalembe, lamba ꞉zuga yɛbhbhɛa Yesus ko zuga bere ekko ꞉Yesusi ko zuga bibiyo lɔmmɛa zuga yɛbhbhɛa Yesus, na abhanyisiyo. Na yɔk Bhaulos ko Barnabas koo kɔbhtɛsɛ zugo lɔga bɔɔ mesɛsɛna ꞉Tumu kumulɔng.

Zuga Kèkko 16:4

Na yɔk hunaa woyɛa ori toyeye, kɔbhtɛsɛ zugo lɔga bɔɔ ajjɛa ꞉zuga bere ekko ꞉Yesusi ko zuga bibiyo lɔmmɛa zuga yɛbhbhɛa Yesus, ɛlla Yerusalemɔ na kɛbhɛgɛtɔ.

Zuga Kèkko 21:18

Na bhorre agge ko Bhaulos kayto na kɔgɔnydo Yaykob. Yɔk dha bere zuga bibiyo lɔmmɛa zuga yɛbhbhɛa Yesus mukkinya kumulɔng na ɛl ngonu.

Zuga Kèkko 6:2

Na yɔk zuga ekko ꞉Yesusi ku tɔmmɔn ko ramman mukta zuga yɛbhbhɛa lɔga Yesusi kumulɔng na seyɛsɛ, “Agge hunde kɔdhɔtto bhɛa kamadhɛo zugo lɔga Tumu na kɔɔrgɔrɛo zugo amissɛ sɔngge, i gɛrrɛng.