Zuga Kèkko 15:3 - Suri Latin

³ Na ege ꞉zuga yɛbhbhɛa Yesus ɛlla Ansokiyagiye, na ago. Na hunaa dhoyɛa baa Bhinke ko naa Samariyaye, yoktɛsɛ gochonginya lɔgɔ na seyɛsɛ, “Zuga bhor konnuny ko yɔk dhaa yɛbhɛ kamannaa challa na ujjugu lɔga gɛ gɛrsa.” Na yɔk dɛlɛ goore.

Zuga Kèkko 15:3 ပူးပေါင်းရင်းမြစ်များ

Zuga Kèkko 1:15

Na kali kona zuga yɛbhbhɛa Yesus gee ku zugo illɛy muktɛ bhee dhɔnɛ. Na nɔng Betiros bana na chilu bhɛa nɛ sabbɔ na sɛɛsɛ,

Zuga Kèkko 13:48

Na zuga bhora anaa hunaa shikkɛa ngalɔktaye, hinisi te hɔli na ayɛ Komoru diram ke ngaya lɔga gɛnyɛ anɛ ga bo challaye. Na zuga bere bɛrrana ꞉Tumu na ojjo kɔk na senno kɔjɔya basseya ku dhul, yɔk yɛbhɛ kumulɔng.

Zuga Kèkko 13:52

Na yɔk zuga Ansokiya yɛbhbhanɛa kamannaa challa ɔgɛsɛ ꞉Kuloya Tumu na aynɛ gidhdhing na hinisi te hɔli.

Zuga Kèkko 14:27

Na hunaa dokkɛa Ansokiyaye, mukta zuga yɛbhbhɛa Yesus na kɔbhtɛsɛ lɔga mesɛsɛna ꞉Tumu kumulɔng. Na seyɛsɛ, “Chɔɔ zuga bhora anaa hunaa shikkɛa kamannaa challaye, Tumu owo hinisiya gɛ na yɛbhɛyɛ.”

Zuga Kèkko 15:1

Na kali kona zug gena hoya Yudhagiye na ago Ansokiyagiye. Na madha zuga yɛbhbhɛa Yesus na seyɛsɛ, “Hunde rɛhiya gu maya huna kera bere Muse ngakedhdhooye, Tumu lɔga gu gɛrsa ngaibbayseongo.”

Zuga Kèkko 15:12

Na zugo kumulɔng dhittɛ rib, na chirara Barnabas ko Bhaulos hunde yokkonɛ lɔga bu barara iwachiyɛa ꞉zugu bɔɔ mesɛsɛna ꞉Tumu bhɛa bhorinyaa anaaye.

Zuga Kèkko 15:22

Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 15:32

Yɔk dha Yihudha ko Silasi a zuga yogɛsɛnɛa zugo lɔga dhugunono ꞉Tumu. Na hunaa ɛlla ngonuye, madhtɛsɛ zuga yɛbhbhɛa Yesus lɔga bo mɛra na ilala na iriyi na kɛyɛbhɛ lɔga Yesusi goore, na ngadhɔttɛ.

Zuga Kèkko 15:4

Na hunaa ayta na dakta Yerusalembe, lamba ꞉zuga yɛbhbhɛa Yesus ko zuga bere ekko ꞉Yesusi ko zuga bibiyo lɔmmɛa zuga yɛbhbhɛa Yesus, na abhanyisiyo. Na yɔk Bhaulos ko Barnabas koo kɔbhtɛsɛ zugo lɔga bɔɔ mesɛsɛna ꞉Tumu kumulɔng.

Zuga Kèkko 17:15

Na zugaa dhiyɛa ko Bhaulos ago chɔɔ Atena. Na aynɛ ꞉Bhaulosi lɔkte sennɛ, “Silasi ko Timotiyos sɛɛ kohoya ke tiri na kasaanydɔ.” Na yɔk yaga lɔgɔ Beriyagiye.

Zuga Kèkko 20:38

Yɔk dha bere lɔkte munyussɛ gooreye a ngaya wa senɛsɛn, “Ale wurtɔ sɛgɛn ngani ngaorronyuoye.” Na koo ittono chɔɔ bhɛa ihɛa :gonggulɔ.

Zuga Kèkko 21:5

Na hunaa kɛtɛldao ngonu bhee chinyiye, kabandao na kayto. Na yɔk zuga yɛbhbhɛa Yesus ko tɛrroa gɛ ko erroa gɛ kumulɔng ittondiy chɔɔ ɔr dhey bhɛa ku yirisi tugɔ. Na kɔgɔndo kɔmma ngonu na kalliyɛo ko Tumu.

Zuga Kèkko 28:15

Na zuga Rome yɛbhbhɛa kamannaa Yesusi gen dha bere shikkɛ hunde kɛllo gɔrɔye, na mɔtaiy ɔrre kèe “Gawua Abiyosi” ko ɔrre kèe “Doriyoa Amissɛny Ku Sizzi.” Na hunaa Bhaulos orro yɔkte, tuhu Tumu na hini tɛa bay.

Zuga Kèkko 8:14

Na yɔk zuga ekko ꞉Yesusi ɛlla Yerusalemɔ hunaa shikkɛa zuga Samariya hunde dha yɛbhɛ lɔga Tumuye, ibhta Betiros ko Yohanis na ege ngonu.

Tito 3:13

Na hunde Abholos ko hira gaa damiya Rome kèleo Zena tɛhɛnɛ wochin na tɛldi kɔkte, ɛa na aynɛ gàla ko ahaye hinnɛye kumulɔng.