Zuga Kèkko 15:24 - Suri Latin

²⁴ “Bare kishikto hunde dha bɔɔ zuga gayo gena bansanɛ ꞉eygo na assanungɛ igge na madhdhagungɛ lɔga rɛkungɛa na margeungɛye. Agge ngazuktonu yɔk ngani kèktoyo.

Zuga Kèkko 15:24 ပူးပေါင်းရင်းမြစ်များ

Zuga Kèkko 15:1

Na kali kona zug gena hoya Yudhagiye na ago Ansokiyagiye. Na madha zuga yɛbhbhɛa Yesus na seyɛsɛ, “Hunde rɛhiya gu maya huna kera bere Muse ngakedhdhooye, Tumu lɔga gu gɛrsa ngaibbayseongo.”

2 Timotiyos 2:14

Na inye yogɛsɛ zuga yɛbhbhɛa Yesus ngalɔkta tii na bhɛsi sabbi na ibbay sara Tumu na lɔga chicho chicho kɛngɔ ngaɛkkɛnyannɛnɛ. Bhee maya ngaɛkkɛnyanɛnɛoye, a ngaya ngalɔkta anɛ ga hologun ningginɛna dhul bhassayɛa chɔɔ zuga shikkɛaye.

1 Yohanis 2:19

Yɔk ngazukta ku mirɔga Kirisosiye bere anna zuga ga kàgachcha Tumu kari. Na koo dhɔttiy na ago ke ngaya dha bere zuga ga dhere ngaanɛoye. Yɔk hunde bere kete zuga ga kàgachcha Tumu kari dhere, anda bɔɔ ngadhɔttiyɛo na hɛyo. Na yɔk ngaya bɔɔ dhɔttɛiyɛ na hɛɛye, dhugunnono bhɛa yɔk zuga ga kàgachcha Tumu kari dhere ngaanɛayo.