Zuga Kèkko 15:22 - Suri Latin

²² Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 15:22 ပူးပေါင်းရင်းမြစ်များ

Zuga Kèkko 1:23

Na yɔk koo ibhta zukte ku ramman. Yoseba kèleo Barsabba oo Iyotos ko na kèleo Matiyas.

Zuga Kèkko 11:19

Na kala bere kùjjɛa ꞉Istibhanos na rɛsɛa, zuga yɛbhbhɛa Yesus dha bere kɔ̀gɔrrana na hangnɛ na bhassanɛ na gena hɛ Bhinkegiye ko Kobhorosɔ ko Ansokiyagiye. Na hunde hɛye, dha bere madhɛsɛnɛ kamannaa Yesusi zuga Ayhudhi sɔng.

Zuga Kèkko 11:20

Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 11:22

Na zuga yɛbhbhɛa Yesus ɛlla Yerusalemɔ hunaa shikkɛa ngalɔktaye, ege Barnabas Ansokiyagiye.

Zuga Kèkko 11:27

Na ngakaldonu zuga yogɛsɛnɛa zugo lɔga dhugunono ꞉Tumu gena banda Yerusalemɔ na ago Ansokiyagiye.

Zuga Kèkko 15:23

Nɔng dadaba bere ittonɛsɛnɛa ꞉yɔkku dha bere se, “Kanno zuga bere ekkiy ꞉Yesusi ko zuga bibiyo lɔmmɛa zuga yɛbhbhɛa Yesus, ko gochonginyaa gu kabhakko Yerusalem. Na ngadadabta kɔ̀gɔdhdhagung zuga bhorinyaa anaa yɛbhbho Yesus bhakko Ansokiya ko Soriya ko Kilkiya. Na kesennagung, ‘Saro saro!’

Zuga Kèkko 15:25

Na agge kumuktiyao na kɛlɛhɛndo ngalɔktonu. Na hunaa kɛmɛzzeo na hinisiya gayo ibhtɛa ke dhɔnɛye, kɛbɛrtao zukte ku ramman na kidhi ko Barnabas ko Bhaulos, bɛkanyaa ga bo dhandala.

Zuga Kèkko 15:27

Na koo agge kibhtao Silasi ko Yihudha na kektogung na kɔɔbhtagung ngalɔkta kɔ̀gɔdhdhagung dadabɔye tugichinne shɛɛ.

Zuga Kèkko 15:3

Na ege ꞉zuga yɛbhbhɛa Yesus ɛlla Ansokiyagiye, na ago. Na hunaa dhoyɛa baa Bhinke ko naa Samariyaye, yoktɛsɛ gochonginya lɔgɔ na seyɛsɛ, “Zuga bhor konnuny ko yɔk dhaa yɛbhɛ kamannaa challa na ujjugu lɔga gɛ gɛrsa.” Na yɔk dɛlɛ goore.

Zuga Kèkko 15:30

Na kendɛ ko zugaa ekkɛa na ago Ansokiyagiye. Na mukta zuga yɛbhbhɛa Yesus na ayɛ dadab.

Zuga Kèkko 15:32

Yɔk dha Yihudha ko Silasi a zuga yogɛsɛnɛa zugo lɔga dhugunono ꞉Tumu. Na hunaa ɛlla ngonuye, madhtɛsɛ zuga yɛbhbhɛa Yesus lɔga bo mɛra na ilala na iriyi na kɛyɛbhɛ lɔga Yesusi goore, na ngadhɔttɛ.

Zuga Kèkko 15:40

Na Bhaulos nɔng bɛra Silasi na ogoldɛsɛ ꞉gochonginyau Tumu na dhɔtɛsɛ chaldina Tumu na ago

Zuga Kèkko 16:19

Na yɔk zuga allinɛnɛa nɔng hunaa takta bhɛa bhonsanɛa mɛnɛngiya jɔsɛna birinyaye, ibhigi Bhaulos ko Silasi na tuguru tu kɛngɔ na ayɛsɛ gulsachina orony na kighinitɔ.

Zuga Kèkko 16:25

Na hunaa senno kete bar kɛngɔye Bhaulos ko Silasi dha bere yɔk allinɛ ko Tumu na eterrisanɛ yello. Na yɔk zuga kìchibbo ko yɔk kari chirarnɛyɔ.

Zuga Kèkko 16:29

Na hira bhɛginɛna kayɛsɛ go na ngeu doraa chibinuny ghohigiye toye, na bhariyu tik tik na tɔgɔdhɛsɛ Bhaulos ko Silasi kɔmma.

Zuga Kèkko 17:10

Na barɔ zuga yɛbhbhɛa Yesus ittono Bhaulos ko Silasi Beriyagiye ke tiri. Na hunaa dokkɛa ngonuye, ago doraa madhinɛnɛa zuga Ayhudhi lɔga Tumu.

Zuga Kèkko 17:14

Na zuga yɛbhbhɛa Yesus ɛlla ngonu koo yoktɛsɛ Bhaulos ke tiri na ittono chɔɔ yirisi tugɔ. Na Silasi ko Timotiyos yɔk dhɔttɛ Beriyagiye ngonu.

Zuga Kèkko 17:4

Na zugaa Ayhudhi shikkɛa ngalɔktonu gen yɛbhɛ na tɔrtɛ ko Bhaulos ko Silasi. Na ko yɔk zuga Giriki yɛbhbhɛa Tumu ko tɛrroa gulsachinaa orony ga bo mɛra yɛbhɛ ngalɔkta na tɔrtɛ ko yɔk kari.

Zuga Kèkko 18:5

Na hunaa Silasi ko Timotiyos honynyo Mekedoniyagiyeye, Bhaulos dhɔyu zinggoa gɛnyɛ, na madhu zugo sɔng. Nɔng dha madh zuga Ayhudhi na kɔbhɛsɛn lɔga Yesusi na senɛsɛn, “Hira bere Bɛrrana ꞉Tumu a ꞉Yesusi.”

Zuga Kèkko 8:14

Na yɔk zuga ekko ꞉Yesusi ɛlla Yerusalemɔ hunaa shikkɛa zuga Samariya hunde dha yɛbhɛ lɔga Tumuye, ibhta Betiros ko Yohanis na ege ngonu.

1 Tɛsɛlongke 1:1

Ngadadabta kɔ̀gɔdhdhagung :aggeu, Bhaulosi ko Silasi ko Timotiyosi. Na kìttonnogung igge, zuga bhakko Tɛsɛlongke yɛbhbho Baba Na Tumu ko Komoru Yesus Kirisos. Any kichirbhiseong :Tumu na bhaga ba ke na bo challa.

2 Tɛsɛlongke 1:1

Ngadadabta kɔ̀gɔdhdhagung :aggeu, Bhaulosi ko Silasi ko Timotiyosi. Na kìttonnogung igge, zuga bhakko Tɛsɛlongke yɛbhbho Baba na Tumu ko Komoru Yesus Kirisos.