Zuga Kèkko 14:3 - Suri Latin

³ Na yɔk Bhaulos ko Barnabas tɛldi ngonu ungge mɛri na madhtɛsɛ zugo lɔga Komoruyny dhɛ dhɛ. Na aynɛ ꞉Komoruyɔ bhɛa mesɛa lɔga bo barara iwachiyɛa ꞉zugu na kataktɛ lɔga Komoruyny chirbhisiyɛa zugo hunde a dhereye.

Zuga Kèkko 14:3 ပူးပေါင်းရင်းမြစ်များ

Markos 16:20

Na yɔk zuga kɔbhbhɛa nɔng koo banda na ago na madhtɛsɛ zugo lɔga Tumu ba kumulɔng. Na Komoru Tumu dha bere mesinɛ ko yɔk kari, na ajjɛ bhɛa messɛa lɔga bo barara na zugo kataga bhɛa lɔga gɛnyɛ anɛa dhere.

Yohanis 4:48

Na Yesus sɛɛsɛ, “Ngazukta giya, igge hunde lɔga bo barara ko ga kìwacheo ngani argitoye, lɔga ganyu ngayɛbhbhoo dhul.”

Zuga Kèkko 13:46

Na Barnabas ko Bhaulos bho ngani ngaɛngɛrsɛo na seyɛsɛ, “Lɔga Tumu sabbɔ maya koyokkogung igge zuga Ayhudhi. Na hunde wa tamarto ꞉eygo bhɛa jɔanɛo basseya iho dhulde, agge kɔbhɔdhinɛno na koyogɛsɛno bhorinya gen.

Zuga Kèkko 2:22

“Na mɛa zuga Isirayeliye, ga chirara ngalɔkta! Tumu anna bɔɔ ekkono Yesusa Nazireti na ajjɛa lɔgɔ na keme lɔga bo dhandala barara bhɛa nu na iwachi na taga hunde a hira ekkono ꞉Tumuye. Yɔk ngalɔkta kumulɔng hunde a dhereye, igge gaoyɔ.

Zuga Kèkko 20:24

Lɔga bere ajjanyi ꞉Komoruyɔ Yesusi na kòyogɛsɛ zugo kamannaa Tumu challa chirbhisiny ko bhee kedheshshanɛ, ngakadasiiyo. Na chɔɔ hunde ko kadaga lɔkte gɛrsi, lɔgɔ ninggɛ.

Zuga Kèkko 20:32

“Na mɛa anye kɔdhɔttagung Tumu ko lɔga gɛnyɛ challa chirbhisiuny. Na ko igge kutuhong ꞉lɔga gɛnyɛ na tɛhɛyɛ ko zuga bere yɛbhbhɛa Yesus ridhing ningginɛna na ale sɛrɛyɛa lɔga bere kìbhiigɛsɛna yɔk.

Zuga Kèkko 4:31

Na hunaa alliyɛa ko Tumu na tewa ushaye, bhɛa muginɛnɛa ba chukɛɛ. Na yɔk aynɛ ꞉Kuloya Tumu gidhdhing kumulɔng na bho ngani ngaɛngɛrsɛo na yokto lɔga Tumu dhɛ dhɛ.

Zuga Kèkko 5:32

Na Tumu bɔɔ aynɛa zuga igomɛsɛnɛa nɔng Kuloya nɛnɛ. Na agge ko Kuloya Tumu kanno ga bɔɔ korrono ngalɔkta bansanɛ ꞉Yesusi rɛsɛyɔye kawarre na koyogɛsɛno zugo.”

1 Tɛsɛlongke 2:2

Chɔɔ huna bere sabbɔ kɔ̀chɔllanɛno Bhilibhisɔ na dhɔmiyɛa :zugu, na ɛaniy :Tumu, igge gaoyɔ. Na ko hunde chɔɔ kadaktao lɔkte bu gɛrsi, agge ngani kàmadhdhagung kamannaa Tumu challa dhɛ dhɛ hung.