Zuga Kèkko 14:26 - Suri Latin

²⁶ Na banda Ataliyagiye na wakta Ansokiya gonggulɔ. Nɔng Ansokiya a ɔra bere kɛ̀bɛrranɛa Bhaulos ko Barnabas sabbɔ na kògolɛsɛna Tumu na kajjɛa lɔga kènno koyoktɛsɛ zugo kamannaa challa ori genne. Na mɛa lɔga bere kàjjɛa dheyta.

Zuga Kèkko 14:26 ပူးပေါင်းရင်းမြစ်များ

Zuga Kèkko 11:19

Na kala bere kùjjɛa ꞉Istibhanos na rɛsɛa, zuga yɛbhbhɛa Yesus dha bere kɔ̀gɔrrana na hangnɛ na bhassanɛ na gena hɛ Bhinkegiye ko Kobhorosɔ ko Ansokiyagiye. Na hunde hɛye, dha bere madhɛsɛnɛ kamannaa Yesusi zuga Ayhudhi sɔng.

Zuga Kèkko 11:20

Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 11:23

Na nɔng hunaa kɔa na dokkono na orro lɔga bo challa chirbhisiyɛa ꞉Tumu zugoye, dɛlu goore na iriyu na kɛmɛtta na kɛyɛbhɛ Komoru hinisichinne kumulɔng.

Zuga Kèkko 11:26

Na hunaa jɔanaye, dhigana chɔɔ Ansokiya. Na oyo dhɔnɛ kumulɔng yɔk ko zuga yɛbhbhɛa Yesus ɛlla ngonu muktɛ na madhtɛsɛ zuga bo mɛra kamannaa Yesusi. Na zuga yɛbhbhɛa Yesus ɛlla Ansokiyagiye a zuga sabbune bere kɔ̀gɔdhdhɛsɛna sara kèe “Kirisiyan.”

Zuga Kèkko 11:27

Na ngakaldonu zuga yogɛsɛnɛa zugo lɔga dhugunono ꞉Tumu gena banda Yerusalemɔ na ago Ansokiyagiye.

Zuga Kèkko 14:19

Na zuga Ayhudhi gen hoya Ansokiyagiye ko Ikoniyomɔ na kɔnkɔnɔ zugo na kɔchɔ Bhaulos bɛnne. Na chɔ na tugurtɛsɛ ɔr dhey. Yɔk sennɛ wa ere.

Zuga Kèkko 14:21

Na hunaa madhtɛsɛa zuga Derbe kamannaa challa na ga mɛra bhɔttɛa na yɛbhta lɔga Tumuye, yɔk koo waga Litiragiye ko Ikoniyomɔ ko Ansokiyaa iho Bisidhagiye

Zuga Kèkko 14:23

Na hana madhinɛnɛa kumulɔng bɛrtɛsɛ zuga bibiyo bhiy bhiy na kalliyɛy zuga yɛbhbhɛa kamannaa Yesusi. Na chɛbɛ rɛhi hunynɛn na ogoldɛsɛ yɔk Tumu na dhɔtɛsɛ Komoru Yesus hira bere yɛbhbhɛa.

Zuga Kèkko 15:22

Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 15:30

Na kendɛ ko zugaa ekkɛa na ago Ansokiyagiye. Na mukta zuga yɛbhbhɛa Yesus na ayɛ dadab.

Zuga Kèkko 15:40

Na Bhaulos nɔng bɛra Silasi na ogoldɛsɛ ꞉gochonginyau Tumu na dhɔtɛsɛ chaldina Tumu na ago

Zuga Kèkko 20:32

“Na mɛa anye kɔdhɔttagung Tumu ko lɔga gɛnyɛ challa chirbhisiuny. Na ko igge kutuhong ꞉lɔga gɛnyɛ na tɛhɛyɛ ko zuga bere yɛbhbhɛa Yesus ridhing ningginɛna na ale sɛrɛyɛa lɔga bere kìbhiigɛsɛna yɔk.

2 Timotiyos 4:2

Madh zugo lɔga Tumu. Na chɔɔ ko hunde lɔgɔ kete dhandali oo ngaani, inye mɛdha tii na tɛ kɔk. Na oy hini ke bu dhogoy na zukte ɛddɛɛye, lɔgɔ madhɛsɛ haalɛ. Na gee lɔgɔ shɛɛ ngamessɛoye, woloktɔ. Na iriy na kɔbhɛsɛ lɔgɔ haalɛ na kɛbhɛgɛ shɛɛ.