Zuga Kèkko 14:23 - Suri Latin

²³ Na hana madhinɛnɛa kumulɔng bɛrtɛsɛ zuga bibiyo bhiy bhiy na kalliyɛy zuga yɛbhbhɛa kamannaa Yesusi. Na chɛbɛ rɛhi hunynɛn na ogoldɛsɛ yɔk Tumu na dhɔtɛsɛ Komoru Yesus hira bere yɛbhbhɛa.

Zuga Kèkko 14:23 ပူးပေါင်းရင်းမြစ်များ

Matiyos 17:21

[Na nɔng mɛnɛngite ku ngangaye, ngabhonsanao dhul. Na bhonsana hunde kìchib rɛhi hunynɛn na kallinɛ ko Tumuye sɔng.]”

Markos 3:14

Na bhɛa ngazuktonu honyde bɛra gee ku 12 na ojju ke Zuga Ekko. Na kɛtɛldi ko nɔng kari na ale kete zuga ekko :nɛa na kamadhtɛsɛ zugo lɔga gɛnyɛ

Zuga Kèkko 1:24

Na alliyɛ ko Tumu na se, “Komorue, inye ani na gayi lɔga ɛsɛdhdhɛa ꞉zugu hinisichinne kumulɔng. Na mɛa bhɛa ngazukta ku rammande, ga dhɔlagiy inde bɛrran ꞉inyo na seni kɛsɛrɛ bhɛa Yihudha na keme lɔga gunyu bortɔ dhɔtta huna kɔa bhɛa bɔɔ hinno na rɛsaye.”

Zuga Kèkko 11:30

Na ibhta ahaa mukkanɛa na ayɛ Barnabas ko Saol na kayɛsɛ zuga bibiyo lɔmmɛa zuga yɛbhbhɛa Yesus ɛlla Yudhagiye.

Zuga Kèkko 14:26

Na banda Ataliyagiye na wakta Ansokiya gonggulɔ. Nɔng Ansokiya a ɔra bere kɛ̀bɛrranɛa Bhaulos ko Barnabas sabbɔ na kògolɛsɛna Tumu na kajjɛa lɔga kènno koyoktɛsɛ zugo kamannaa challa ori genne. Na mɛa lɔga bere kàjjɛa dheyta.

Zuga Kèkko 15:23

Nɔng dadaba bere ittonɛsɛnɛa ꞉yɔkku dha bere se, “Kanno zuga bere ekkiy ꞉Yesusi ko zuga bibiyo lɔmmɛa zuga yɛbhbhɛa Yesus, ko gochonginyaa gu kabhakko Yerusalem. Na ngadadabta kɔ̀gɔdhdhagung zuga bhorinyaa anaa yɛbhbho Yesus bhakko Ansokiya ko Soriya ko Kilkiya. Na kesennagung, ‘Saro saro!’

Zuga Kèkko 15:4

Na hunaa ayta na dakta Yerusalembe, lamba ꞉zuga yɛbhbhɛa Yesus ko zuga bere ekko ꞉Yesusi ko zuga bibiyo lɔmmɛa zuga yɛbhbhɛa Yesus, na abhanyisiyo. Na yɔk Bhaulos ko Barnabas koo kɔbhtɛsɛ zugo lɔga bɔɔ mesɛsɛna ꞉Tumu kumulɔng.

Zuga Kèkko 15:6

Na zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus muktɛ na kɛlɛhɛnɛ ngalɔkta.

Zuga Kèkko 20:17

Na hunaa iho Militagiyeye, ego hiri na kok Ebhesonɔ na keli zuga bibiyo lɔmmɛa zuga yɛbhbhɛa Yesus ɛlla ngonu.

Zuga Kèkko 20:32

“Na mɛa anye kɔdhɔttagung Tumu ko lɔga gɛnyɛ challa chirbhisiuny. Na ko igge kutuhong ꞉lɔga gɛnyɛ na tɛhɛyɛ ko zuga bere yɛbhbhɛa Yesus ridhing ningginɛna na ale sɛrɛyɛa lɔga bere kìbhiigɛsɛna yɔk.

1 Timotiyos 5:1

Na hira bo, gɔny huna babaa nunu na lɔgɔ madhɛsɛ haalɛ. Goore ngaɛggɛyɛsɛni na wologi. Na tɛgɛn, gɔny huna gochonginyaa gunyu.

1 Timotiyos 5:22

Na ngangosumi na ibhbhani hir kona na tadhɛ siyɔ. Na ko zuga messɛa lɔga gɛrsa ngatɔrnɛno. Bhɛk rɛa nunu shɛɛ na tɛ hurr.

2 Timotiyos 1:12

Yɔk ngalɔkta a gee mɛa kɔchɔllanɛnɛ :anyo gooreye. Na nɔng ko hunde kète nganda kɔchɔllanɛn ngangaye, anye liya ngaamɛanynyo dhul, ke ngaya kaggaɛ hira kɛyɛbhiye. Na chɔɔ lɔga ganyu bere kɛyɛbhɛsɛni nɔng, hunde bhɛk ko bhee ale wokkonɛ :nɛaye, anye kagga shɛɛ.

2 Timotiyos 2:2

Na lɔga bere shikkani bhɛa nanu huna bere kamadhɛsɛni zugo ga mɛra, ko inye madhɛsɛ gee yɛbhi anda gaɛ bhɛa madhɛa zugoye.

Tito 1:5

Huna bere kɔdhɔttinyi Keritɔ, annaa kajjinyi lɔgɔ na keni dheya lɔga bere dhɔynɛna na kɛtɛldi dib. Na bɛra zugo bhɛa zuga yɛbhbhɛa kamannaa Yesusi oree oree na kete zuga bibiyo lɔmmɛa zuga yɛbhbhɛa Yesus.

Yaykob 5:14

Na hunde lɔ inde ilagasse, any keli zuga bibiyo lɔmmɛa zuga yɛbhbhɛa Yesus. Na yɔk kuhudhu nɔng malɔ na kogoldɛsɛ Tumu.

2 Yohanis 1:1

Ngadadabta kɔgɔdhan :anyo, hira bo kɔlɔmi zuga yɛbhbhɛa Yesus. Na kittonnoginy inye karbaya kibhbhaginyi hini dhere bere bɛrraninyi :Tumu ko erroa gunyu kibhɛsɛni hini. Nɔng igge hini anyo sɔng ngakibhbhagungo. Chɔɔ zuga gayɛa lɔga ku dhere kumulɔng ko yɔk ibhbhagungɛ hinisi,

3 Yohanis 1:1

Ngadadabta kɔgɔdhan :anyo, hira bo kɔlɔmi zuga yɛbhbhɛa Yesus. Na kittonnoginy inye Gayos, dehunya nanu kibhbhaginyi hini dhere.