Zuga Kèkko 14:22 - Suri Latin

²² na kiriyi zuga bɔɔ yɛbhbhɛa Yesus na kete dhandali. Na madhtɛsɛ lɔgɔ na seyɛsɛ, “Hunde kèe kago bhɛa Tumu na kɔtɔlɔmiy ꞉nɛaye, maya kinyim chɔlla goore.”

Zuga Kèkko 14:22 ပူးပေါင်းရင်းမြစ်များ

Matiyos 10:38

Na ko nɔng inde kɛya kìlagɛa ngaittonoo na kɔbhbhanyoye, bhee anɛ hira kɔbhbhanyi anye ninggɛ.

Matiyos 16:24

Na sɛɛsɛ zuga kɔbhbhɛa nɔng, “Inde hin bhɛa senno keteɛ hira kɔbhbhanyi anyeye, maya dhɔt lɔga sabbaa nɛnɛ na it kɛya kìlagɛa na kɔbhbhany kali kali.

Matiyos 19:24

Na ga kɔ̀tɔrrɛung na taga shɛɛ! Chɔɔ hira aha mɛra bhɛa kènno kɔtɔlɔmɛ :Tumu, hunde galisey kudhul hologuna marsiny, anda a bhaseni.”

Markos 10:30

yɔk ngabɛrgunyaya mɛa toyneye, ale kɛ̀dhdhɛttan na lɔga gɛ jorronɛ ga bɔɔ sabbune jagarɛ kɛngi zugo hayna, na ale lɔmmɛ doriyo, gochonginya, ngɔnigɛ, jugɛ, erro ko gunya na marrɛ :zugu na chɔllanɛyɔ. Na yɔk bɛrgunyaye wurtune ale andanɛye, ale kàjjɛ basseya iho dhul.

Markos 9:47

Na ko nɔng kawari hunde tisseny na me lɔga gɛrsaye, tukuso na ujjuga. Ko bhee lɔmɛ kawarɛ kari na kùjjukkagɛiny goa iho dhul ngadhiynɛnao lɔmma kuruyoa ngarɛssɛayo, hunde tɔlɔ dhɔnɛ na ok bhɛa lɔmɛa :Tumu zugo, anda a challi.

Yohanis 15:18

“Na hunde tamartung :zuga marrɛa Tumuye, tagatɔ hunde a zuga bere marrananyɛa anye kingiye.

Yohanis 15:20

Ga tunggɛsɛ lɔga bɔɔ koyokkogungu na kesennagungu, ‘Bhɛa gaymayuny, bu komoruya nɛnɛ.’ Yɔk hunde kete zuga bere bhɛkkɛa lɔga ganyu, anda ko yɔk bhɛkkɛ lɔga madhɛsɛno :iggeu. Na hunde agga bere hanganyɛa anyeye, ko igge ale hangungɛ nganga.

Yohanis 16:33

Na ngaya koyokkogɛung ngalɔktaye keni tɔlɔmɔ zany na tɛldi ke na bo challa ke ngaya yɛbhbhɛanyu anyeye. Nɔng hunde ngani bhakko ba ngayaye, ale chɔllanɛno goore. Na chɔyɛsɛ hinisi bɛna na te dhandali! Nɔng anye wa kɔmɔgga barartina bany kumulɔng.”

Yohanis 3:5

Na nɔng yagɛsɛ na sɛɛsɛ, “A challi. Ga shiktɔ! Hiri hunde ma ko Kuloya Tumu ngani kùchuruttoye, bhee kɔɛ na assanɛ Tumu na lɔmɛ ninggɛ.

Zuga Kèkko 11:23

Na nɔng hunaa kɔa na dokkono na orro lɔga bo challa chirbhisiyɛa ꞉Tumu zugoye, dɛlu goore na iriyu na kɛmɛtta na kɛyɛbhɛ Komoru hinisichinne kumulɔng.

Zuga Kèkko 11:26

Na hunaa jɔanaye, dhigana chɔɔ Ansokiya. Na oyo dhɔnɛ kumulɔng yɔk ko zuga yɛbhbhɛa Yesus ɛlla ngonu muktɛ na madhtɛsɛ zuga bo mɛra kamannaa Yesusi. Na zuga yɛbhbhɛa Yesus ɛlla Ansokiyagiye a zuga sabbune bere kɔ̀gɔdhdhɛsɛna sara kèe “Kirisiyan.”

Zuga Kèkko 11:29

Na zuga yɛbhbhɛa Yesus bhakkɛa Ansokiya ɛsɛdhɛ lɔgɔ na kumukta ahaye lɔmmɛye na kɛyay gochonginyaa bhakkɛa baa Yudha.

Zuga Kèkko 13:43

Na zugo hunaa bhassaninyana doraa kàmadhɛa zugo lɔga Tumuye, zuga Ayhudhi ga mɛra ko bhorinya gen ga yɛbhbhɛa Damiya Tumu bere kàjjɛa Muse goore kɔbhɔ Bhaulos ko Barnabas. Na yɔk madha na kiriytɛ na kabhaga chaldina Tumu tii.

Zuga Kèkko 14:20

Na zuga yɛbhbhɛa Yesus hoya na muknyɛsɛ Bhaulos. Na hunde ngani muknyɛsɛnɛye, nɔng bana na ogo ɔr toye na tungu. Na bhorroyɔ dhi ko Barnabas Derbegiye.

Zuga Kèkko 14:28

Na tɛldi ko zuga yɛbhbhɛa Yesus bhakkɛa Ansokiya ngonu dirr.

Zuga Kèkko 15:32

Yɔk dha Yihudha ko Silasi a zuga yogɛsɛnɛa zugo lɔga dhugunono ꞉Tumu. Na hunaa ɛlla ngonuye, madhtɛsɛ zuga yɛbhbhɛa Yesus lɔga bo mɛra na ilala na iriyi na kɛyɛbhɛ lɔga Yesusi goore, na ngadhɔttɛ.

Zuga Kèkko 15:41

oriya ɛlla Soriyagiye ko Kilkiyagiye na iriyi zuga yɛbhbhɛa Yesus gɔrɔ gɔrɔ.

Zuga Kèkko 18:23

Na hunaa tɛwa Ansokiyagiye ungge muchugiye, bana na tɔu oriya ɛlla Galatiyagiye ko Bhirgiyagiye, na iriyu zuga yɛbhbhɛa Yesus ngonu kumulɔng.

Zuga Kèkko 6:7

Na lɔga Tumu tɛhɛtɛy ko ba. Na zuga yɛbhbhanɛa lɔga Yesusi Yerusalemɔ ago na te mɛri. Na gɔldangɛa doraa Tumu barara ga bo mɛra ko yɔk yɛbhɛ kamannaa Yesusi.

Zuga Kèkko 9:16

Na ale kudhugunɛsɛn nɔng bhɛa ale chɔllanɛnɛa sara ganyu.”

1 Tɛsɛlongke 3:13

Na kiriyong igge na te zuga kɛnginyana ridhing ningginɛna ɛllo hurr bhɛa Babaa na Tumu hunde ale Komoru Yesus dhɛanɛ ko zuga gɛnyɛ ridhing ningginɛnaye.

2 Timotiyos 1:8

Na mɛa bhɛa seni kɔbhɛsɛ zugo lɔga Komoruya na ko lɔga ganyu, ngahirra kìchibbɛany lɔga gɛnyɛye, ngakussɛiny liya. Iriyɛ barartina Tumu na tɔrany anye na kɔ̀chɔllayɛi kamannaa challa kari.

2 Timotiyos 3:12

Yɔk chɔɔ zukte yɛbhbhɛ Kirisos Yesus na hinnɛ bhɛa senno kemesɛ lɔga hinno :Tumuye kumulɔng, ale kàhanggɔ.

2 Betiros 1:11

Na chɔɔ ale kàlammanung shɛɛ na kìgommogung bhɛa hɛyɛo gɔra Komoruya Na Yesus Kirisosi Ibbayseiy agge, lɔmɛa zugo dhul ko kingi na chɔɔ hirre kanyɛungu ninggɛ dhul.

Yihudha 1:3

Ngazukta gany kibhbhagung hiniye, anye bɔɔ hini ujjono goore na keni kɔ̀gɔdhagung ngalɔkta kɔ̀lɔ :aggeu bere ibbaysiyɛiy :Tumuye. Na hunde ko kɛ̀sɛdh nganga, anye sabba bhɔdhɛ na kɛsɛdhdha lɔga keni kɔ̀gɔdhagɛung lɔga maya mɛdhdhanɛo, na yɛbhɛo lɔga ku dhere bere ibhbhana :Tumu kalde dhɔnɛ wub na ajjiy agge zuga gɛnyɛ ridhing ngakɔlɔmao.