Zuga Kèkko 14:1 - Suri Latin

¹ Na hunaa Bhaulos ko Barnabas ɛlla Ikoniyomɔye, banda na ago doraa madhinɛnɛa zuga Ayhudhi lɔga Tumu damiya bɔɔ messɛa Ansokiyaa iho Bisidhagiye. Na madhtɛsɛ zugo kamannaa Yesusi na kɔbhtɛsɛ ko bhee gaɛ shɛɛ. Na zuga Ayhudhi ko bhorinya gen ga mɛra yɛbhɛyɛ.

Zuga Kèkko 14:1 ပူးပေါင်းရင်းမြစ်များ

Markos 7:26

Nɔng ngatɛritonu a tɛriya ku Giriki dha bere hudhukkinyana Sirobhonikagiye. Na koo tɔllɔhɛsɛ Yesus na kobhoniseo mɛnɛngiya tɔgɛsɛna sedhdheya nɛnɛ.

Yohanis 12:20

Yɔk bhɛa ngazuktonu bere hɛ Yerusalemɔ na kɔgɔndɛsɛ Tumu kɔmma kala gibirinyde, gena bere anna zuga Giriki.

Yohanis 7:35

Na yɔk gulsachina Ayhudhi koo mɛzzi kɛngɔ na se, “Na mɛa dha ngahirra gɔrre se kɔgɛ na agge ngakɔjɔanɛye a ore? Dha se kok oriya bere bhasanyɛsɛnɛa :zuga ga bhakkɛa ko zuga Giriki kari na kamadh zuga Giriki ka?

Zuga Kèkko 11:21

Yɔk bere ɛana ꞉Komoruyɔ goore na zuga bo mɛra yɛbhta kamannaa Yesusi na wakta gɔra Komoruyny.

Zuga Kèkko 13:43

Na zugo hunaa bhassaninyana doraa kàmadhɛa zugo lɔga Tumuye, zuga Ayhudhi ga mɛra ko bhorinya gen ga yɛbhbhɛa Damiya Tumu bere kàjjɛa Muse goore kɔbhɔ Bhaulos ko Barnabas. Na yɔk madha na kiriytɛ na kabhaga chaldina Tumu tii.

Zuga Kèkko 13:46

Na Barnabas ko Bhaulos bho ngani ngaɛngɛrsɛo na seyɛsɛ, “Lɔga Tumu sabbɔ maya koyokkogung igge zuga Ayhudhi. Na hunde wa tamarto ꞉eygo bhɛa jɔanɛo basseya iho dhulde, agge kɔbhɔdhinɛno na koyogɛsɛno bhorinya gen.

Zuga Kèkko 13:5

Na hunaa dokkɛa ɔra kèe Salamiseye, ago doriyoa madhinɛnɛa zuga Ayhudhi lɔga Tumu na madhtɛsɛ zugo lɔga Tumu. Nɔng Yohanisa kèe Markos dha bere ɛl ko yɔk kari na ɛanayɔ.

Zuga Kèkko 13:51

Na yɔk hunaa kɔ̀gɔldaaye, tibarta teriya ngaɔrronu jagarre na ago Ikoniyomɔ.

Zuga Kèkko 14:19

Na zuga Ayhudhi gen hoya Ansokiyagiye ko Ikoniyomɔ na kɔnkɔnɔ zugo na kɔchɔ Bhaulos bɛnne. Na chɔ na tugurtɛsɛ ɔr dhey. Yɔk sennɛ wa ere.

Zuga Kèkko 14:2

Na yɔk zuga Ayhudhi marrɛa ngalɔkta gen kɔnkɔnɔ bhorinyaa anaa ngani kamannaa Yesusi kɛyɛbhtao na kowoloktɛ ko zuga yɛbhbhɛa Yesus.

Zuga Kèkko 14:21

Na hunaa madhtɛsɛa zuga Derbe kamannaa challa na ga mɛra bhɔttɛa na yɛbhta lɔga Tumuye, yɔk koo waga Litiragiye ko Ikoniyomɔ ko Ansokiyaa iho Bisidhagiye

Zuga Kèkko 16:1

Na Bhaulos dhau Derbe na koo dhau Litira. Na Litiragiye dha bere lɔ hirre yɛbh Yesus kèe Timotiyos. Nɔng jɔnɛ a tɛriya ku Ayhudhi yɛbhbha lɔga Yesusi. Chɔgɔnɛ nɔng a hira Girikuny.

Zuga Kèkko 16:2

Nɔng bhɛa gochonginyaa bhakkɛa Litira ko Ikoniyom, Timotiyos a hira bo challa.

Zuga Kèkko 17:12

Na bhɛa nɛ yɔk zuga Ayhudhi yɛbhbhanɛa Yesus te mɛri. Na ko yɔk zuga Giriki bo mɛra toynɛna kàggaa, ga ngaha ko ga maya kari, yɛbhɛ Yesus.

Zuga Kèkko 17:17

Na koo ogo doraa madhinɛnɛa zuga Ayhudhi lɔga Tumu na kɔbhɛsɛ zuga Ayhudhi ko zuga Giriki yɛbhbhɛa Tumu lɔga Yesusi. Nɔng kali kali hunde itinynyannɛ ko zugo tu kɛngɔye, taa kɔbhɛsɛna nganga.

Zuga Kèkko 17:4

Na zugaa Ayhudhi shikkɛa ngalɔktonu gen yɛbhɛ na tɔrtɛ ko Bhaulos ko Silasi. Na ko yɔk zuga Giriki yɛbhbhɛa Tumu ko tɛrroa gulsachinaa orony ga bo mɛra yɛbhɛ ngalɔkta na tɔrtɛ ko yɔk kari.

Zuga Kèkko 18:4

Na Kala Ayawsuny tii tii nɔng kɔ doraa madhinɛnɛa zuga Ayhudhi lɔga Tumu na madhɛsɛn zuga Ayhudhi ko ga Giriki lɔga Yesusi na kɔbhɛsɛn shɛɛ na ko yɔk kɛyɛbhɛtɔ.

Zuga Kèkko 18:8

Na nɔng hira ku gulsaa doraa madhinɛnɛa zuga Ayhudhi lɔga Tumu kèe Keribhos ko zuga gɛnyɛ kumulɔng, yɛbhɛ Komoru Yesus. Na yɔk zuga Korontosi ga bo mɛra shigi lɔga yokkono ꞉Bhaulosi na ko yɔk yɛbhɛ na churtɛ.

Zuga Kèkko 19:10

Na Bhaulos madhu zugo ngadamita oynya ramman. Na zuga Ayhudhi ko bhorinya gen, ga bhakkɛa baa kènno Isiya kumulɔng, shigi lɔga Komoruyny.

Zuga Kèkko 19:17

Na yɔk zuga Ayhudhi ko ga Giriki bhakkɛa Ebheson hunaa shikkɛa ngalɔktaye, tɛngɛrɛ kumulɔng na sara Komoru Yesusi te ga bo kàggaa goore.

Zuga Kèkko 19:8

Na nɔng Bhaulos tɛu ngonu taginya sizzi na kali kali ogo doraa madhinɛnɛa zuga Ayhudhi lɔga Tumu na madhɛsɛ dib na dhugunɛsɛ bhɛa lɔmɛa ꞉Tumu zugo haalɛ na ko yɔk kɛyɛbhɛtɔ.

Zuga Kèkko 2:47

na eterrisanɛ Tumu. Na tɛhɛnɛ ꞉zugu kumulɔng. Na kali kali Tumu ibbaysiu zugo lɔga gɛ gɛrsa na lamma na tɔrɔ yɔk.

Zuga Kèkko 20:21

Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 21:28

Na ara wuy na se, “Zuga Isirayeliye! Ɛyaiy! Hirre madh zugo ba kumulɔng na zuga ga ko damiya na ko ngabaya se katamara ꞉zuguye, a ngahirra. Aynde dhigannana chɔɔ zuga Giriki ngadoriya barar Tumuye na tiranynyɛ na kete gɛrsiye.”

Zuga Kèkko 9:20

Na tɔgɔdhay madha doriyoa madhinɛnɛa zuga Ayhudhi lɔga Tumu ɛlla Dɛmaskogiye na madhɛsɛ zugo hunde Yesus a eriya Tumuye.

2 Timotiyos 3:11

ko lɔga bere kàhangɛanyi na kɔchɔllanɛnɛi, hunde a ɛnɛngge, kumulɔng gayɔ. Na chɔɔ lɔga bere kodokkoni Ansokiyagiye ko Ikoniyomɔ ko Litiragiye na hangɛanyɛa :zugu na kɔchɔllanɛnɛi goore dhogoy na kinyimɛi lɔgɔ, inye gayɔ. Na chɔɔ ko hunde kete nganga, nɔng Komoru annaa bere ibbayseonyɔ bhɛa ngalɔkta kumulɔng.