Zuga Kèkko 13:6 - Suri Latin

⁶ Na hunaa dhoyɛa Kobhoros ori toye na dokkɛa ɔra iho dheyyɔ kèe Babuye, koo itinynyandɛ ko hirre Ayhudhi ku deni kèe Baryesus. Nɔng mɛzzi butomo na se, “Kani hira koyogɛsɛni zugo lɔga dhugunono ꞉Tumu.” Na nɔng dha yogɛsɛn ga gɛnyɛ ku butomo hung.

Zuga Kèkko 13:6 ပူးပေါင်းရင်းမြစ်များ

Matiyos 16:17

Na sɛɛsɛ :Yesusi, “Eriya Yona Simon, inye ani tuhinɛ, ke ngaya ngalɔkta anɛ ga dhugunnogɛinyi :Babaa nanu iho tumɔye. Na ayuk ko nyawa ngani kudhugundoginyo.

Matiyos 24:24

ke ngaya butoga bhɔdhdhɛa rɛhi ke Kirisos ko butoga yogɛsɛnɛa zugo lɔga magganɛa huna naa dhugunɛsɛna :Tumu ale bansanɛ na messɛ lɔga bo barara ko ga bo kìwacheoye. Yɔk chɔɔ hunde ɔanɛye ale bhɔdhdhɛ zuga bere bɛrrana :Tumu hinisi na tabhbhɛyɔ.

Matiyos 7:15

“Na mɛa igge tɛldi kɔk! Ngakitabhtung :zuga ku butoga bhɔdhdhɛa rɛhi ke zuga yogɛsɛnɛa zugo lɔga dhugunono :Tumu! Yɔk hunde hony na assanungɛye, heo zuga challa. Na yɔk hunde kàmarak lɔga gɛ shɛɛye, a yoyaa bo gɛrsa ulubbɛa rɛhi chɔra mɛdɛrniuny na tibbarrɛa zugo chinyi chinyi.

Markos 10:46

Na koo Yesus ko zuga kɔbhbhɛa nɔng hoya na daga Yariko. Na yɔk ko zuga bo mɛra hunaa dhɔttɛa Yariko na hɛaye, dakta hirre kawarɛ chagi kèe Bartemi hunde i bay ganggu dheyyɔ na ogolnɛye. (Nɔng Bartemi dha bere a liya Temiy).

Zuga Kèkko 13:13

Na Bhaulos ko bɛkanyaa gɛnyɛ banda Babugiye gonggulɔ na ago chɔɔ ɔra iho Bhimbiliyagiye kèe Bhɛrga. Na nɔng Yohanisa kèe Markos kendɛ ko yɔk na wagu Yerusalemɔ.

Zuga Kèkko 13:8

Nɔng dha bere deniya kènno Baryesus tuga Giriki sara gɛnyɛ keli Elmas. Na Elmas a bhɛa kènɛa “Deni.” Na nɔng taganyɛ Barnabas ko Saol lɔgɔ na gulsa lɔga Tumu ngayɛbhi.

2 Timotiyos 3:8

Na zukte madhɛsɛnɛ zugo lɔga ku butomoye, yɔk marrɛ lɔga ku dhere damiya bere marɛa :Yanesi ko :Yambɛri lɔga Muse. Na sabbiya gɛ a dhittinɛ na ɛsɛdhdhɛ kuhuyamo na bhɛa lɔga kɛ̀yɛbhɛa Yesus yɔk agga hologun ningginɛna.

1 Yohanis 4:1

Ngazukta gany kibhbhagung hiniye, zukte se yokkonɛ lɔga dhugunɛsɛna :Kuloya Tumuye kumulɔng nganga hung ngayɛbhbho. Maraga shɛɛ na tagatɔ hunde lɔga gɛ agga dhugunɛsɛna :Tumu dhereye. Bhee maya maragɛo ngangaye, a ngaya zuga ku butoga bhɔdhdhɛa lɔgɔ na yokkonɛa huna naa dhugunɛsɛna :Kuloya Tumu dha bɔɔ banda na asanydɛsɛ ba kumulɔngge.