Zuga Kèkko 13:46 - Suri Latin

⁴⁶ Na Barnabas ko Bhaulos bho ngani ngaɛngɛrsɛo na seyɛsɛ, “Lɔga Tumu sabbɔ maya koyokkogung igge zuga Ayhudhi. Na hunde wa tamarto ꞉eygo bhɛa jɔanɛo basseya iho dhulde, agge kɔbhɔdhinɛno na koyogɛsɛno bhorinya gen.

Zuga Kèkko 13:46 ပူးပေါင်းရင်းမြစ်များ

Matiyos 10:6

Ago bhɛa zuga Isirayeli sɔng. Yɔk hɛt ko mɛdɛrniya bere litinyana na garsɛa.

Matiyos 21:41

Na yɔk yaktɛsɛ na seyɛsɛ, “Nɔng ale kɔ na tiranyɛ ngazukta bu ku kuhuyagaye gɛrrɛng gɛrrɛng na nis na gu dhɔyɛsɛn zukte bas ale ajjɛsɛnɛ nɔng liwa kolea suniuny shɛɛye.”

Matiyos 21:43

“Na mɛa anye kesennagung ɛnɛnggeo, Tumu ale dhɔt bhɛa lɔmɛungu igge na lɔ zukte dhungnganɛ kawara gɛnyɛye.

Matiyos 25:46

Na ngazukta gɛrɛ ku ngangaye yɔk ale hɛ bhɛa attiya iho dhul ko kingi. Na yɔk ga ridhing ningginɛna ale hɛ bhɛa basseya iho dhul.”

Yohanis 1:11

Nɔng bere kunno na assana zuga gɛnyɛ bere bhɛllana, na yɔk ngani kalambaayo.

Yohanis 4:22

Igge zuga Samariya, kɔmma kɔdhdhɛsɛno galiya imaggo. Nɔng agge Tumua kɔgɔdhdhɛsɛno kɔmma kaggaoyɔ ke ngaya lɔga bere ɛsɛdhdhana :nɛa na kabayɛ :zugu bansanɛ bhɛa zuga Ayhudhiye.

Zuga Kèkko 13:14

Na yɔk banda Bhɛrgagiye na ago chɔɔ ɔra kèe Ansokiyaa iho Bisidhagiye. Na koo Kala Ayawsuny ago doraa madhinɛnɛa zuga Ayhudhi lɔga Tumu na tɛlda bay.

Zuga Kèkko 13:26

“Igge ashaa Awurahami ko ngabhorra ana ɛngɛrso Tumuye, ngakamannaya basseynyde anna bere kàjjiy agge na kàbayɛyɔ.

Zuga Kèkko 13:5

Na hunaa dokkɛa ɔra kèe Salamiseye, ago doriyoa madhinɛnɛa zuga Ayhudhi lɔga Tumu na madhtɛsɛ zugo lɔga Tumu. Nɔng Yohanisa kèe Markos dha bere ɛl ko yɔk kari na ɛanayɔ.

Zuga Kèkko 19:9

Na yɔk gen tamara na ngani ngayɛbhbhɛo. Na ojjigi lɔga Ganggua Yesusi ke gɛrsi na dhɔmɔ bhɛa sɛrɔ ɔdhdha. Na nɔng Bhaulos koo eliu zuga yɛbhbhɛa Yesus na gaa marrɛa dhɔyu. Na dhiganu gaa yɛbhbhɛa Yesus doraa kàmadhɛa zugo bhɔa kèe Tiranos na madhu ngonu kali kali.

Zuga Kèkko 22:21

“Na hunaa kesɛɛsɛu ngangaye, nɔng Komoru seagany, ‘Keni kèginy surr rɛna bhɛa bhorinyaa anaa. Na bana ogo.’”

Zuga Kèkko 26:20

Na sabbɔ kamadhdha zuga Dɛmasko ko zuga Yerusalemi ko zuga baa Yudha kumulɔng. Na koo kɔtɔrɛu zuga bhorinyaa anaa Tumu ngani kɛyɛbhtao. Na koyogɛsɛu na kujjugu lɔga gɛ gɛrsa kumulɔng na kawakta gɔra Tumu, na kemesigi lɔga hinno ꞉Tumu na kɔdhɔlda bhɛa anɛa zuga ujjukkɛa lɔga gɛ gɛrsa.

Zuga Kèkko 28:28

“Na mɛa igge tagatɔni wo! Tumu wa ekka zugo na koyoktɛsɛ bhorinyaa anaa lɔga ibbaysia ꞉nɛa zugo na yɔk ale shikkɛyɔ!”

Zuga Kèkko 3:26

Na Tumu huna bere ibhbhana hoynɛ sabbɔ na ekkono, bere ittonnogungu igge na kutuhɛung ke ngaya lamanɛung bhɛa lɔga gu gɛrsa na wokkonɛo gɔra nɛnɛye.”

Zuga Kèkko 4:13

Na yɔk hunaa zuga kedhdhɛa lɔgɔ arta Betiros ko Yohanis hunde dhugunnonɛ lɔgɔ dibte, taga hunde a zuga ngani kɛdhɛmisɛayoye na iwachiyɛ. Na katta hunde dha a zuga bere ɛlla ko Yesus kariye.

Zuga Kèkko 7:51

“Igge ngaanno dɛmnyogaa bo hinisi dhandala! Bho ngashikkoo dhul! Marro Kuloya Tumu huna bere kokonginyaa gu kali kali.

Zuga Kèkko 9:20

Na tɔgɔdhay madha doriyoa madhinɛnɛa zuga Ayhudhi lɔga Tumu ɛlla Dɛmaskogiye na madhɛsɛ zugo hunde Yesus a eriya Tumuye.