Zuga Kèkko 13:45 - Suri Latin

⁴⁵ Na hunaa zuga Ayhudhi orrɛa zugo mɛrtinde, hinisi ngɔ na tamara lɔga yokkono ꞉Bhaulosi na dhɔmɔyɛ.

Zuga Kèkko 13:45 ပူးပေါင်းရင်းမြစ်များ

Lɔgɔ Sabba 37:11

Na Yoseb gɔynggɛ hinisi kɔchiyɛ. Nɔng chɔgɔnɛ dha bere ɛsɛdh ngalɔkta wa kunasɛ :hoynɛye na lɔ hinisɔ.

Matiyos 23:13

“Na mɛa ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu, ke ngaya nyugɛo ganggua senno kaytɛ :zugu gɔra lɔmɛa :Komoruya tumony zugoye. Nɔng igge sabbiya gu rɛ, marro bhɛa hɛyɛo bhɛa lɔmɛa :Komoruya tumony zugo na chɔɔ kanyɛo zuga hinnɛa bhɛa senno kaytɛ ngonu.

Matiyos 27:18

Nɔng Bhilatos dha bere gayɔ hunde zugo ibhbhanɛ Yesus na ajjɛsɛnɛ nɔng ke bhɛa hinisi ngɔyɛa lɔga Yesusiye.

Zuga Kèkko 13:50

Na yɔk gulsachina Ayhudhi kɔnkɔnɔ tɛrroa ngaɔrronu lɔmmɛa aha yɛbhbhɛa damiya Ayhudhi ko gulsachina ngaɔrronu na katamara Bhaulos ko Barnabas, na kɔlda.

Zuga Kèkko 14:19

Na zuga Ayhudhi gen hoya Ansokiyagiye ko Ikoniyomɔ na kɔnkɔnɔ zugo na kɔchɔ Bhaulos bɛnne. Na chɔ na tugurtɛsɛ ɔr dhey. Yɔk sennɛ wa ere.

Zuga Kèkko 14:2

Na yɔk zuga Ayhudhi marrɛa ngalɔkta gen kɔnkɔnɔ bhorinyaa anaa ngani kamannaa Yesusi kɛyɛbhtao na kowoloktɛ ko zuga yɛbhbhɛa Yesus.

Zuga Kèkko 14:4

Na yɔk zuga orony kendiyaa gaminya ramman. Na gam kona tɔrɔ zuga Ayhudhi. Gam kona tɔrɔ zuga ekko ꞉Yesusi.

Zuga Kèkko 14:5

Na zuga Ayhudhi ko bhorinya gen ko gulsachina gɛ daga go na kitiranydɛ Bhaulos ko Barnabas na kɔchɔ bɛnne na kinditɔ.

Zuga Kèkko 17:5

Na yɔk zuga Ayhudhi gen hinisi ngɔ na mukta tɔliyoga ganggoye na yoktɛsɛ lɔgɔ na kobhori ɔr. Na haddi doraa Iyasoni na kibhigi Bhaulos ko Silasi na kayɛsɛ zugo.

Zuga Kèkko 18:6

Na yɔk tamara na dhɔmɔ nɔng. Na hunaa messɛa ngangaye, nɔng Bhaulos tibara ruma nɛnɛ na sɛɛsɛ, “Wa koyogogungngɔ na tamarto. Na ale hunde attiung ꞉Tumuye, any kattiyɛung lɔga sabbiya gu! Anye mɛa wa kuchurau sabba! Na anye kɔgɔdhdhanɛ mɛa, na kɔgɔ na koyogɛsɛn bhorinyaa anaa lɔga Yesusi!”

Zuga Kèkko 19:9

Na yɔk gen tamara na ngani ngayɛbhbhɛo. Na ojjigi lɔga Ganggua Yesusi ke gɛrsi na dhɔmɔ bhɛa sɛrɔ ɔdhdha. Na nɔng Bhaulos koo eliu zuga yɛbhbhɛa Yesus na gaa marrɛa dhɔyu. Na dhiganu gaa yɛbhbhɛa Yesus doraa kàmadhɛa zugo bhɔa kèe Tiranos na madhu ngonu kali kali.

Zuga Kèkko 5:17

Na gɔldanga bo doraa Tumu barara ko bɛkanyaa gɛnyɛ ku Sodhokka chirkana lɔga messɛa ꞉zuga ekko ꞉Yesusi.

1 Tɛsɛlongke 2:16

na senno ngakòyoktɛsɛo zuga bhora anaa lɔgɔ na kabayɛ. Yɔk hunde ngani messɛ ngangaye, idhigisɛɛ lɔga gɛ gɛrsa dirr. Nɔng Tumu annaa nyima kɛr na mɛa teu kolea senno katɛɛ yɔk.

2 Timotiyos 3:11

ko lɔga bere kàhangɛanyi na kɔchɔllanɛnɛi, hunde a ɛnɛngge, kumulɔng gayɔ. Na chɔɔ lɔga bere kodokkoni Ansokiyagiye ko Ikoniyomɔ ko Litiragiye na hangɛanyɛa :zugu na kɔchɔllanɛnɛi goore dhogoy na kinyimɛi lɔgɔ, inye gayɔ. Na chɔɔ ko hunde kete nganga, nɔng Komoru annaa bere ibbayseonyɔ bhɛa ngalɔkta kumulɔng.

Yaykob 4:5

Chɔɔ lɔga ɛlla dadaba Tumu annaa sennɛa, “Tumu chirkan kuloya bere ajjiy agge kɔ̀lɔmma hinisichinne toye goore na agge kète ga gɛnyɛ sɔng.” Na ngalɔkta igge senno bere yokkono ke butomo hung?

Yihudha 1:10

Na ngazukta Tumu ngaɛngɛrsɛoye, yɔk dhɔmmɛ chɔɔ lɔga imaggɛa kumulɔng. Na lɔgɔ ɛsɛdhdhɛ huna kɛginyany na ale ujjukkɛ rɛhi.