Zuga Kèkko 13:43 - Suri Latin

⁴³ Na zugo hunaa bhassaninyana doraa kàmadhɛa zugo lɔga Tumuye, zuga Ayhudhi ga mɛra ko bhorinya gen ga yɛbhbhɛa Damiya Tumu bere kàjjɛa Muse goore kɔbhɔ Bhaulos ko Barnabas. Na yɔk madha na kiriytɛ na kabhaga chaldina Tumu tii.

Zuga Kèkko 13:43 ပူးပေါင်းရင်းမြစ်များ

Matiyos 23:15

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge woyɛo ba kumulɔng ko yirsɛna na lameo hira senno bhɔdhɔ na kɔɔbh lɔga yɛbhbho :iggeu. Na hunde jɔyao na madhto na yɛbhungɔye, nɔng kalda a eriya jorronungu bhɛa kàttiyɛungu igge goa iho dhul jagarɛ kɛngi ramman.

Zuga Kèkko 11:23

Na nɔng hunaa kɔa na dokkono na orro lɔga bo challa chirbhisiyɛa ꞉Tumu zugoye, dɛlu goore na iriyu na kɛmɛtta na kɛyɛbhɛ Komoru hinisichinne kumulɔng.

Zuga Kèkko 13:50

Na yɔk gulsachina Ayhudhi kɔnkɔnɔ tɛrroa ngaɔrronu lɔmmɛa aha yɛbhbhɛa damiya Ayhudhi ko gulsachina ngaɔrronu na katamara Bhaulos ko Barnabas, na kɔlda.

Zuga Kèkko 14:22

na kiriyi zuga bɔɔ yɛbhbhɛa Yesus na kete dhandali. Na madhtɛsɛ lɔgɔ na seyɛsɛ, “Hunde kèe kago bhɛa Tumu na kɔtɔlɔmiy ꞉nɛaye, maya kinyim chɔlla goore.”

Zuga Kèkko 14:3

Na yɔk Bhaulos ko Barnabas tɛldi ngonu ungge mɛri na madhtɛsɛ zugo lɔga Komoruyny dhɛ dhɛ. Na aynɛ ꞉Komoruyɔ bhɛa mesɛa lɔga bo barara iwachiyɛa ꞉zugu na kataktɛ lɔga Komoruyny chirbhisiyɛa zugo hunde a dhereye.

Zuga Kèkko 16:14

Na bhɛa ngatɛrroonu chirariyɛye, lɔ tɛrite kèe Ngalidiya kun ɔrre kèe Tiyatiron. Nɔng dha a ngagayya ruminyaa rɛghɛa gaw dhandala na nɔng kɔbh lɔga Tumu damiya zuga Ayhudhi. Na hunaa shikko lɔga yokkono ꞉Bhaulosiye, owo ꞉Komoruyɔ hini na chiraru shɛɛ.

Zuga Kèkko 17:17

Na koo ogo doraa madhinɛnɛa zuga Ayhudhi lɔga Tumu na kɔbhɛsɛ zuga Ayhudhi ko zuga Giriki yɛbhbhɛa Tumu lɔga Yesusi. Nɔng kali kali hunde itinynyannɛ ko zugo tu kɛngɔye, taa kɔbhɛsɛna nganga.

Zuga Kèkko 17:34

Na yɔk zug gena yɛbhɛ ngalɔkta yokkono ꞉Bhaulosiye, na tɔrɔ nɔng. Na bhɛa zuga yɛbhbhanɛa ngalɔkta, kona a hira kedhdho lɔgɔ Ariyobagosɔ kèe Donasiyos ko tɛrite kèe Dɛmaris ko zug gena.

Zuga Kèkko 17:4

Na zugaa Ayhudhi shikkɛa ngalɔktonu gen yɛbhɛ na tɔrtɛ ko Bhaulos ko Silasi. Na ko yɔk zuga Giriki yɛbhbhɛa Tumu ko tɛrroa gulsachinaa orony ga bo mɛra yɛbhɛ ngalɔkta na tɔrtɛ ko yɔk kari.

Zuga Kèkko 18:7

Na bhona na ogu doraa hira kèe Tito Iyotos bhakka doraa madhinɛnɛa zuga Ayhudhi lɔga Tumu iho ngonu jaa. Nɔng dha a hira bhor konnuny kɔbhbha lɔga Tumu damiya zuga Ayhudhi.

Zuga Kèkko 2:10

ko Bhirgiyagiye ko Bhimbiliyagiye ko baa Gibsi ko Keritɔ ko Arabɔ, na gena kàn zuga kàbhakka Libiya gɔra Kerena jaa na gen kàn kɔmɔna kòhonynyo Romegiye ku zuga Ayhudhi ko bhorinya gen ga bere yɛbhbhɛa Damiya Tumu bere kàjjɛa Muse kari. Na agge hunde kìshigi ngazukta Gelilaye hunde mɛzzɛɛ tugiya ga bhiy bhiy na yokkonɛ lɔga bo kìwacheo messo ꞉Tumuye, dhaa tɔlɔ ɔng?”

Zuga Kèkko 28:23

Na hunaa bhiiktɛsɛa ungo na tewa ushaye, tɛldi na hoya doraa nɛnɛ ke mɛri. Na nɔng kali bhɛa bo tii ko bhee anɛ jhayny dhugunɛsɛ lɔga Tumu bhɛa Tumu lɔmɛa zugo. Na kɔbhɛsɛ Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadabinya na kɔbhɛsɛ bhɛa madhdhagiyɛa lɔga Yesusi na ko yɔk kɛyɛbhɛtɔ.

Zuga Kèkko 6:5

Na hunaa zugo shikkɛa ngalɔktaye, hinisiya gɛ te hɔli. Na bɛrta hira yɛbhbha Tumu goore bere kɔsɛna ꞉Kuloya Tumu kèe Istibhanos. Na koo tɔrtɛ Bhilibhos ko Birokɔrɔ ko Nikarona ko Timona ko Barmena ko hira bhora anaa bere yɛbhbha kera Muse na wurtɔ yɛbhbha lɔga Yesusi kùhudhukkono Ansokiyagiye kènno Nikolas.

Tito 2:11

Nɔng Tumu annaa bere dhugunɛsɛa zugo kumulɔng bhɛa chirbhisiyɛa na senno kibbaysɛɛ.

2 Betiros 3:14

Na mɛa ngazukta gany kibhbhagung hiniye, igge hunde anno ngagiya ngani reo ngalɔkta kumulɔngge, mɛdhta na tɛldi hurr na te zuga messo lɔga ku dhere gayɛa :zugu kumulɔng, na bhaga ko nɔng ke na bo challa.

1 Yohanis 2:28

Na mɛa ngaerroya ganyde, igge tɛldi ko Yesus tii ke dhɔnɛ na aynde ale kolea wokkonɛa :nɛa agge bho ngakɛ̀ngɛrsɛo na liya amɛiyshoye.

2 Yohanis 1:9

Yɔk zukte sɛchchɛ lɔga Yesusi na tɔrɛ ga sabbiya gɛ na lɔga bere madhinɛnɛa :nɛa ngamessɛo na mɛdhdhanɛoye kumulɔng, bhee ɛlɛ ko Tumu kari ke dhɔnɛ ninggɛ. Na yɔk gee ngani messɛ lɔga gɛnyɛ na mɛdhdhanɛye, ɛl ko Baba Na Tumu ko Eriya Nɛnɛ Yesus kari ke dhɔnɛ.