Zuga Kèkko 11:26 - Suri Latin

²⁶ Na hunaa jɔanaye, dhigana chɔɔ Ansokiya. Na oyo dhɔnɛ kumulɔng yɔk ko zuga yɛbhbhɛa Yesus ɛlla ngonu muktɛ na madhtɛsɛ zuga bo mɛra kamannaa Yesusi. Na zuga yɛbhbhɛa Yesus ɛlla Ansokiyagiye a zuga sabbune bere kɔ̀gɔdhdhɛsɛna sara kèe “Kirisiyan.”

Zuga Kèkko 11:26 ပူးပေါင်းရင်းမြစ်များ

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Yohanis 2:2

ko Yesus ko zuga kɔbhbhɛa nɔng bere ko yɔk keliyo na ɛlla wolologiye ngonu.

Zuga Kèkko 1:15

Na kali kona zuga yɛbhbhɛa Yesus gee ku zugo illɛy muktɛ bhee dhɔnɛ. Na nɔng Betiros bana na chilu bhɛa nɛ sabbɔ na sɛɛsɛ,

Zuga Kèkko 11:20

Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 11:22

Na zuga yɛbhbhɛa Yesus ɛlla Yerusalemɔ hunaa shikkɛa ngalɔktaye, ege Barnabas Ansokiyagiye.

Zuga Kèkko 11:27

Na ngakaldonu zuga yogɛsɛnɛa zugo lɔga dhugunono ꞉Tumu gena banda Yerusalemɔ na ago Ansokiyagiye.

Zuga Kèkko 11:29

Na zuga yɛbhbhɛa Yesus bhakkɛa Ansokiya ɛsɛdhɛ lɔgɔ na kumukta ahaye lɔmmɛye na kɛyay gochonginyaa bhakkɛa baa Yudha.

Zuga Kèkko 14:20

Na zuga yɛbhbhɛa Yesus hoya na muknyɛsɛ Bhaulos. Na hunde ngani muknyɛsɛnɛye, nɔng bana na ogo ɔr toye na tungu. Na bhorroyɔ dhi ko Barnabas Derbegiye.

Zuga Kèkko 14:22

na kiriyi zuga bɔɔ yɛbhbhɛa Yesus na kete dhandali. Na madhtɛsɛ lɔgɔ na seyɛsɛ, “Hunde kèe kago bhɛa Tumu na kɔtɔlɔmiy ꞉nɛaye, maya kinyim chɔlla goore.”

Zuga Kèkko 14:23

Na hana madhinɛnɛa kumulɔng bɛrtɛsɛ zuga bibiyo bhiy bhiy na kalliyɛy zuga yɛbhbhɛa kamannaa Yesusi. Na chɛbɛ rɛhi hunynɛn na ogoldɛsɛ yɔk Tumu na dhɔtɛsɛ Komoru Yesus hira bere yɛbhbhɛa.

Zuga Kèkko 14:27

Na hunaa dokkɛa Ansokiyaye, mukta zuga yɛbhbhɛa Yesus na kɔbhtɛsɛ lɔga mesɛsɛna ꞉Tumu kumulɔng. Na seyɛsɛ, “Chɔɔ zuga bhora anaa hunaa shikkɛa kamannaa challaye, Tumu owo hinisiya gɛ na yɛbhɛyɛ.”

Zuga Kèkko 14:28

Na tɛldi ko zuga yɛbhbhɛa Yesus bhakkɛa Ansokiya ngonu dirr.

Zuga Kèkko 18:27

Na hunaa Abholos tɛhɛnna bhɛa senno kɔgɛ Akayagiyeye, gochonginya iriyi na tɔgɔndɛsɛ zuga yɛbhbhɛa Yesus ɛlla Akayagiye dadab, na kɔtɔlɔmɔ shɛɛ. Na hunaa kɔa na dokko ngonuye, ɛa zuga bere chirbhiseo ꞉Tumu na yɛbhbhɛa lɔga Yesusi goore.

Zuga Kèkko 19:9

Na yɔk gen tamara na ngani ngayɛbhbhɛo. Na ojjigi lɔga Ganggua Yesusi ke gɛrsi na dhɔmɔ bhɛa sɛrɔ ɔdhdha. Na nɔng Bhaulos koo eliu zuga yɛbhbhɛa Yesus na gaa marrɛa dhɔyu. Na dhiganu gaa yɛbhbhɛa Yesus doraa kàmadhɛa zugo bhɔa kèe Tiranos na madhu ngonu kali kali.

Zuga Kèkko 20:1

Na lɔgɔ hunaa ɛrtiyaa na tewa ushaye, Bhaulos muga zuga yɛbhbhɛa Yesus na madhu na iriyu. Na kendɛ na nɔng ogu Mekedoniyagiye.

Zuga Kèkko 20:30

Na chɔɔ zuga gu gena ale bansanɛ na sɛchchɛ lɔga ku dhere na tabhbhɛ zuga yɛbhbhɛa Yesus na hɛyɛ ke gɛ.

Zuga Kèkko 21:4

Na kitinynyandɛo ko zuga yɛbhbhɛa Yesus na kɛtɛldo ko yɔk ungo issabbay. Na yogɛsɛ ꞉Kuloya Tumu lɔgɔ na yoktɛsɛ Bhaulos na Yerusalemɔ ngakɔ.

Zuga Kèkko 26:28

Na Agiriba nɔng sɛɛsɛ Bhaulos, “Na kèe inye dhaa seni bhɔdhany na kɛ̀yɛbh Yesus mɛarrɛ dhogoy.”

Zuga Kèkko 6:1

Na ngabɛrguonu zuga yɛbhbhɛa Yesus ago na te mɛri. Na kali kona zuga Ayhudhi gayɛa tuga Giriki mɛzzɛɛsɛ zuga Ayhudhi bhakkɛa Yudha girɔngichinne na seyɛsɛ, “Tii hunde ɛano tɛrroa Ayhudhi ku bhoyoga liwayeye, ga gayɛa tuga Giriki dhɛɛ gunynyo kɛ ɔng?”

Zuga Kèkko 6:5

Na hunaa zugo shikkɛa ngalɔktaye, hinisiya gɛ te hɔli. Na bɛrta hira yɛbhbha Tumu goore bere kɔsɛna ꞉Kuloya Tumu kèe Istibhanos. Na koo tɔrtɛ Bhilibhos ko Birokɔrɔ ko Nikarona ko Timona ko Barmena ko hira bhora anaa bere yɛbhbha kera Muse na wurtɔ yɛbhbha lɔga Yesusi kùhudhukkono Ansokiyagiye kènno Nikolas.

Zuga Kèkko 9:19

Na ussu amissɛ na kɔmi dagu ba. Na ungge muchugi tɛldi ko zuga yɛbhbhɛa Yesus ɛlla Dɛmaskogiye.

Zuga Kèkko 9:38

Yɔk dha bere Lida ko Yobhe a oriya ɛlla jaajaa. Na yɔk zuga yɛbhbhɛa Yesus bhakkɛa Yobhe hunaa shikkɛa lɔga ihɛa ꞉Betirosi Lidagiyeye, ege zukte ku ramman na kɔtɔllɔsɛsɛ na kugo ke tiri.

Yaykob 2:7

Yɔk chɔɔ ngayo gee dhɔmmɛ ngasarra hirre bu lɔ diram allinɛnɛung iggeye rɛ?

1 Yohanis 2:27

Nɔng igge anno zuga bere kùhudhtongngɔ Kuloya Hira Kullɛna na ngani ɛllo ko nɔng kari ke dhɔnɛ na bhee madhdhɛung :hir konnɔ ninggɛ. Nɔng ngakuloytonu madhdhagung lɔgɔ kumulɔng. Na lɔkte madhdhagungge agga ku dhere, ga ku butomo ngayo. Na mɛa igge tɛldi ko Kirisos kari ke dhɔnɛ damiya bere dhugunnogɛungu :Kuloya Tumu.