Zuga Kèkko 11:20 - Suri Latin

²⁰ Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 11:20 ပူးပေါင်းရင်းမြစ်များ

Matiyos 27:32

Na hunaa hɛyɛaye, koo itinynyandɛ ko hira kunno Kerenagiye kènno Simon. Na maktɛsɛ kɛya kènno kìlaktɛ Yesus na kɛtɛayɔ.

Yohanis 7:35

Na yɔk gulsachina Ayhudhi koo mɛzzi kɛngɔ na se, “Na mɛa dha ngahirra gɔrre se kɔgɛ na agge ngakɔjɔanɛye a ore? Dha se kok oriya bere bhasanyɛsɛnɛa :zuga ga bhakkɛa ko zuga Giriki kari na kamadh zuga Giriki ka?

Zuga Kèkko 11:19

Na kala bere kùjjɛa ꞉Istibhanos na rɛsɛa, zuga yɛbhbhɛa Yesus dha bere kɔ̀gɔrrana na hangnɛ na bhassanɛ na gena hɛ Bhinkegiye ko Kobhorosɔ ko Ansokiyagiye. Na hunde hɛye, dha bere madhɛsɛnɛ kamannaa Yesusi zuga Ayhudhi sɔng.

Zuga Kèkko 11:22

Na zuga yɛbhbhɛa Yesus ɛlla Yerusalemɔ hunaa shikkɛa ngalɔktaye, ege Barnabas Ansokiyagiye.

Zuga Kèkko 11:26

Na hunaa jɔanaye, dhigana chɔɔ Ansokiya. Na oyo dhɔnɛ kumulɔng yɔk ko zuga yɛbhbhɛa Yesus ɛlla ngonu muktɛ na madhtɛsɛ zuga bo mɛra kamannaa Yesusi. Na zuga yɛbhbhɛa Yesus ɛlla Ansokiyagiye a zuga sabbune bere kɔ̀gɔdhdhɛsɛna sara kèe “Kirisiyan.”

Zuga Kèkko 11:27

Na ngakaldonu zuga yogɛsɛnɛa zugo lɔga dhugunono ꞉Tumu gena banda Yerusalemɔ na ago Ansokiyagiye.

Zuga Kèkko 13:1

Dha bere bhɛa zuga yɛbhbhɛa Yesus ɛlla Ansokiyagiye lɔ zukte yogɛsɛnɛ zugo lɔga dhugunono ꞉Tumu ko ga madhinɛna. Na yɔk a Barnabas ko Simona kèe Kɔrrɔ ko Lukiyosa bere bhakka Kerena ko Saol ko lukuriya komoru Herediosi kèe Minan.

Zuga Kèkko 14:26

Na banda Ataliyagiye na wakta Ansokiya gonggulɔ. Nɔng Ansokiya a ɔra bere kɛ̀bɛrranɛa Bhaulos ko Barnabas sabbɔ na kògolɛsɛna Tumu na kajjɛa lɔga kènno koyoktɛsɛ zugo kamannaa challa ori genne. Na mɛa lɔga bere kàjjɛa dheyta.

Zuga Kèkko 15:22

Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 15:23

Nɔng dadaba bere ittonɛsɛnɛa ꞉yɔkku dha bere se, “Kanno zuga bere ekkiy ꞉Yesusi ko zuga bibiyo lɔmmɛa zuga yɛbhbhɛa Yesus, ko gochonginyaa gu kabhakko Yerusalem. Na ngadadabta kɔ̀gɔdhdhagung zuga bhorinyaa anaa yɛbhbho Yesus bhakko Ansokiya ko Soriya ko Kilkiya. Na kesennagung, ‘Saro saro!’

Zuga Kèkko 15:30

Na kendɛ ko zugaa ekkɛa na ago Ansokiyagiye. Na mukta zuga yɛbhbhɛa Yesus na ayɛ dadab.

Zuga Kèkko 17:18

Na kali kona zuga marakkɛa lɔgɔ hoya kimsite kèe Isito ko inde kèe Ebikoros na assa nɔng na ɛkkɛnyandɛ. Na gena se, “Dha ngatugɔdhɔrɔgɔsayta se kese ɛnɛng wa?” Na yɔk gena shigi nɔng hunde madhɛsɛn kamannaa bansanɛa ꞉Yesusi rɛsɛyɔye, na se, “Heo hira yokkono lɔga tumoa ngani chaga na senno kìbhigi ke barari so ka?”

Zuga Kèkko 18:22

Na hunaa dokko Kesariyaye, bhona na irrɔgɛsɛ Yerusalem na gɔnyu zuga yɛbhbhɛa Yesus ɛlla ngonu. Na hunaa gɔnya na tewa ushaye, bana na shidhɛ Ansokiyagiye.

Zuga Kèkko 2:10

ko Bhirgiyagiye ko Bhimbiliyagiye ko baa Gibsi ko Keritɔ ko Arabɔ, na gena kàn zuga kàbhakka Libiya gɔra Kerena jaa na gen kàn kɔmɔna kòhonynyo Romegiye ku zuga Ayhudhi ko bhorinya gen ga bere yɛbhbhɛa Damiya Tumu bere kàjjɛa Muse kari. Na agge hunde kìshigi ngazukta Gelilaye hunde mɛzzɛɛ tugiya ga bhiy bhiy na yokkonɛ lɔga bo kìwacheo messo ꞉Tumuye, dhaa tɔlɔ ɔng?”

Zuga Kèkko 4:36

Nɔng dha bere lɔ hirre bhak Kobhoros kèe Yoseb. Na gettoa nɛnɛ bhɛa zuga Isirayeli a Lewi. Na yɔk zuga ekko ꞉Yesusi tɔgɔndɛsɛ sarre ke Barnabas. “Barnabas” a bhɛa kènɛa “Hira Irisho Zugo.”

Zuga Kèkko 5:42

Na bhɛa yogɛsɛnɛa zugo kamannaa hira kɛ̀bɛrrana challa kèe Yesus ngani ngadhɔttɛo dhul. Na madha zugo doraa Tumu barara tu kɛngɔ ko doriyoa zug gennuny tii.

Zuga Kèkko 6:1

Na ngabɛrguonu zuga yɛbhbhɛa Yesus ago na te mɛri. Na kali kona zuga Ayhudhi gayɛa tuga Giriki mɛzzɛɛsɛ zuga Ayhudhi bhakkɛa Yudha girɔngichinne na seyɛsɛ, “Tii hunde ɛano tɛrroa Ayhudhi ku bhoyoga liwayeye, ga gayɛa tuga Giriki dhɛɛ gunynyo kɛ ɔng?”

Zuga Kèkko 6:5

Na hunaa zugo shikkɛa ngalɔktaye, hinisiya gɛ te hɔli. Na bɛrta hira yɛbhbha Tumu goore bere kɔsɛna ꞉Kuloya Tumu kèe Istibhanos. Na koo tɔrtɛ Bhilibhos ko Birokɔrɔ ko Nikarona ko Timona ko Barmena ko hira bhora anaa bere yɛbhbha kera Muse na wurtɔ yɛbhbha lɔga Yesusi kùhudhukkono Ansokiyagiye kènno Nikolas.

Zuga Kèkko 6:9

Na dha bere ngonu lɔ zuga Ayhudhi honynyo Kerenagiye ko Iskindiriyagiye ko Kilkiyagiye ko Isiyagiye madhɛsɛnɛa zugo lɔgɔ doraa madhinɛnɛa zuga Ayhudhi lɔga Tumu kèleo “Doraa Zuga Kòbhonisisɛna Bhɛa Hɔla.” Na ngazukta gen yɔk tamara lɔga madhinɛnɛa ꞉Istibhanosi na ɛkkɛnyandɛ ko nɔng.

Zuga Kèkko 8:35

Na nɔng Bhilibhos imimishiyo lɔga ɛlla dadabaa gina na madhɛsɛ hiri kamannaa Yesusi challa.

Zuga Kèkko 8:5

Na bhɛa ngazuktonu yɛbhbhɛ Yesuse, kona bere anna Bhilibhos. Na ogo ɔra iho baa Samariya konnɔ na madhɛsɛ zugo bhɛa Yesus anɛa hira kɛ̀bɛrrana ku Kirisos.

Zuga Kèkko 9:20

Na tɔgɔdhay madha doriyoa madhinɛnɛa zuga Ayhudhi lɔga Tumu ɛlla Dɛmaskogiye na madhɛsɛ zugo hunde Yesus a eriya Tumuye.

Zuga Kèkko 9:29

Na mɛzzi ko zuga Ayhudhi gayɛa tuga Girikuny na ɛkkɛnyandɛy lɔgɔ. Na yɔk daktɛ nɔng go na kɔgɔdhɔtɔ.