Zuga Kèkko 11:19 - Suri Latin

¹⁹ Na kala bere kùjjɛa ꞉Istibhanos na rɛsɛa, zuga yɛbhbhɛa Yesus dha bere kɔ̀gɔrrana na hangnɛ na bhassanɛ na gena hɛ Bhinkegiye ko Kobhorosɔ ko Ansokiyagiye. Na hunde hɛye, dha bere madhɛsɛnɛ kamannaa Yesusi zuga Ayhudhi sɔng.

Zuga Kèkko 11:19 ပူးပေါင်းရင်းမြစ်များ

Matiyos 10:6

Ago bhɛa zuga Isirayeli sɔng. Yɔk hɛt ko mɛdɛrniya bere litinyana na garsɛa.

Yohanis 7:35

Na yɔk gulsachina Ayhudhi koo mɛzzi kɛngɔ na se, “Na mɛa dha ngahirra gɔrre se kɔgɛ na agge ngakɔjɔanɛye a ore? Dha se kok oriya bere bhasanyɛsɛnɛa :zuga ga bhakkɛa ko zuga Giriki kari na kamadh zuga Giriki ka?

Zuga Kèkko 11:20

Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 11:22

Na zuga yɛbhbhɛa Yesus ɛlla Yerusalemɔ hunaa shikkɛa ngalɔktaye, ege Barnabas Ansokiyagiye.

Zuga Kèkko 13:1

Dha bere bhɛa zuga yɛbhbhɛa Yesus ɛlla Ansokiyagiye lɔ zukte yogɛsɛnɛ zugo lɔga dhugunono ꞉Tumu ko ga madhinɛna. Na yɔk a Barnabas ko Simona kèe Kɔrrɔ ko Lukiyosa bere bhakka Kerena ko Saol ko lukuriya komoru Herediosi kèe Minan.

Zuga Kèkko 13:4

Na Barnabas ko Saol yɔk egu ꞉Kuloya Tumu na ago chɔɔ Selekiya. Na Selekiyagiye ngonu banda na ago gonggulɔ chɔɔ Kobhoros.

Zuga Kèkko 13:46

Na Barnabas ko Bhaulos bho ngani ngaɛngɛrsɛo na seyɛsɛ, “Lɔga Tumu sabbɔ maya koyokkogung igge zuga Ayhudhi. Na hunde wa tamarto ꞉eygo bhɛa jɔanɛo basseya iho dhulde, agge kɔbhɔdhinɛno na koyogɛsɛno bhorinya gen.

Zuga Kèkko 14:26

Na banda Ataliyagiye na wakta Ansokiya gonggulɔ. Nɔng Ansokiya a ɔra bere kɛ̀bɛrranɛa Bhaulos ko Barnabas sabbɔ na kògolɛsɛna Tumu na kajjɛa lɔga kènno koyoktɛsɛ zugo kamannaa challa ori genne. Na mɛa lɔga bere kàjjɛa dheyta.

Zuga Kèkko 15:22

Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 15:3

Na ege ꞉zuga yɛbhbhɛa Yesus ɛlla Ansokiyagiye, na ago. Na hunaa dhoyɛa baa Bhinke ko naa Samariyaye, yoktɛsɛ gochonginya lɔgɔ na seyɛsɛ, “Zuga bhor konnuny ko yɔk dhaa yɛbhɛ kamannaa challa na ujjugu lɔga gɛ gɛrsa.” Na yɔk dɛlɛ goore.

Zuga Kèkko 15:30

Na kendɛ ko zugaa ekkɛa na ago Ansokiyagiye. Na mukta zuga yɛbhbhɛa Yesus na ayɛ dadab.

Zuga Kèkko 15:35

Na Bhaulos ko Barnabas tɛldi Ansokiyagiye ungge muchugi. Na tɔrɔ zuga bo mɛra yɛbhbhɛa Yesus na madhtɛsɛ zuga bhakkɛa ngaɔrronu kamannaa Komoru Yesusi challa na kɔbhtɛsɛ shɛɛ.

Zuga Kèkko 15:39

Na Barnabas ko Bhaulos ɛkkɛnyandɛy ngalɔkta kɛngɔ goore na kendɛ. Na nɔng Barnabas ibha Markos na ago gonggulɔ Kobhorosɔ.

Zuga Kèkko 18:22

Na hunaa dokko Kesariyaye, bhona na irrɔgɛsɛ Yerusalem na gɔnyu zuga yɛbhbhɛa Yesus ɛlla ngonu. Na hunaa gɔnya na tewa ushaye, bana na shidhɛ Ansokiyagiye.

Zuga Kèkko 21:16

Na zuga Kesariya yɛbhbhɛa Yesus gen kidhiyao kari na dhigandiy doraa Minasoni. Nɔng bhɛa zuga Kobhorosi bere yɛbhbhanɛa Yesus sabbɔ dha bere kona a Minason.

Zuga Kèkko 21:2

Na koo Bhataragiye kirrɔkto gonggula kɔa Bhinkegiye na kayto.

Zuga Kèkko 3:26

Na Tumu huna bere ibhbhana hoynɛ sabbɔ na ekkono, bere ittonnogungu igge na kutuhɛung ke ngaya lamanɛung bhɛa lɔga gu gɛrsa na wokkonɛo gɔra nɛnɛye.”

Zuga Kèkko 4:36

Nɔng dha bere lɔ hirre bhak Kobhoros kèe Yoseb. Na gettoa nɛnɛ bhɛa zuga Isirayeli a Lewi. Na yɔk zuga ekko ꞉Yesusi tɔgɔndɛsɛ sarre ke Barnabas. “Barnabas” a bhɛa kènɛa “Hira Irisho Zugo.”

Zuga Kèkko 6:5

Na hunaa zugo shikkɛa ngalɔktaye, hinisiya gɛ te hɔli. Na bɛrta hira yɛbhbha Tumu goore bere kɔsɛna ꞉Kuloya Tumu kèe Istibhanos. Na koo tɔrtɛ Bhilibhos ko Birokɔrɔ ko Nikarona ko Timona ko Barmena ko hira bhora anaa bere yɛbhbha kera Muse na wurtɔ yɛbhbha lɔga Yesusi kùhudhukkono Ansokiyagiye kènno Nikolas.