Zuga Kèkko 11:18 - Suri Latin

¹⁸ Na zugo hunaa shikkɛa ngalɔktaye, rɛgɛ ꞉lɔkku. Na eterrisana Tumu na se, “Na mɛa kèe Tumu wa aynɛa zuga bhora anaa bhɛa ujjugɛa lɔga gɛ gɛrsa na kawakta gɔra nɛnɛ na kɔjɔya basseya iho dhul.”

Zuga Kèkko 11:18 ပူးပေါင်းရင်းမြစ်များ

Matiyos 9:8

Na zugo hunaa orrɛa ngalɔktaye, dɛɛbɛ na iwachi na ayɛ Tumu diram ke ngaya ajjɛ zugo ngabuynda bu ku ngangaye.

Zuga Kèkko 11:1

Na zuga ekko ꞉Yesusi ko gochonginyaa yɛbhbhɛa nɔng bhakkɛa baa Yudha, shigi hunde dha bɔɔ zuga bhora anaa yɛbhɛ lɔga Tumuye.

Zuga Kèkko 14:27

Na hunaa dokkɛa Ansokiyaye, mukta zuga yɛbhbhɛa Yesus na kɔbhtɛsɛ lɔga mesɛsɛna ꞉Tumu kumulɔng. Na seyɛsɛ, “Chɔɔ zuga bhora anaa hunaa shikkɛa kamannaa challaye, Tumu owo hinisiya gɛ na yɛbhɛyɛ.”

Zuga Kèkko 15:3

Na ege ꞉zuga yɛbhbhɛa Yesus ɛlla Ansokiyagiye, na ago. Na hunaa dhoyɛa baa Bhinke ko naa Samariyaye, yoktɛsɛ gochonginya lɔgɔ na seyɛsɛ, “Zuga bhor konnuny ko yɔk dhaa yɛbhɛ kamannaa challa na ujjugu lɔga gɛ gɛrsa.” Na yɔk dɛlɛ goore.

Zuga Kèkko 20:21

Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 21:20

Na hunaa shikkɛa ngalɔktaye, eterrisana Tumu. Na koo seyɛsɛ Bhaulos, “Gochongnge, ga gɔnydɔ. Zuga Ayhudhi ngani yɛbhbhanɛa Tumu dha bɔɔ te shiinyaa bo mɛra. Na yɔk kumulɔng a zuga bhɛkkɛa Damiya Tumu bere kàjjɛa Muse shɛɛ na hinnɛa goore.

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

Zuga Kèkko 3:26

Na Tumu huna bere ibhbhana hoynɛ sabbɔ na ekkono, bere ittonnogungu igge na kutuhɛung ke ngaya lamanɛung bhɛa lɔga gu gɛrsa na wokkonɛo gɔra nɛnɛye.”

Zuga Kèkko 5:31

Na ibhbhana na ojjo siyɔ sɛtɛna nɛnɛ na ajjɛa diram. Na ojjo ke Komoruya na bo ibbayseiy. Na kamadh zuga Isirayeli na kujjugu lɔga gɛ gɛrsa na kawakta gɔra Tumu.