Zuga Kèkko 10:43 - Suri Latin

⁴³ Na zukte yɛbhbhɛ nɔngge kumulɔng jɔanɛ bhɛa ujjugɛa lɔga gɛ gɛrsa sara gɛnyɛ damiya bere yogɛa ꞉zuga yogɛsɛnɛa zugo lɔga dhugunono ꞉Tumu.”

Zuga Kèkko 10:43 ပူးပေါင်းရင်းမြစ်များ

Markos 16:16

Nɔng inde yɛbh ngakamannaya na kùchurte, ale bassɔ. Na nɔng inde ngayɛbhbhoye ale kùjjukkanayɔ.

Yohanis 1:45

Na Bhilibhos koo itinynyandɛ ko Natinayel, na sɛɛsɛ, “Wa karto hira toynɛna bere lɔga gɛnyɛ kɔdhdhɛsɛna :Muse Damiya Tumu na dheliyɛa :zuga bere yogɛsɛnɛa zugo lɔga dhugunono :Tumu na kɔdhdhɛsɛnɛa dadabinya. Nɔng a eriya Yosebi kèe Yesus bere chillana Naziretɔ.”

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Yohanis 5:24

“A challi, ga shigitɔ! Inde shik lɔga ganyu na yɛbh hira bere ekkononyiye, ngangaye, tɔlɔmu basseya iho dhul na jaru rɛsɛ na ogo bhɛa basseyny na ale ngani ngakujjukkanao.

Zuga Kèkko 15:9

Na huna bere onyono hinisi yɛbhaa nɛ, anna ba ngani kɛlɛlao. Na mɛa agge ko yɔk gunyey ke dhɔnɛ.

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 26:18

Na owo kawarɛ na kobhonda mugurɔ na kohoya gɔra hɔla na kɔdhɔyɔ ɔnneya Moldoyi na kawakta gɔra Tumu. Na hunde yɛbhtany anyeye, aynde ale kujjugɛ lɔga gɛ gɛrsa na jɔanɛ bhɛa ɛlɛa ko zuga yɛbhbhanyɛa anye ridhing ningginɛnaye.’

Zuga Kèkko 26:22

Nɔng anye ko mɛa toye bɔɔ ɛyaanyɔ ꞉Tumu kɛr na mɛa kani nganda kichili ngayaye. Na lɔga bɔɔ korroni kawarre kamadhɛsɛu zuga ku bhoyoga ko ga lɔmmɛa aha kumulɔng. Na gee bere koyogɛsɛnde a lɔga bere yokkono ꞉Muse ko zuga yogɛsɛnɛa zugo lɔga dhugunono ꞉Tumu na sennɛa, “Ale bhugnyɛsɛnɛyɔ.” Gena ngani kɔ̀tɔrɛyo dhul.

Zuga Kèkko 3:16

Na ngahirra ku anyakuwanday orro na gao kumulɔngge, wa bawa ke ngaya yɛbhɛ sara Yesusiye. Ee! Nɔng ngahirra basɛ ngaya yɛbhɛ Yesuse. Na mɛa a nganda i ke na bo iho shɛɛ na orro ꞉iggeu kumulɔngge.

Zuga Kèkko 3:18

Yɔk ngalɔktonu agga bere bhugnyɛsɛa damiya bere dhugunono ꞉Tumu na yogɛsɛna zuga yokkonɛa lɔga gɛnyɛ sabbɔ na sennɛa, ‘Hira kɛbɛrrani maya sabbɔ chɔllanɛyɔ.’