41 Na huna bere dhɔllana rɛ, zugo kumulɔng ngani kargito. Bere korro ꞉aggeu sɔng, zuga bere bɛrraniy ꞉Tumu sabbɔ. Na chɔɔ huna Yesus bansana rɛsɛyɔ, agge kanno zuga bere kɛllo ko nɔng na kumulnɛno kari.
Nɔng ngandonu a Kuloya Tumu dhugunnono lɔga ku dhere. Na yɔk zuga marrɛa Tumu ale marrɛ nɔng ke ngaya ngaorɛo na imagɛye. Na nɔng igge gaoyɔ ke ngaya ɛlɛo ko nɔng kari na anɛo dhɔnɛye.
Nɔng anye ale kihon ungge muchugi na zuga marrɛa Tumu sɛgɛn ngaorronynyɛo dhul ko kingi. Na nɔng igge ale orronyu sɛgɛn. Na ko igge ale ɛllo basseyɔ ke ngaya anye kihɛ basseyɔye.
Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.
Na kali kona hunaa ɛlla kari bhɛa aminɛnɛaye, aynɛ lɔgɔ na sɛɛsɛ, “Tɛldi Yerusalemɔ ngaya dirr ko bhee ajjɛung ꞉Babaa Nanu Kuloya Nɛnɛ damiya bere bhiikkagungu ꞉nɛa na koyokkogungu ꞉anyo.
“Na agge kanno zuga korrono ngalɔkta bere me ꞉nɛa Yudhagiye ko Yerusalemɔye kumulɔng kawarre. Nɔng bere ibhbhɛa ꞉zugu na ujɛsɛnɛa muddɛnne kɛyɔ na ilakkɛa na rɛsayɔ.