Zuga Kèkko 10:38 - Suri Latin

³⁸ Na bɛrgua churɛa zugo ma, Tumu annaa bere uhudhdho Yesusa Nazireti Kuloya nɛnɛ na ajjɛa barartin. Na hande kɔɛye kumulɔng ɛlla ko nɔng na messo lɔga challa. Na chɔɔ ibbayseo zuga chibbo ꞉Moldoyɔ kumulɔng.

Zuga Kèkko 10:38 ပူးပေါင်းရင်းမြစ်များ

Matiyos 12:15

Na nɔng Yesus tagu lɔga ɛsɛdhdhɛa yɔkku na dhɔyu ngonu na sɛyɛ ko rɛna. Na zuga bo mɛra kɔbhɔ nɔng, na ibbaysiu gee ilagassɛye kumulɔng.

Matiyos 12:28

Na nɔng anye hunde mɛnɛnga kobhoniseon barartina Kuloya Tumuye, ngangaye kolea senno kɔtɔlɔmɛ :Tumu zugo dhaa ko bhɛa nu.

Matiyos 9:19

Na Yesus bana na dhi ko hiri. Na ko yɔk zuga kɔbhbhɛa nɔng dhi kari.

Matiyos 9:35

Nɔng Yesus bere woo ori toye kumulɔng na madhɛsɛna zugo lɔga Tumu doriyoa gɛ madhinɛnɛa zuga Ayhudhi, na kɔbhɛsɛna kamannaa challa ale lɔmɛa :Tumu zugo. Na bere ibbayseo chɔɔ zuga ilagassɛa mutanyoga bhiy bhiy kumulɔng.

Markos 6:6

Na bere iwachinɛna goore ke ngaya zuga baa nɛnɛ nɔng ngayɛbhɛoye. Nɔng Yesus bere woo ori toye ngonu na madhɛsɛna zugo lɔga Tumu.

Yohanis 10:32

Na nɔng Yesus dhugunɛsɛ lɔgɔ dib na sɛɛsɛ, “Anye annaa bere kɔdhɔlagungɔ lɔga bo mɛra dhandala ajjanyi :Babaa nanu Tumu. Na mɛa bhɛa ngalɔkta, gee gɛrɛ senno chɔyɛanyu :iggeu bɛnneye, a giyong?”

Yohanis 16:32

Nɔng kolea dhɔtɛanyu bhichang na bhasanɛnɛo na hɛyɛo doriyoa gu bhiy bhiy ale kundɔ. Nɔng chɔɔ ngakoleonu a mɛa toye rɛ. Na nɔng ko hunde kete nganga, anye bhichang ngakihiyo ke ngaya kɛlɛo ko Baba nanuye.

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 3:34

Nɔng hira bere bɛrrana :Tumu na ekkono, yogɛsɛn zugo lɔga Tumu, ke ngaya Tumu ajjɛ nɔng Kuloya nɛnɛ na ngaɛmɛgɛsɛnnoye.

Yohanis 6:27

Na mɛa igge zinggoa jɔanɛo amissɛa ale mujjusso na garsa ngamesso. Mesigi zinggoa jɔanɛo amissɛa lɔmma basseya iho dhul ale ɛdhdhɛttannɛungu :Hiriyɔ Hoynɛ. Nɔng a hira bere sennana :Babaa Nɛnɛ Tumu na ajjɛa buyn bhɛa ngalɔkta.”

Zuga Kèkko 10:37

Chɔɔ ko igge lɔga bere ɛrrinyana baa Yudha kumulɔng gaoyɔ. Yɔk a lɔga bere shigininyana baa Gelila bɛrgua bere dheshshanɛa ꞉Yohanisi madhaa churɛa zugo ma.

Zuga Kèkko 2:22

“Na mɛa zuga Isirayeliye, ga chirara ngalɔkta! Tumu anna bɔɔ ekkono Yesusa Nazireti na ajjɛa lɔgɔ na keme lɔga bo dhandala barara bhɛa nu na iwachi na taga hunde a hira ekkono ꞉Tumuye. Yɔk ngalɔkta kumulɔng hunde a dhereye, igge gaoyɔ.

1 Yohanis 2:20

Na nɔng igge annaa bere kùhudhtongngɔ Kuloya Hira Kullɛna na lɔga ku dhere gao kumulɔng.

1 Yohanis 3:8

Na nɔng inde me lɔga gɛrsaye a eriya Moldoyny ke ngaya Moldoy bere messonɛ lɔga gɛrsa kingi bɛrgua bere ngani kèghendonɛa baye. Na bhee bere kunɛ Eriya Tumu ba ngayaye, a ngaya se kusurranɛ lɔga messo :Moldoyɔye.