Zuga Kèkko 1:16 - Suri Latin

¹⁶ “Ngagochonginyaa ganyde, lɔga ngahirra kèe Yihudha bɔɔ ajjɛ Yesus mirɔgaye, a lɔga bere ajjɛa ꞉Kuloya Tumu Dawiy sabbɔ na yokkono na ɛlla dadabɔ. Na ngalɔkta maya bere bhugnyɛsɛnɛyɔ.

Zuga Kèkko 1:16 ပူးပေါင်းရင်းမြစ်များ

Matiyos 26:14

Na koo bhɛa zuga kɔbhbhɛa nɔng ku 12, na kèleo Yihudhaa Askorotu ogo bhɛa gɔldangɛa bibiyo doraa Tumu barara,

Matiyos 26:47

Na hunde chinyi ngani yokkono lɔgɔ ngangaye, bhɛa zuga kɔbhbhɛa nɔng ku 12, na kènno Yihudha ko. Nɔng bere dhɛanɛa ko zuga bo mɛra dhaa ekkonɛa :gɔldangɛa bibiyo doraa Tumu barara ko zuga Ayhudhi bibiyo na honynyo ga bo lɔmmanɛa mashachina ko lurginya.

Matiyos 26:54

Nɔng mɛa hunde kème nganga, yɔk lɔga bere kɔ̀gɔdhdhɛsɛna dadabinyaa lɔga Tumu kènno kurruknyɛsɛ ngalɔkta, bhee urruknyɛsɛnɛ ninggɛ.”

Matiyos 26:56

Na nɔng bhee ɛrrinyanɛ ngalɔkta kumulɔngge, a ngaya kèe kurruknyɛsɛ :lɔga bere kɔdhdhɛsɛnɛa :zuga yogɛsɛnɛa zugo lɔga dhugunono :Tumu dadabte.” Na yɔk zuga kɔbhbhɛa nɔng dhɔyɔ nɔng kumulɔng na ngeyo.

Markos 12:36

Nɔng Dawiy rɛ, kala bere ajjɛa :Kuloya Tumu lɔgɔ na yokkono, annaa bere senno, ‘Tumu Komoru wa sɛɛsɛa Komoruya nanu, “Anye ko bhee kɔmɔgɛ mirɔga gunyu na koddogɛsɛn ba na allinɛnɛ :inyo, ga tɛ siyɔ sɛtɛna nanu.”’

Markos 14:43

Na hunde chinyi ngani yokkono lɔgɔ ngangaye, bhɛa zuga kɔbhbhɛa nɔng ku 12, na kènno Yihudha ko. Nɔng bere dhɛanɛa ko zuga bo mɛra ekkonɛa :gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse ko zuga Ayhudhi bibiyo na honynyo ga bo lɔmmanɛa mashachina ko lurginya.

Yohanis 10:35

Na hunde Tumu a nganda bere senɛsɛn zuga ajjɛa lɔga gɛnyɛ, ‘Anno tumo gena,’ na chɔɔ anda bhee kàmalɛ lɔga gɛnyɛ ninggɛye go, na mɛa bhee bansagɛanyu na sennagɛanyu, ‘Dhɔmi Tumuye,’ a ore? A ngaya kesenɛ, ‘Kani Eriya Tumuye,’ dha? Nɔng Tumu annaa bere ibhaanyɔ anye na kɛngaanyɔ na ojjonyɔ ke eriya nɛnɛ na egoonyɔ ba.

Yohanis 13:18

“Yɔk ngalɔkta koyokkonde, ga gu kumulɔng ngayo. Yɔk zuga bere kɛbɛrrani :anyo kaggayɔ. Na yɔk lɔga bere kɔ̀gɔdhdhɛsɛna dadab sennɛa, ‘Hira kumullo tila kari wagagany na te mirogiya nanu’ maya urruknyɛsɛnɛyɔ.

Yohanis 17:12

Anye huna bere kɛllo ko yɔk kari annaa kɛbhɛkka barartina sara gunyu bere ajjanyi kɛr. Na bhɛa zuga bere ajjanyi chɔɔ dhɔnɛ ngani kiggarisiyo dhul. Nɔng inde keninya na garase a eriya ku kuhuyagiya bere kènno kurruknyɛsɛ :lɔga bere kɔ̀gɔdhdhɛsɛna Dadabinyaa Lɔga Gunyu.

Yohanis 19:36

Yɔk ngalɔkta bhee anɛ ngangaye, a ngaya dha bere se kurruknyɛsɛ :lɔga bere kɔ̀gɔdhdhɛsɛna dadabinyaa Lɔga Tumuye. Yɔk ngalɔktonu gena sennɛ, “Chɔɔ gigaa gɛnyɛ dhɔnɛ ale ngabhiiginɛo dhul.”

Zuga Kèkko 1:20

Na nɔng Betiros sɛɛsɛ, “Yɔk ngalɔkta Yihudhaye annaa bere kɔ̀gɔdhdhɛsɛna Dadaba Yellony toye na sennɛa, “ ‘Bhɛa bhakka ꞉nɛa any kɛtɛ hɔlɔng na baa nɛnɛ kete guru.’ “Na ngadadabtonu bhokkona se, “ ‘Buyna nɛnɛ any kɛsɛrɛ ꞉konnɔ.’

Zuga Kèkko 13:15

Na hunaa zugo toyiya Damiya Tumu bere kàjjɛa Muse ko lɔga zuga bere yogɛsɛnɛa zugo lɔga dhugunono ꞉Tumu bere kɔdhdhɛsɛnɛa dadabinya na tewa ushaye, gulsachina ngadoronu madhinɛnɛye ghini Bhaulos ko Barnabas na seyɛsɛ, “Gochonginyaye, hunde kesea lɔmmo lɔkte senno madhtɛsɛ zugo na iriytɛye, hoya na madhtɛsɛ.”

Zuga Kèkko 13:38

“Gochonginyaye, bhɛa kùjjugɛa lɔga gɛrsa hunde kɔjɔana gɔra Yesusiye, ngadamita wa kamadhagɛungge tagatɔ.

Zuga Kèkko 15:13

Na yɔk hunaa yoktoa lɔgɔ na tewa ushaye, Yaykob ko nɔng bana na yagɛsɛ na sɛɛsɛ, “Gochonginyaye, ga chirartanyuyɔ!

Zuga Kèkko 15:7

Na hunaa oyta lɔgɔ dirr na tewa ushaye, Betiros bana na sɛɛsɛ, “Gochonginyaye, huna bɔɔ sabbɔ Tumu bɛrrananyi anye bhɛa nu na kàmadhɛsɛ bhorinya gen kamannaa challa na kɛyɛbhɛyɛ, igge gao chi.

Zuga Kèkko 2:23

Nɔng a hira bere ajjungu ꞉Tumu damiya bere gaana ꞉nɛa na ɛsɛdhdhana sabbɔ. Na igge ko zuga marrɛa Tumu annaa ɛsɛdhto lɔgɔ na ilakto na dhaktɛsɛo sɛnɔ ko jagarɛ muddɛn na erra.

Zuga Kèkko 2:37

Na koo zugo hunaa shikkɛa ngalɔktaye, kɛngi bhɔttɛ na seyɛsɛ Betiros ko zuga ekko ꞉Yesusi, “Gochonginyaye, na mɛa senno kèmesso ɔng?”

Zuga Kèkko 22:1

“Gochonginya ko Babachina ganyuye! Ga chirartanyuyɔ! Na kòyogogung ngalɔkta wa gany ɛrrinyanɛ ꞉lɔkkuye.”

Zuga Kèkko 23:1

Na Bhaulos gɔnyu gulsachinaa Ayhudhi kedhdhɛa lɔgɔ churr na sɛɛsɛ, “Gochonginyaa ganyuye! Anye ihineya bere kinginye ko mɛa toye bere katagachcha Tumu shɛɛ kɛr hinisa bo hɔla.”

Zuga Kèkko 23:6

Na nɔng gɔnyu gulsachinaa Ayhudhi kedhdhɛa lɔgɔ ɛlla ngonu na tagu hunde dha gena a zuga kimsiya Ayhudhi kènno Sodhokka na gen agga kɔbhbhɛa damiya Bhɛrɛsiye. Na yogo lɔgɔ goore na seu, “Gochonginyaye! Anye kani hira kɔbhbha damiya Bhɛrɛsi huna bere kokonginyaa ganyu kinginye. Na mɛa bhee chillɛanyɛ ꞉zuguye a ngaya kibhɛ lɔga ale bansanɛa ꞉zugu rɛsɛyɔ hinisɔ na kɛyɛbhɛye.”

Zuga Kèkko 28:17

Na hunaa ungo tewa sizziye, Bhaulos eliu gulsachina Ayhudhi. Na muktiyaa na sɛɛsɛ, “Gochonginyaye, anye kera zuga ga ko na babachina ga ngani kɛ̀ddɛo dhul. Na hunaa anna ngangaye, yɔk chɛbtany Yerusalemɔ na ayany zuga Rome.

Zuga Kèkko 28:25

Na nɔng Bhaulos hunaa madhɛsɛna lɔgɔye, yɔk kɛngɔ ngani ngashiginɛo na se kegendɛyɔ. Na hunaa ngani kegendayoye, Bhaulos madhɛsɛ zugo lɔgɔ sɛgɛn na sɛɛsɛ, “Lɔga bere yokkono ꞉Kuloya Tumu na yogɛsɛna hira yogɛsɛna zugo lɔga dhugunono ꞉Tumu kèe Isayas na ko nɔng yogɛsɛna kokonginyaa gu, dha bere a dhere. Na ngalɔktonu agga bere sennɛa,

Zuga Kèkko 7:2

Na Istibhanos yagɛsɛ na sɛɛsɛ, “Gochonginya ko babachina ganyuye, ga chirartanyuyɔ! Huna baba na Awuraham ngani Karanɔ kɛzɛgao na bhakka Mesetom, annaa dhɔlɛsɛa ꞉Komoruya na lɔmma diram rɛ

2 Betiros 1:21

Yɔk ngalɔkta kumulɔng, ga ɛsɛdhdhanɛa zuga yogɛsɛna zugo lɔga dhugunono :Tumu sabbiya gɛ, na yokkonɛa ngayo. A lɔga ɛsɛdhdhana :Tumu na yokkonɛa hunde kɔsɛn :Kuloya Tumu na madhɛsɛnde.

2 Betiros 2:21

Yɔk ko bhee bere gaɛ lɔga ganggua ridhing ningginɛna na koo dhɔyɛ lɔga kullɛna bere kòyogɛsɛna yɔk, na wogɛ bhɛa lɔga gɛrsa sɛgɛn, hunde bere sabbɔ lɔga ganggua ridhing ningginɛna ngagaɛ, anda a challi.