Zuga Kèkko 1:15 - Suri Latin

¹⁵ Na kali kona zuga yɛbhbhɛa Yesus gee ku zugo illɛy muktɛ bhee dhɔnɛ. Na nɔng Betiros bana na chilu bhɛa nɛ sabbɔ na sɛɛsɛ,

Zuga Kèkko 1:15 ပူးပေါင်းရင်းမြစ်များ

Matiyos 13:31

Na ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko katilay kawariya kùdukko ibhbhana :hiriyɔ na sachcha gɛwaa nɛnɛ.

Yohanis 14:12

A challi, ga shigitɔ! Inde yɛbhbhany anyeye, ko nɔng ale me lɔkte kemesi :anyoye. Na chɔɔ ale me ga jorronɛa ngagiya kemesi :anyoye ke ngaya anye ale kɔgɔɛ bhɛa Babaa nanuye.

Yohanis 21:23

Na zugo shigi ngalɔkta na bhɛa zuga yɛbhbhɛa Yesus tɔlɔ lɔkte sennɛ, “Ngahirronu kɔbh Yesus ibhɛsɛn :nɛa hiniye se ale ngani ngarɛsso dhul.” Nɔng Yesus nganga bere ngani kesɛɛsɛayo. Nɔng bere senɛsɛna, “Kesea kihinnon :anyo tɔllɔng na ga kɛtɛ basseyɔ ko bhee ale kowokkonɛ :anyo, na inye lɔga gɛnyɛ ghini na me ɛnɛng?”

Zuga Kèkko 10:23

Na nɔng lamma na dhiganu dorigiye na te kɔmɔna gɛnyɛ. Na bhorroyɔ Betiros bana na dhi ko yɔk kari. Na ko yɔk zuga yɛbhbhɛa Yesus bhakkɛa Yobhe gena tɔrɔ nɔng na dhi kari.

Zuga Kèkko 11:1

Na zuga ekko ꞉Yesusi ko gochonginyaa yɛbhbhɛa nɔng bhakkɛa baa Yudha, shigi hunde dha bɔɔ zuga bhora anaa yɛbhɛ lɔga Tumuye.

Zuga Kèkko 11:12

Na yogogony ꞉Kuloya Tumu lɔgɔ na ko hini ngakadhaginɛno na kìdhiyo ko yɔk kari. Na chɔɔ ngagochonginyaa ku illɛyte bɔɔ kidhiyano na kɛhɛo doraa ngahirronu kari.

Zuga Kèkko 11:26

Na hunaa jɔanaye, dhigana chɔɔ Ansokiya. Na oyo dhɔnɛ kumulɔng yɔk ko zuga yɛbhbhɛa Yesus ɛlla ngonu muktɛ na madhtɛsɛ zuga bo mɛra kamannaa Yesusi. Na zuga yɛbhbhɛa Yesus ɛlla Ansokiyagiye a zuga sabbune bere kɔ̀gɔdhdhɛsɛna sara kèe “Kirisiyan.”

Zuga Kèkko 11:29

Na zuga yɛbhbhɛa Yesus bhakkɛa Ansokiya ɛsɛdhɛ lɔgɔ na kumukta ahaye lɔmmɛye na kɛyay gochonginyaa bhakkɛa baa Yudha.

Zuga Kèkko 12:17

Na nɔng lamu zugo siyɔ na kidhitɛ rib. Na kɔbhɛsɛ lɔgaa ɔkkanɛa ꞉Komoruyɔ doraa chibinuny. Na sɛɛsɛ, “Ngalɔkta kɔbhtɛsɛ Yaykob ko gochonginya gena.” Na koo kendɛ na nɔng ogu ba konnɔ.

Zuga Kèkko 14:2

Na yɔk zuga Ayhudhi marrɛa ngalɔkta gen kɔnkɔnɔ bhorinyaa anaa ngani kamannaa Yesusi kɛyɛbhtao na kowoloktɛ ko zuga yɛbhbhɛa Yesus.

Zuga Kèkko 15:1

Na kali kona zug gena hoya Yudhagiye na ago Ansokiyagiye. Na madha zuga yɛbhbhɛa Yesus na seyɛsɛ, “Hunde rɛhiya gu maya huna kera bere Muse ngakedhdhooye, Tumu lɔga gu gɛrsa ngaibbayseongo.”

Zuga Kèkko 15:3

Na ege ꞉zuga yɛbhbhɛa Yesus ɛlla Ansokiyagiye, na ago. Na hunaa dhoyɛa baa Bhinke ko naa Samariyaye, yoktɛsɛ gochonginya lɔgɔ na seyɛsɛ, “Zuga bhor konnuny ko yɔk dhaa yɛbhɛ kamannaa challa na ujjugu lɔga gɛ gɛrsa.” Na yɔk dɛlɛ goore.

Zuga Kèkko 16:2

Nɔng bhɛa gochonginyaa bhakkɛa Litira ko Ikoniyom, Timotiyos a hira bo challa.

Zuga Kèkko 16:40

Na yɔk bhonda doraa chibinuny na ago doraa Ngalidiya. Na ngonu itinynyandɛ ko zuga yɛbhbhɛa Yesus na iriy sɛgɛn. Na koo ago.

Zuga Kèkko 17:10

Na barɔ zuga yɛbhbhɛa Yesus ittono Bhaulos ko Silasi Beriyagiye ke tiri. Na hunaa dokkɛa ngonuye, ago doraa madhinɛnɛa zuga Ayhudhi lɔga Tumu.

Zuga Kèkko 17:14

Na zuga yɛbhbhɛa Yesus ɛlla ngonu koo yoktɛsɛ Bhaulos ke tiri na ittono chɔɔ yirisi tugɔ. Na Silasi ko Timotiyos yɔk dhɔttɛ Beriyagiye ngonu.

Zuga Kèkko 17:6

Na ngani ngajɔanɛo. Na tuguru Iyason ko zuga yɛbhbhɛa Yesus gen na ayɛsɛ gulsachina orony. Na ara wuy na se, “Ngazukta bhorɛɛ ba kumulɔngge wa hoyaa ngaya sɛgɛn

Zuga Kèkko 18:18

Na Bhaulos tɛu Korontosɔ unga bo mɛra. Na koo kendɛ ko gochonginya, na dhi ko Ngabhirsikila ko Akila ɔrre i yirisiyɔ tugɔ kèe Kinkira. Na hunaa ɛlla ngonuye, nɔng Bhaulos yɛsa sabba ke ngaya lɔga bere bhiigɛsɛna ꞉nɛa Tumu bhugnyɛsɛnɛye. Na koo ago Soriyagiye gonggulɔ.

Zuga Kèkko 18:27

Na hunaa Abholos tɛhɛnna bhɛa senno kɔgɛ Akayagiyeye, gochonginya iriyi na tɔgɔndɛsɛ zuga yɛbhbhɛa Yesus ɛlla Akayagiye dadab, na kɔtɔlɔmɔ shɛɛ. Na hunaa kɔa na dokko ngonuye, ɛa zuga bere chirbhiseo ꞉Tumu na yɛbhbhɛa lɔga Yesusi goore.

Zuga Kèkko 21:17

Na hunaa kodokko Yerusalembe, lambaiy ꞉zuga yɛbhbhɛa Yesus hinisiya bo hɔla.

Zuga Kèkko 21:20

Na hunaa shikkɛa ngalɔktaye, eterrisana Tumu. Na koo seyɛsɛ Bhaulos, “Gochongnge, ga gɔnydɔ. Zuga Ayhudhi ngani yɛbhbhanɛa Tumu dha bɔɔ te shiinyaa bo mɛra. Na yɔk kumulɔng a zuga bhɛkkɛa Damiya Tumu bere kàjjɛa Muse shɛɛ na hinnɛa goore.

Zuga Kèkko 21:7

Na agge kabandao Tirosɔ na kayto na kadakto Bhitilima. Na kobhondao gonggulɔ na kissayeo ko gochonginya na kasaniyo ko yɔk ungo dhɔnɛ.

Zuga Kèkko 22:5

Na zuga bere orrɛa ngalɔkta kemesi ꞉anyoye kawarre, a gɔldanga bo doraa Tumu barara ko zuga Ayhudhi nyagasa kedhdhɛa lɔgɔ kumulɔng. Na chɔɔ dadaba bere kɔ̀gɔdhdhɛsɛna gochonginyaa bhakkɛa Dɛmasko na kàmagɛ zuga yɛbhbhɛa Yesus ɛlla ngonu na kɛ̀chɛbɛ na kɔ̀gɛ Yerusalemɔ na kàttiyɛ bere ajjanyɛa ꞉yɔkku.

Zuga Kèkko 28:14

Na kitinynyandɛo ko zuga yɛbhbhɛa kamannaa Yesusi ngonu na lambaiyɔ. Na ungo issabbay kɛtɛldo ko yɔk kari. Na hunaa kɛtɛldo ngonu na tewa ushaye, kayto Romegiye.