Zuga Kèkko 1:13 - Suri Latin

¹³ Na hunaa dokkɛa ɔrte, ago doraa ungusɛa ku bɛ na irrɔgɔ balanggi tundɔ. Na zuga ɛlla ngonu bere anna Betiros ko Yohanis ko Yaykob ko Indiriyas ko Bhilibhos ko Tomas ko Bartolomi ko Matiyos ko eriya Ilbiyosi kènno Yaykob ko Simona marra lɔga allinɛnɛa :komoruya Rome zuga Ayhudhi ko eriya Yaykobi kènno Yihudha.

Zuga Kèkko 1:13 ပူးပေါင်းရင်းမြစ်များ

Matiyos 9:9

Na Yesus hunaa bansana ngonu na kɔaye, koo aru hirre muk gharata kèe Matiyos hunde i bay bhɛa mugɛa gharataye na sɛɛsɛ, “Ga kɔbhaanydɔ!” Na nɔng bana na kɔbhu.

Markos 14:15

Nɔng aleo dhɔllagung doraa ku balanggi tundɔ bo bhɔa dha kìghiro na lɔmma aha. Na amissɛa na mesigi ngonu.”

Markos 14:33

Na ibha Betiros ko Yaykob ko Yohanis na dhi kari. Na hunaa ngani hɛaye, nɔng shurɛ na munyuu goore.

Markos 2:14

Na hunaa dhoo ngonuye, aru eriya Ilbiyosi kènno Lewiy hunde i bay bhɛa mugɛa gharataye, na sɛɛsɛ, “Ga kɔbhaanydɔ!” Na nɔng bana na kɔbhu.

Markos 5:37

Na nɔng taganyɛ zugo kumulɔng bhɛa senno ngakɔɔbhtɛ nɔng doraa Yarosi. Na dhi ko Betiros ko Yaykob ko gochonga Yaykobi kèe Yohanis sɔng.

Markos 9:2

Na Yesus hunaa saniwa ungo illɛy na tewa ushaye, ibha Betiros ko Yohanis ko Yaykob na dhi kari na irrɔgɔ kutula bo rammaya kona na tɛldi ngonu. Na yɔk dha bere ɛl bhichang. Na hunaa ngani ɛlla ngonuye, ɛa Yesusi bhɔnyɛsɛ yɔk kawarre.

Yohanis 11:16

Na nɔng Tomassa kènno Didimos sɛɛsɛ zuga kɔbhbhɛa Yesus kari, “Ko agge banda kago na kèrgi ko nɔng kari.”

Yohanis 14:22

Na koo Yihudha ghinu Yesus na sɛɛsɛ, “Komorue, ngangaye bhee seni dhugunogiy agge rɛa nunu na zugo kumulɔng ngadhugunɛsɛniye a ore?” (Nɔng ngahirra Yihudhaa Askorotu ngayo.)

Yohanis 18:17

Na nɔng dhogoleya bhɛkka waran koo ghinu Betiros na sɛɛsɛ, “Inye ngaaniyo hira kɔbhi Yesus rɛ?” Na nɔng Betiros yagɛsɛ na sɛɛsɛ, “Aa! Aa! Anye ngakaniyo.”

Yohanis 21:2

yɔk Simon Betiros ko Tomas ko Natinayela ku hira bere kùhudhukkono ɔra iho baa Gelila kènno Kana, ko erroa Zɛbɛdosi ko zuga kɔbhbhɛa Yesus gena gee ku ramman, bere ɛlla kari. (Nɔng Tomas sara gɛnyɛ gena keli Didimos)

Zuga Kèkko 12:17

Na nɔng lamu zugo siyɔ na kidhitɛ rib. Na kɔbhɛsɛ lɔgaa ɔkkanɛa ꞉Komoruyɔ doraa chibinuny. Na sɛɛsɛ, “Ngalɔkta kɔbhtɛsɛ Yaykob ko gochonginya gena.” Na koo kendɛ na nɔng ogu ba konnɔ.

Zuga Kèkko 15:13

Na yɔk hunaa yoktoa lɔgɔ na tewa ushaye, Yaykob ko nɔng bana na yagɛsɛ na sɛɛsɛ, “Gochonginyaye, ga chirartanyuyɔ!

Zuga Kèkko 2:14

Na koo Betiros chili ko zuga bere bɛrrana ꞉Yesusi ku tɔmmɔn ko dhɔnɛ na yogɛsɛ zugo lɔgɔ goore na sɛɛsɛ, “Zuga ganyu Ayhudhi ko ga bhakko Yerusalembe, ga shiktonyuyɔ! Na kùdhugunogung ngalɔkta chirarroye hologun na tagatɔ!

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 20:8

Nɔng ngadoronu ku bɛ ramma bere kɛmɛzziyɛo ꞉aggeuye, kalkanyaa kèterinyo dha bere a mɛri.

Zuga Kèkko 4:13

Na yɔk hunaa zuga kedhdhɛa lɔgɔ arta Betiros ko Yohanis hunde dhugunnonɛ lɔgɔ dibte, taga hunde a zuga ngani kɛdhɛmisɛayoye na iwachiyɛ. Na katta hunde dha a zuga bere ɛlla ko Yesus kariye.

Zuga Kèkko 4:19

Na Betiros ko Yohanis yɔk seyɛsɛ, “Hunde kɔdhɔtto bhɛa kigomɛsɛno Tumu na kìgombogung igge, anda bhɛa Tumu a challi ka? Ga heo ngalɔkta kedhdhigi ꞉iggeu.

Yaykob 1:1

Ngadadabta kɔgɔdhdhagung :anyo Yaykobi, hira kagayi Tumu ko Komoru Yesus Kirisos. Na kittonnogung igge, ngagettoya ku 12 bere bhassanyɛsɛno ba kumulɔngge. Na kissaunggɔ, anno challi hung?

2 Yohanis 1:1

Ngadadabta kɔgɔdhan :anyo, hira bo kɔlɔmi zuga yɛbhbhɛa Yesus. Na kittonnoginy inye karbaya kibhbhaginyi hini dhere bere bɛrraninyi :Tumu ko erroa gunyu kibhɛsɛni hini. Nɔng igge hini anyo sɔng ngakibhbhagungo. Chɔɔ zuga gayɛa lɔga ku dhere kumulɔng ko yɔk ibhbhagungɛ hinisi,

Yihudha 1:1

Ngadadabta kɔgɔdhan :anyo Yihudha, hira ku gochonga Yaykobi kagayi Yesus Kirisos. Na kɔgɔdhdhagung igge, zuga bere ibhbhagungu :Babaa Na Tumu hini na eleongu na bhɛkkungu na ale lɔmmungu :Yesus Kirisosi.