Yohanis 9:39 - Suri Latin

³⁹ Na Yesus sɛɛsɛ, “Anye huna bere kuguni ba ngaya, bere kuguni na kègen lɔga zugony kumulɔng na ga kawarɛ chaga kargi bho, na gee orrɛ bhoye kawarɛ kidhitɛyɔ.”

Yohanis 9:39 ပူးပေါင်းရင်းမြစ်များ

Matiyos 11:5

Na seyɛsɛ, ‘Zuga kawarɛ chaga, orrɛ bho. Ga ngɔllɛa, woɛ shɛɛ. Ga amma :gedhdhe, kònynyono na bassɛ na ɛl hurr. Ga ku dunggɛna, shikkɛ bho. Ga bere rɛssɛa, bansanɛyɔ. Na chɔɔ zuga ku bhoyoga, mɛa kàmadhɛsɛn kamannaa challa.

Matiyos 15:14

Na yɔk ngazuktonu ngatɔgeo! Yɔk a zuga kawarɛ chaga dhigannɛa lalugɛa kawarɛ chaga. Nɔng hira kawarɛ chaga hunde kidhigan lallɛn, ale ngɔsɛnɛ bhɛa kɔbɔnga kari rammane.”

Matiyos 6:23

Na nɔng hunde a chagiye, rɛa nunu kumulɔng hɛt ko doraa ku mugura bo kɔrra. Na nɔng hunde hɔldinde lɔmi rɛhɔye dhaa a mugurte, ngangaye ngamugurtonu anna bo kɔrra tirr dhogoy.

Yohanis 12:31

Nɔng kolea kedhdhɛa :Tumu lɔga zuga bhakkɛa ba kumulɔng a mɛa toye rɛ. Na mɛa ko nɔng te kolea ale kàhangngɛa komoruya allinɛnɛa yɔk.

Yohanis 12:46

Anye huna bere kuguni ba ngaya, bere kuguni kète hɔldin na kàlamma zuga yɛbhbhanyɛa anye kumulɔng, na mugurɔ ngadhɔynɛ.

Yohanis 3:17

Nɔng huna bere ekkono eriya nɛnɛ ba, bhee bere ekonɛ na kujjuga zugo ngayo. Bere ekkono na kibbaysiyɔ.

Yohanis 3:19

Yɔk lɔga zugony bere kedhdho :Tumu a ɛnɛnggeo, ‘Hɔldin annaa bere kowa ba na yɔk zugo tamarta. Na bhɛa senno kɛtɛhɛndɛ hɔldin, tɛhɛnda kɔrrɔyn ke ngaya mesɛ kuhuyamoye.’

Yohanis 8:12

Na koo Yesus yogɛsɛ zugo lɔgɔ sɛgɛn na sɛɛsɛ, “Anye kani hɔldina zuga bhakkɛa ba kumulɔng. Na inde yɛbhbhany anye na kɔbhbhanyde, ale jɔana hɔldina lɔmma basseya iho dhul na mugurɔ dhɔkkɔy ngani ngayiriyo.”

Yohanis 8:15

Igge nɔng anno ngagiya kedhdho lɔgɔ damiya kedhdhɛa :zugu na ujjukkano zugoye. Na nɔng anye chɔɔ hirre dhɔnɛ ngakujjukkanno dhul.

Yohanis 9:25

Na nɔng yagɛsɛ na sɛɛsɛ, “Hunde ngahirra a hira messo lɔga gɛrsa oo ngamessooye, anye kimagiyɔ. Yɔk lɔkte kagga :anyoye a ngaya bere kawarɛ annɛany chagi na mɛa korɛ bhoye sɔng.”

Zuga Kèkko 26:18

Na owo kawarɛ na kobhonda mugurɔ na kohoya gɔra hɔla na kɔdhɔyɔ ɔnneya Moldoyi na kawakta gɔra Tumu. Na hunde yɛbhtany anyeye, aynde ale kujjugɛ lɔga gɛ gɛrsa na jɔanɛ bhɛa ɛlɛa ko zuga yɛbhbhanyɛa anye ridhing ningginɛnaye.’

2 Tɛsɛlongke 2:10

Na tabhɛsɛn ngazukta ujjukkɛ rɛhiya gɛ bere marrɛ lɔga Yesusi ku dhere senno kibbaysiɛ :Tumuye, lɔginyaa bo mɛra gɛrsa.

1 Yohanis 2:11

Nɔng inde mar zuga yɛbhbhɛa kamannaa Yesusi konaye, bhak ba kɔrrɔynɔ na dhaa ngani yiri ngonu. Na chɔɔ gɔrre kɔɛye imag ke ngaya kawarɛ dhiyɛ :kɔrrɔynɔye.