Yohanis 9:35 - Suri Latin

³⁵ Na Yesus shigu hunde dhaa zugo chugu hiriye. Na koo ogu na lameo na jɔa. Na ghinu na sɛɛsɛ, “Hiri Hoynɛ yɛbhiyɔ?”

Yohanis 9:35 ပူးပေါင်းရင်းမြစ်များ

Matiyos 14:33

Na zugaa ɛlla gonggulɔ toye seyɛsɛ, “Inye dhaa ani Eriya Tumu dhere,” na tɔgɔndɛsɛ kɔmma.

Matiyos 16:16

Na yagɛsɛ :Simon Betirosi na sɛɛsɛ, “Inye ani Kirisos, Eriya Tumu, Komoruya iho basseyɔ.”

Matiyos 4:3

Na Moldoy ko na sɛɛsɛ, “Hunde ani Eriya Tumu dhereye, ga sɛɛsɛ ngabɛnda na kɔbhɔdhtɛ ke amissɛ!”

Markos 1:1

Ngadadabta anna shigininyanɛa kamannaa challa Eriya Tumu Yesus Kirisosi.

Yohanis 1:18

Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.

Yohanis 1:34

Na mɛa nɔng hunde dhaa a Eriya Tumuye wa karra tok na kɔɔbhagungngɔ dib.”

Yohanis 11:27

Na Ngamarta sɛɛsɛ, “Ee! Komoru, hunde ani Eriya Tumu ku Kirisos bere kènno ale kuni baye, kɛyɛbhiyɔ.”

Yohanis 20:28

Na nɔng Tomas sɛɛsɛ, “Inye ani Tumu Komoruya nanu!”

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Yohanis 5:14

Na koo Yesus itinynyandɛ ko hiraa gina doraa Tumu barara na sɛɛsɛ, “Ani nganda wa bauye. Mɛa lɔga gɛrsa sɛgɛn ngamesi! Hunde mesiye, ale kalda kesea dokkon lɔkte gɛrɛ jorronɛ ilagaya bɔɔ sabbune.”

Yohanis 6:69

Na chɔɔ hunde ani Hira Kullɛna Bere Bɛrraninyi :Tumuye wa kàtaktinyɔ na kɛ̀yɛbhtinyɔ.”

Yohanis 9:22

Yɔk chɔgɔnɛ ko jɔnɛ bhee bere senɛ ngangaye, a ngaya ɛngɛrsɛ gulsachina Ayhudhiye. Yɔk zuga Ayhudhi dha bere ojjonɛ lɔgɔ sabbɔ na sennɛ, “Hunde tɔlɔ hirre se, ‘Yesus a Kirisose,’ kùchugu na doraa madhinɛnɛa zuga Ayhudhi lɔga Tumu ngakuni.”

Yohanis 9:34

Na yɔk hunaa shikkɛa ngalɔktaye, seyɛsɛ, “Inye ihineya bere hudhukkinyanɛi, ani hira gɛrsa lɔmi ridhing! Na mɛa seni madhiy agge ɛnɛng?” Na chugu na obhonisi bhɔ.

Zuga Kèkko 8:36

Na hunaa ngani hɛaye, dakta bhee lɔ ma. Na gulsa seu, “Yɔk ma a ngagiya ni. Na hunde kùchurrɛ, ahite kanyɛanyi ihe?”

Zuga Kèkko 8:37

Na nɔng Bhilibhos yagɛsɛ na sɛɛsɛ, “Hunde yɛbhi hinisɔ dhereye, churnɛndɔ.” Na gulsa seu, “Yesus hunde a eriya Tumu bere kɛ̀bɛrrana ku Kirisose, kɛyɛbhiyɔ.”

Zuga Kèkko 9:20

Na tɔgɔdhay madha doriyoa madhinɛnɛa zuga Ayhudhi lɔga Tumu ɛlla Dɛmaskogiye na madhɛsɛ zugo hunde Yesus a eriya Tumuye.

1 Yohanis 4:15

Yɔk gee yɛbhbhɛ bhɛa Yesus anɛa Eriya Tumuye kumulɔng, a zuga ɛlla ko Tumu kari ke dhɔnɛ.

1 Yohanis 5:10

Nɔng inde yɛbh bhɛa Yesus anɛa Eriya Tumuye, ngalɔkta bere dhugunɛsɛn :Tumuye gayɔ hunde a dhereye, na lɔ hinisɔ. Na nɔng inde Tumu ngayɛbhbhoye, a hira ojjo Tumu ke butogi ke ngaya lɔga Yesusi dhugunnono :Tumu ngayɛbhɛoye.

1 Yohanis 5:13

Ngazukta yɛbhbho sara Eriya Tumuye, anye bhee kɔgɔdhdhagɛung ngalɔktaye a ngaya kèni taktɛ bhɛa lɔmɛo basseya iho dhulde.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

1 Yohanis 5:5

Na hirre mar ngalɔkta ku kuhu na dhɔtte a nɛng? Ngayo hirre yɛbh bhɛa Yesus anɛa Eriya Tumuye sɔng!

3 Yohanis 1:10

Na nɔng hunde ale kɔgɔye, anye ale kudhugunɛsɛn zugo ga mɛra ngalɔkta me :nɛa magganɛ lɔgɔ na kedhdhɛiy dariye. Nɔng chɔɔ mɛa toye hinisa nɛnɛ ngani ujjono na me ngalɔkta na zuga yɛbhbhɛa Yesus madhɛsɛnɛa zugo lɔga Tumu ngalammanao. Na chɔɔ gee se kalambaye kanyɛ na obhonisi doraa Tumu na chuktɔ.