Yohanis 9:16 - Suri Latin

¹⁶ Na zuga kɔbhbhɛa damiya Bhɛrɛsi gen se, “Ngahirra me ngangaye, hira ekkono :Tumu ngaanno ke ngaya damiya Kala Ayawsuny ngabhɛgɛoye.” Na yɔk gen se, “Na hunde kete hirre me lɔga gɛrsa, anda ngalɔkta bu bararte me ɛnɛng?” Na ɛkkɛnyandɛ na kendɛ kɛngɔ.

Yohanis 9:16 ပူးပေါင်းရင်းမြစ်များ

Matiyos 12:10

Nɔng ngonu bere lɔmma hirre siyɔ chudhinɛyɔ. Na yɔk zuga kɔbhbhɛa damiya Bhɛrɛsi lami bhɛa senno kichildɛ Yesus na ghini na seyɛsɛ, “Ngangaye, lɔga kìbbaysiyɛa zugo Kala Ayawsuny, Damiya Tumu bere kàjjɛa Muse bere kìgombo oo ngani?”

Matiyos 12:2

Na yɔk zuga kɔbhbhɛa damiya Bhɛrɛsi hunaa orrɛa ngalɔktaye, seyɛsɛ Yesus, “Ga gɔnya! Yɔk zuga kɔbhbhinyɛa inye messɛ lɔga ɛlla Damiya Tumu imaginɛna ko Kala Ayawsuny.”

Yohanis 10:19

Na hunaa shikkɛa ngalɔktaye, zuga Ayhudhi kendɛ kɛngɔ sɛgɛn.

Yohanis 14:11

Na mɛa hunde kesennagung, ‘Anye ko Baba nanu kɛllo kari na kanno dhɔnɛye,’ yɛbhtanyu hung! Na chɔɔ ko hunde ngalɔkta koyokkogungge ngayɛbhbho, yɛbhɛ ke ngaya bɔɔ kemesɛ ngalɔkta bu bararte.

Yohanis 15:24

Nɔng anye hunde bɔɔ bhɛa nɛ lɔga bo dhandala chɔɔ hir kona ngani kemessao dhul ngakemesi, anda bhee kùjjukkanɛ lɔga gɛ gɛrsa ninggɛ. Na chɔɔ yɔk ko hunde kargi ngalɔkta bu dhandal kemesi :anyoye, yɔk ngani marranyɛ anye ko Baba nanu chi.

Yohanis 2:11

Yɔk ngalɔkta barar me :Yesusi ngaɔrra kèe Kana i baa Gelilaye agga bere sabbune. Na hunaa messa ngalɔktaye, dhɔlɛsɛ zugo dirama nɛnɛ na zuga kɔbhbhɛa nɔng yɛbhɛyɛ.

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 5:10

na gulsachina Ayhudhi seyɛsɛ ngahirronu wa kìbbaysiye, “Mɛa a Kala Ayawsuny na hayaa nunu ngalɔgɔni ke ngaya damiya na anɛ kullɛye.”

Yohanis 5:36

“Na nɔng anye kɔlɔmi lɔga bere korroni na keni kɔ̀ɔbhɛsɛ zugo jorronɛa lɔga bere kɔbhɛsɛna :Yohanisi zugo. Yɔk a lɔga bere ajjanyi :Babaa nanu Tumu na kùrrugɛsɛyɔ. Na ngalɔkta kemesi :anyo mɛa toyeye, dhɔllanɛ bhɛa bere ekkononyɛanyi :Babaa nanu Tumu.

Yohanis 6:52

Na zuga Ayhudhi ɛkkɛnyandɛ kɛngɔ na se, “Na mɛa dha ngahirra se kayiy ayuga rɛa nɛnɛ na kùsigi ɛnɛng?”

Yohanis 7:12

Na bhɛa zuga ɛlla ngonu, gena bere mɛzziyɛa lɔga gɛnyɛ hɛhɛyɔ na sennɛa, “Ngahirra a hira challa!” Na gena sennɛa, “Ay, a gɛrsi! Nɔng itabh zugo.”

Yohanis 7:23

Na hunde igge anno ngagiya kedhdho erro rɛhiya maya Kala Ayawsuny na bhɛkko damiya bere Muse shɛɛ na ngaɛddɛoyoye, na anye hunde kibbaysi hiri rɛ kumulɔng Kala Ayawsunyde, igge marro kɛ ɔng?

Yohanis 7:43

Na lɔgɔ banda bhɛa ngalɔkta Yesusiye, na zugo kendɛ kɛngɔ.

Yohanis 9:24

Na koo eliyo hiraa kòono kawarɛ sɛgɛn, na seyɛsɛ, “Inye ga tɛngɛr Tumu na dhugunogiy lɔga ku dhere dib. Nɔng ngahirra ibbayseinyde hunde a hira messo lɔga gɛrsaye, agge kaggaoyɔ.”

Zuga Kèkko 14:4

Na yɔk zuga orony kendiyaa gaminya ramman. Na gam kona tɔrɔ zuga Ayhudhi. Gam kona tɔrɔ zuga ekko ꞉Yesusi.