Yohanis 8:55 - Suri Latin

⁵⁵ Igge anno zuga imaggo nɔng, na nɔng anye kaggayɔ. Na chɔɔ ko hunde kèse ‘Anye kimagiyɔ,’ ngangaye, ketewa butogi hunde nuye. Na nɔng anye kaggayɔ na kɛbhɛgi lɔga gɛnyɛ.

Yohanis 8:55 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Yohanis 1:18

Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.

Yohanis 10:15

damiya kagganɛnɛo ko Baba nanu Tumu. Na kɛbhɛgi shɛɛ na chɔɔ kɛrɛsɛ yɔk.

Yohanis 15:10

Nɔng hunde mesigi lɔga kajjungu :anyo, anda kɛ̀l kari na kibhbhagung hini ngadamita bere ko anye kemesɛ lɔga ajjanyi :Babaa Nanu na ko mɛa toye ngani ibhbhagɛany hiniye.

Yohanis 15:21

Na bhee ale tiranynyɛungɛ ngangaye, a ngaya anɛo zuga kɔbhbhanyu anye na chɔɔ imagɛ hira bere ekkononyiye.

Yohanis 16:3

Nɔng bhee ale messɛungɛ ngangaye, a ngaya imaggɛanyɛ anye oo Baba nanuye.

Yohanis 17:25

“Baba nanu Ridhing Ninggɛninyiye, nɔng inye ko hunde zuga bhakkɛa ba kumulɔng ngagainyɛ, anye kaggainydɔ. Na chɔɔ ko yɔk ngazukta bere ajjanyde, gaɛyɔ hunde bere ekkonony :inyoye.

Yohanis 6:46

Nɔng hirre bere or Baba Nanu Tumu ninggɛ dhul. Nɔng inde bere or nɔngge a :hira bere kunno bhɛa nɛnɛ sɔng. Kona ngani karro dhul.

Yohanis 8:19

Na yɔk ghini na seyɛsɛ, “Na chogonuye nunde i ori?” Na nɔng yagɛsɛ na sɛɛsɛ, “Anye ko Baba nanu igge ngagayiyyo. Nɔng hunde bɔɔ taktanyu anye, ko nɔng Baba nanu anda bɔɔ takto.”

Yohanis 8:29

Nɔng hira bere ekkononyi, kɛllo ko anye kari. Bhichang ngadhɔttanyo ke ngaya kemesɛ lɔga hinnono :nɛa kali kali na hinisa nɛnɛ anɛ hɔliye.”

Yohanis 8:44

Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

Yohanis 8:51

A challi, ga shigitɔ! Inde bhɛk lɔga ganyuye ale ko kingi ngani ngarɛsso dhul.”

Yohanis 8:52

Na yɔk seyɛsɛ, “Mɛa hunde dhaa ani hira tɔkkaginyiye, wa katakto shɛɛ! Chɔɔ Awuraham ko zuga bere yogɛsɛnɛa zugo lɔga dhugunono :Tumu annaa bere erta. Na inye mɛa seni, ‘Inde bhɛk lɔga ganyuye ale ko kingi ngani ngarɛsso dhul,’ ɛnɛng?

Zuga Kèkko 17:23

Chɔɔ bare kowoyɛi ɔra nu toye, na kugunyi ngawunyaa uddulɛsɛna tumoa gu go. Na ngawu konnɔ karra lɔkte sennɛ, ‘Ngaya a ngawua kùddulɛsɛna Tumua Kìmaga go.’ Na mɛa ngatumuya imaggo na eterrisannoye keni kùdhugunogung lɔga gɛnyɛ na tagatɔ.

1 Yohanis 1:6

Na agge ko hunde kèse, “Kɛ̀yɛbh Tumu na kàn dhɔnɛ,” na kɔ̀tɔ kɔrrɔynɔ, kàn butoga na lɔga gɛnyɛ ku dhere ngangaye dhaa ngakèmesso.

1 Yohanis 2:22

Na nɔng inde mal lɔga Yesusi na se, “Yesus Hira Bere Bɛrrana :Tumu ku Kirisos ngayoye,” a inde ku butogiya bo dhogoyte. Nɔng ngandonu a mirogiya Kirisosi na chɔɔ imag Baba Na Tumu ko Eriya Nɛnɛ tɔllɔng.

1 Yohanis 2:4

Nɔng inde se, “Anye Tumu kaggayɔ,” na lɔga ajjɛa :Tumu ngamessoye, a butogi na lɔga Tumu ku dhere bhɛa nɛnɛ ninggɛ.

1 Yohanis 5:10

Nɔng inde yɛbh bhɛa Yesus anɛa Eriya Tumuye, ngalɔkta bere dhugunɛsɛn :Tumuye gayɔ hunde a dhereye, na lɔ hinisɔ. Na nɔng inde Tumu ngayɛbhbhoye, a hira ojjo Tumu ke butogi ke ngaya lɔga Yesusi dhugunnono :Tumu ngayɛbhɛoye.