Yohanis 8:47 - Suri Latin

⁴⁷ Nɔng inde ku eriya Tumuye, a inde shik lɔga Tumuye. Na nɔng igge bhee lɔga Tumu ngashigɛoyoye, a ngaya erroa gɛnyɛ ngaanɛoyoye.”

Yohanis 8:47 ပူးပေါင်းရင်းမြစ်များ

Yohanis 12:48

Nɔng hirre marrany anye na lɔga ganyu ngahinnoye, hira ale kedhdho lɔga gɛnyɛ ihe. Yɔk ngalɔkta gany bere koyokkonde rɛ a gee ale ujjukkanɛ nɔng kala ale wurtuneye.

Yohanis 18:37

Na nɔng Bhilatos sɛɛsɛ, “Yee! Noo, dhaa ani Komoru!” Na nɔng yagɛsɛ na sɛɛsɛ, “Ee! Nɔng ngaya sennagɛany Komoruye, seni shɛɛ chi. Nɔng anye bhee bere kìrrittonɛany na kugunɛ baye, kèe kɔ̀ɔbhɛsɛ zugo kumulɔng lɔga ku dhere. Na gee hinnɛ lɔga ku dhereye kumulɔng, lɔga koyokkoni :anyo shikkɛyɔ.”

Yohanis 5:25

A challi. Ga shigi shɛɛ! Kolea ale shigɛa :zuga rɛsɛa lɔga yokkono :Eriya Tumu ale kundɔ. Na chɔɔ ngakoleonu a mɛa toye rɛ. Na gee ale shikkɛye bassɛyɔ.

Yohanis 6:65

Na tɔrɛ sɛgɛn na sɛɛsɛ, “Ngaya a bhee wa kesennagɛung, ‘Inde kun bhɛa nanuye a hira lammana :Babaa Nanu sɔngge.’”

Yohanis 8:37

Nɔng bhɛa anɛo ashaa Awurahami kaggaunggɔ. Na nɔng igge anno ngagiya ɛllo kɔk na senno indonyu ke ngaya marɛo lɔga ganyuye.

Yohanis 8:43

Na bhee lɔga koyokkoni ngaungusɛɛnooye, a ore? A ngaya lɔga koyokkoni :anyo marɛo na ngashigɛoyoye.

Yohanis 8:45

Na nɔng igge anye ngayɛbhbhanyuo ke ngaya koyokkonɛ lɔga ku dhereye.

1 Yohanis 3:10

Yɔk zukte lɔga challa ngamessɛo na zuga yɛbhbhɛa kamannaa Yesusi kari hinisi ngaibhɛsɛnɛoye kumulɔng, erroa Tumu ngayo. Nganda a bhee kàggaɛ erroa Tumu ko ga Moldoyny bhɛa ɛlɛa bhiy bhiyye.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

2 Yohanis 1:9

Yɔk zukte sɛchchɛ lɔga Yesusi na tɔrɛ ga sabbiya gɛ na lɔga bere madhinɛnɛa :nɛa ngamessɛo na mɛdhdhanɛoye kumulɔng, bhee ɛlɛ ko Tumu kari ke dhɔnɛ ninggɛ. Na yɔk gee ngani messɛ lɔga gɛnyɛ na mɛdhdhanɛye, ɛl ko Baba Na Tumu ko Eriya Nɛnɛ Yesus kari ke dhɔnɛ.

3 Yohanis 1:11

Na mɛa dehunya nanu, inye me lɔga challa sɔng na gee ku kuhuye ngaorroni na mesi. Yɔk zukte messɛ lɔga challaye kumulɔng a erroa Tumu. Na yɔk gee messɛ lɔga ku kuhuye agga imaggɛa Tumu.