Yohanis 8:44 - Suri Latin

⁴⁴ Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

Yohanis 8:44 ပူးပေါင်းရင်းမြစ်များ

Lɔgɔ Sabba 3:15

Na inye ko ngatɛrita ale annɛno mirɔkɔn. Na ko nɔng ashaya nunu ko na nɛnɛ ale annɛ mirɔkɔn. Na nɔng ale rɔnyiny sabbaa nunu. Na inye ale ngɛti tiinyoya nɛnɛ.

Matiyos 12:34

Ngahoyaa kurmusinyanyde, na igge hunde anno ngagiya ku kuhuyagaye go, anda lɔga challa yokkono ɛnɛng? Anye bhee kesennagɛung ngangaye, a ngaya lɔga lɔmma :hiriyɔ kɛngɔ, koo dhininyanɛ na yokkonɛ tugɔye.

Matiyos 13:15

Anye bhee kesenɛ ngangaye, a ngaya ngazukta sabbiya gɛ anɛ dhandaliye. Yɔk nyabhaa gɛ bho ngashikkɛo, na tumudhdhɛ kawarɛ. Na yɔk hunde nganga ngamessɛ, anda orrɛ lɔgɔ kawarre, na shikkɛ nyabha na ungusɛsɛnɛ hinisiye na wokkonɛ gɔra nanu, na kibbaysiyɔ.’

Matiyos 13:38

Na gu ɛlɛhɛn ba kumulɔng. Na ngaduguya chalde ɛlɛhɛnnɛ zuga lɔmma :Tumu. Na shuroy ɛlɛhɛn zuga allinɛnɛa :Moldoyɔ,

Yohanis 6:70

Na Yesus yagɛsɛ na sɛɛsɛ, “Igge bhɛa anɛo tɔmmɔn ko ramman bere kɛbɛrranungu :anyo. Na nɔng mɛa bhɛa nu kona a Moldoy.”

Yohanis 7:17

Na hunde lɔ hirre se keme lɔga hinno :Tumu na kurrugɛsɛye, ale gayɔ hunde ngalɔkta kamadhɛsɛn zugoye agga bere ajjanyi :Tumu oo hunde agga sabbaa nanuye.

Yohanis 8:38

Yɔk ngalɔkta koyokkogungge agga bere korroni huna kɛllo ko Baba nanu. Na ko igge messo lɔga bere shikkano bhɛa babaa nu.”

Yohanis 8:41

Nɔng igge anno ngagiya messo lɔga messo :babaa nuye chi.” Na yɔk tamara na seyɛsɛ, “Ay, agge nɔng irrichchaga ngakannoo! Baba nayo a :Tumu dhɔnɛnɛ!”

Yohanis 8:55

Igge anno zuga imaggo nɔng, na nɔng anye kaggayɔ. Na chɔɔ ko hunde kèse ‘Anye kimagiyɔ,’ ngangaye, ketewa butogi hunde nuye. Na nɔng anye kaggayɔ na kɛbhɛgi lɔga gɛnyɛ.

Zuga Kèkko 13:10

na sɛɛsɛ, “Inye ani eriya Moldoyny na ani mirogiya lɔga ku dhere kumulɔng. Na lɔmi kuhuyamo na tabi zugo goore. Na ngalɔkta liyɛ ganggua Komoruyny iho dibte ngadhɔyiyo kɛ ɔng?

Zuga Kèkko 24:9

Na yɔk zuga Ayhudhi shiktɛ kumulɔng na se, “Ngalɔkta yokkonoye kumulɔng a dhere.”

Zuga Kèkko 5:3

Na koo sɛɛsɛ ꞉Betirosi, “Hananiyaye, wa tɔlɔ ɔng igomɛsɛu Moldoy na kɔbhɔdh hinisa nunu na tab Kuloya Tumu na birinyaa bɔɔ tallano ba gen ullugunyde?

2 Betiros 2:4

Anye bhee kesenɛ ngangaye a ore go, chɔɔ Tumu zuga tumony ekko :nɛa, huna bere messɛa lɔga gɛrsa, annaa ngani kichirbhisiwao. Na ibhbhana na ujjugɛsɛna bolkua bo hɔrra iho tirr toye. Na ko mɛa ngani ɛl ngonu ko bhee ale anɛ kala kedhdhɛa :nɛa lɔga gɛ na attɛɛ.

1 Yohanis 1:8

Na ko hunde kèse, “Agge ridhing ninggɛnniyɔ,” nɔng kìtabh rɛhiya ga na chɔɔ lɔga ku dhere bhɛa na dhaa ninggɛ dhul.

1 Yohanis 2:21

Nɔng anye bhee kɔgɔdhdhagɛung ngalɔktaye, ke bhɛa imagɛo lɔga ku dhere ngayo. Kɔgɔdhdhagung ke ngaya gayɛo lɔga ku dhere ko bhɛa lɔga ku dhere ko ga ku butomo anɛ ga imaginɛnɛaye.

1 Yohanis 2:4

Nɔng inde se, “Anye Tumu kaggayɔ,” na lɔga ajjɛa :Tumu ngamessoye, a butogi na lɔga Tumu ku dhere bhɛa nɛnɛ ninggɛ.

1 Yohanis 3:12

Nɔng Kayel bere anna eriya Moldoyny na koo nisso gɔynɛ. Na igge maya damiya bere nɛnɛ ngamessoo. Na ngangaye gɔynɛ bere nisɛ lɔk giyong? Bere nisso ke ngaya nɔng anɛ hira messo kuhuyamo na gɔynɛ Abel anɛ hira messo lɔga challa ridhing ningginɛnaye.

1 Yohanis 3:15

Nɔng hirre mar hira yɛbhbha Yesus konaye, a hira kɔdhdha hiri. Na chɔɔ igge gaoyɔ hunde hira kɔdhdha hiri anna basseya iho dhul ngani kɔtɔlɔmaoye.

Yihudha 1:6

Na ga kàtta zuga ekko :Tumu bere irranɛa nɔng. Yɔk annaa bere dhɔttɛa buyna ajjɛa :nɛa ko hana gɛ bhakkɛa. Na koo chibbo :Tumu dhul ko kingi na ojjo mugurɔ ko bhee ale anɛ kala bo kedhdhɛa lɔga zugony kumulɔng.