Yohanis 7:39 - Suri Latin

³⁹ Nɔng Yesus dha bere hunde se ngangaye, dhugunɛsɛn zugo lɔga Kuloya Tumu, ale kàjjɛa zuga yɛbhbhɛa nɔng. Na dha bere ngakoleonu Tumu Kuloya nɛnɛ zugo ngani kaynɛo, ke ngaya kolea Tumu ajjɛa Yesus diram ngani keteyɛoye.

Yohanis 7:39 ပူးပေါင်းရင်းမြစ်များ

Matiyos 16:14

Na yɔk yaktɛsɛ na seyɛsɛ, “Gena sennɛ a Yohanisa Churro Zugo. Gena sennɛ a Eliyas. Gena sennɛ a Ermiyas oo zuga bere yogɛsɛnɛa zugo lɔga dhugunono :Tumu kona.”

Matiyos 21:11

Na zugaa bo mɛra dhɛanɛa ko nɔng yaktɛsɛ na seyɛsɛ, “Nganda a Yesus, hira yogɛsɛna zugo lɔga dhugunono :Tumu bere chillana baa Gelila ɔra kèe Naziret.”

Yohanis 1:21

Na yɔk ghini sɛgɛn na seyɛsɛ, “Na inye ani hir inong? Ani Eliyas dha?” Na nɔng yagɛsɛ na sɛɛsɛ, “Ngakaniyo.” Na ghini sɛgɛn na seyɛsɛ, “Na ani hira yogɛsɛni zugo lɔga dhugunono :Tumu bere kènno ale kuni ka?” Na nɔng sɛɛsɛ, “Ngakaniyo!”

Yohanis 12:16

Yɔk zuga kɔbhbhɛa nɔng dha bere sabbɔ hunde ngalɔkta kɔ̀gɔdhdhɛsɛn dadabte agga Yesusi na chɔɔ zugo nganga mesɛsɛnɛ nɔngge, ngani kutunggɛsɛo. Na koo ungusɛɛnɛ na kadhdhanɛ halɛ hunaa aleo Yesus banaa rɛsɛyɔ na tɔlɔma dirambe.

Yohanis 12:23

Na Yesus yagɛsɛ na sɛɛsɛ, “Kolea kènno Hiri Hoynɛ kɔtɔlɔmɛ diram mɛa te ja.

Yohanis 14:13

Na lɔkte ogollo bhɛa Tumu sara ganyuye kumulɔng, anye ale kurrugɛsɛn ke ngaya Eriya Tumu kèe kɔdhɔngɛ Chɔgɔnɛ na kɔtɔlɔmɛ dirambe.

Yohanis 14:26

Nɔng Baba nanu ale ittonnogung Kuloya Nɛnɛ sara ganyu. Na ngakuloytonu anna Irishshongngu igge. Na ale madhdhagung lɔgɔ kumulɔng na chɔɔ bhɛsseung sabbi na kadhdhano lɔga bere koyokkogungu kumulɔng.

Yohanis 16:14

Na ale shikkana lɔga ganyu na yokkogung igge. Na hunde me ngangaye, ajjany diram.

Yohanis 16:7

Na nɔng mɛa ga shigitɔ! Nɔng anye ngaya keni kɔ̀gɛye, bhɛa nu a challi. Nɔng hunde ngakɔgɔyoye, bhee ale kunɛ :Hira Irishshongngu ninggɛ. Na nɔng hunde kokkaye, ale kekkon nɔng na assanunggɔ.

Yohanis 17:1

Na Yesus hunaa yogoa ngalɔkta na tewa ushaye, dhɔngu kawarɛ tumɔ na alliyɛ ko Tumu na seu, “Babaye! Mɛa kole dhuyɛ. Na mɛa aynɛ Eriya nunu diram na ko nɔng kɔdhɔnginy na kainy diram

Yohanis 17:5

Na mɛa Babaye, hunde ngani kɛ̀l kari ngayaye, dhɔngany na any diram damiya bere kɔlɔmɛi sabbɔ huna ba ko tumu ngani kètegenydoayo.

Yohanis 20:22

Na hunaa yogoa ngalɔkta na tewa ushaye, hɔngɛsɛ na sɛɛsɛ, “Tɔlɔmɔ Kuloya Tumu.

Yohanis 6:14

Na hunaa zugo orrɛa ngalɔkta bu barar me :Yesusiye, iwachiyɛ na se, “Kèe dhaa nganda a hira bere sennɛa ale kun na yogɛsɛn zugo lɔga dhugunono :Tumu ba kumulɔng dhere chi.”

Yohanis 7:12

Na bhɛa zuga ɛlla ngonu, gena bere mɛzziyɛa lɔga gɛnyɛ hɛhɛyɔ na sennɛa, “Ngahirra a hira challa!” Na gena sennɛa, “Ay, a gɛrsi! Nɔng itabh zugo.”

Yohanis 8:54

Na nɔng yagɛsɛ na sɛɛsɛ, “Anye hunde kɔ̀dhɔng rɛa nanu na kaynɛ diram, bhee ku hologun ninggɛ. Na nɔng ngahirra dhɔngngo :iggeu na senno ‘A Tumua nayoye’ a Babaye nany ajjany dirambe rɛ.

Zuga Kèkko 19:2

Na ghinu na sɛɛsɛ, “Huna bere yɛbhbhano Yesus, Kuloya Tumu bere ɔgaungngɔ?” Na yɔk seyɛsɛ, “Agge chɔɔ Kuloya Tumu hunde iheye, ngani kìshiktoyo.”

Zuga Kèkko 2:17

“ ‘Tumu se nganga, Unga ale wurtune Kuloya nanu ale kajjɛ zugo kumulɔng. Na erroa gu maya ko ga ngaha yogɛsɛnɛ zugo lɔga koyokkoni ꞉anyo. Na karua gu ale orrɛ lɔga kajjɛi ꞉anyo huna kunauny. Na bara gu kunasɛɛnɛ lɔga kajjɛi ꞉anyo.

Zuga Kèkko 2:33

Na nɔng annaa kàytɛa tumɔ na tɛwa bhɛa Tumu sɛtɛn. Na aynɛ ꞉Tumu Kuloya Nɛnɛ damiya bere bhiigɛsɛna lɔgɔ na ko nɔng Yesus ayiy agge. Na ngalɔktonu a ngagiya shikkano nyabha na orrono kawarreye.

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 2:4

Na yɔk ɔgɛsɛ ꞉Kuloya Tumu kumulɔng. Na aynɛ yɔk bhɛa mɛzziyɛa tugiya imaggɛa na mɛzzi bhiy bhiy.

Zuga Kèkko 3:13

Nɔng Komoruya kokonginyaa ga bere Awurahami ko Isaki ko Yaykobi Tumu nɔng dhɔngu hoynɛ Yesus. Na nɔng igge ibhtao na ayɛo Bhilatos na kertɔ. Na chɔɔ Bhilatos huna senno kɔga, igge kɛnggao na tamarto.

Zuga Kèkko 4:31

Na hunaa alliyɛa ko Tumu na tewa ushaye, bhɛa muginɛnɛa ba chukɛɛ. Na yɔk aynɛ ꞉Kuloya Tumu gidhdhing kumulɔng na bho ngani ngaɛngɛrsɛo na yokto lɔga Tumu dhɛ dhɛ.