Yohanis 7:35 - Suri Latin

³⁵ Na yɔk gulsachina Ayhudhi koo mɛzzi kɛngɔ na se, “Na mɛa dha ngahirra gɔrre se kɔgɛ na agge ngakɔjɔanɛye a ore? Dha se kok oriya bere bhasanyɛsɛnɛa :zuga ga bhakkɛa ko zuga Giriki kari na kamadh zuga Giriki ka?

Yohanis 7:35 ပူးပေါင်းရင်းမြစ်များ

Matiyos 12:21

Na bhorinya kumulɔng ale iddirnɛnɛ sara gɛnyɛ.”

Yohanis 12:20

Yɔk bhɛa ngazuktonu bere hɛ Yerusalemɔ na kɔgɔndɛsɛ Tumu kɔmma kala gibirinyde, gena bere anna zuga Giriki.

Yohanis 7:1

Na hunaa Yesus mɛzziya ko zugo na tewa ushaye, nɔng tɔu baa Gelila ngonu sɔng na bhokkonnɔ ngani ngakɔyo. Na bhɛa senno kɔtɔyɛ baa Yudha ngani ngahinno ke ngaya hinɛsɛnɛ :gulsachina Ayhudhi rɛsɛye.

Yohanis 8:22

Na zuga Ayhudhi mɛzzi kɛngɔ na se, “Na ngaya senɛ, ‘Gɔrre kɔgɔɛ :anyoye, bhee hɛyɛo :iggeu, ninggɛye,’ dha a bhɛa senno keseɛ ɛnɛng? Na dha se kɔgɔn rɛ ka?”

Zuga Kèkko 11:18

Na zugo hunaa shikkɛa ngalɔktaye, rɛgɛ ꞉lɔkku. Na eterrisana Tumu na se, “Na mɛa kèe Tumu wa aynɛa zuga bhora anaa bhɛa ujjugɛa lɔga gɛ gɛrsa na kawakta gɔra nɛnɛ na kɔjɔya basseya iho dhul.”

Zuga Kèkko 11:20

Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 14:1

Na hunaa Bhaulos ko Barnabas ɛlla Ikoniyomɔye, banda na ago doraa madhinɛnɛa zuga Ayhudhi lɔga Tumu damiya bɔɔ messɛa Ansokiyaa iho Bisidhagiye. Na madhtɛsɛ zugo kamannaa Yesusi na kɔbhtɛsɛ ko bhee gaɛ shɛɛ. Na zuga Ayhudhi ko bhorinya gen ga mɛra yɛbhɛyɛ.

Zuga Kèkko 17:4

Na zugaa Ayhudhi shikkɛa ngalɔktonu gen yɛbhɛ na tɔrtɛ ko Bhaulos ko Silasi. Na ko yɔk zuga Giriki yɛbhbhɛa Tumu ko tɛrroa gulsachinaa orony ga bo mɛra yɛbhɛ ngalɔkta na tɔrtɛ ko yɔk kari.

Zuga Kèkko 18:4

Na Kala Ayawsuny tii tii nɔng kɔ doraa madhinɛnɛa zuga Ayhudhi lɔga Tumu na madhɛsɛn zuga Ayhudhi ko ga Giriki lɔga Yesusi na kɔbhɛsɛn shɛɛ na ko yɔk kɛyɛbhɛtɔ.

Zuga Kèkko 21:21

Na yɔk shigi lɔkte dha bɔɔ se madhɛsɛn zuga Ayhudhi bhakkɛa ko bhorinyaa anaa kumulɔng na kɔdhɔyɔ Damiya Tumu bere kàjjɛa Muse na erroa gɛ rɛhiya maya ngakedhdhɛ na kera na ngabhɛkkɛye.

Zuga Kèkko 22:21

“Na hunaa kesɛɛsɛu ngangaye, nɔng Komoru seagany, ‘Keni kèginy surr rɛna bhɛa bhorinyaa anaa. Na bana ogo.’”

1 Timotiyos 2:7

Na ngagiya a lɔkte bere kìbhbhanɛany anye na kàjjɛany buyna koyogɛsɛni zugo kamannaa challa na kòjjɛany ke hira ekonyi :Yesusi, kamadhɛsɛni bhorinyaa anaa bhɛa kɛ̀yɛbhɛa kamannaa challa ku dhere dibte. Nɔng anye koyokkon lɔga ku dhere, butomo ngakɛmɛzziiyo.

2 Timotiyos 1:11

Na chɔɔ ko anye annaa bere kɛ̀bɛrtaanyɔ na ketewa hira kɔɔbhɛsɛni zugo lɔgɔ ko na kèkkonyi na kamadhɛsɛni zugo ngakamannaya chalde.

Yaykob 1:1

Ngadadabta kɔgɔdhdhagung :anyo Yaykobi, hira kagayi Tumu ko Komoru Yesus Kirisos. Na kittonnogung igge, ngagettoya ku 12 bere bhassanyɛsɛno ba kumulɔngge. Na kissaunggɔ, anno challi hung?