Yohanis 7:33 - Suri Latin

³³ Na nɔng Yesus sɛɛsɛ zugo, “Anye ale kɛllana ko igge kari bhe chinyi na kɔgɔ bhɛa Tumu, hira bere ekkononyi.

Yohanis 7:33 ပူးပေါင်းရင်းမြစ်များ

Markos 16:19

Na Komoru Yesus hunaa yogɛsɛa ngalɔkta na tewa ushaye, kàytɛ tumɔ na koo tɛu bay bhɛa Tumu sɛtɛn.

Yohanis 13:1

Na huna bere unga Gibiriya Basika dhɔynɛna dhɔnɛɔ, nɔng Yesus bere ɛlla ko zuga kɔbhbhɛa nɔng kari. Na dha bere nɔng gayɔ hunde kolea senno kɔdhɔyɛ ngabaya na kɔgɛ bhɛa Babaa nɛnɛ i jaaye. Na a bhee bere ibhɛsɛn zuga gɛnyɛ kɔbhbhɛa nɔng bhakkɛa ba hini na yelɛ gooreye.

Yohanis 13:3

Na Yesus nɔng hunde a hira ajjɛa :Babaa nɛnɛ buyna lɔkkuny kumulɔng na kunno bhɛa Babaa nɛnɛ na ale wokko sɛgɛnde, dha bere gayɔ.

Yohanis 13:33

“Na mɛa erroa ganyuye, anye bhee kɛlɛ ko igge dirr ninggɛ. Nɔng igge ale lameonyuyɔ. Na damiya bere kesenɛsɛni gulsachina Ayhudhi, mɛa ko igge kesennagung ɛnɛnggeo, ‘Gɔrre ale kɔgɔɛ :anyoye, bhee hɛyɛo :iggeu, ninggɛ.’

Yohanis 14:12

A challi, ga shigitɔ! Inde yɛbhbhany anyeye, ko nɔng ale me lɔkte kemesi :anyoye. Na chɔɔ ale me ga jorronɛa ngagiya kemesi :anyoye ke ngaya anye ale kɔgɔɛ bhɛa Babaa nanuye.

Yohanis 14:19

Nɔng anye ale kihon ungge muchugi na zuga marrɛa Tumu sɛgɛn ngaorronynyɛo dhul ko kingi. Na nɔng igge ale orronyu sɛgɛn. Na ko igge ale ɛllo basseyɔ ke ngaya anye kihɛ basseyɔye.

Yohanis 14:28

“Yɔk ngalɔkta wa koyokkogung na kesennagung, ‘Nɔng anye ale kɔgɔ na kowokkon na kassanungge’ annaa shikto. Igge hunde te zuga ibhbhaganyu hinisi dhere, anda ngaya keni kɔ̀gɛ bhɛa Babaa nanuye hinisiya gu a hɔli ke ngaya Baba nanu anɛ na jorrononyi anyeye.

Yohanis 16:10

Na sɛgɛn bhee ale dhugunɛsɛn bhɛa imagɛa hira ridhing ningginɛnaye, a ngaya anye ale kɔgɔɛ bhɛa Babaa Nanu na igge sɛgɛn ngaorrɛanyuoye.

Yohanis 16:28

Nɔng anye annaa bere kabansani bhɛa ihɛa Babaa nanu na kuguni chɔɔ ba. Na mɛa ale kɔdhɔyi ba na kowogi bhɛa Babaa nanu sɛgɛn.”

Yohanis 16:5

“Nɔng mɛa anye keni kòk bhɛa hira bere ekkononyi, na chɔɔ bhɛa nu hirre ghinnony na sennagany, ‘Kɔ ori?’ ninggɛ.

Yohanis 17:11

Nɔng mɛa anye ale kokka na kassainyɔ inye. Bay gɔrra dirr ale ngani ngakihiyo. Na yɔk zuga ganyu ale ngani bhakkɛ ba gɔrra. Na mɛa Baba Nanu Kullɛna Ridhing Ninggɛninyiye, bhɛk yɔk shɛɛ barartina sara gunyu bere ajjanyi anye, na ko yɔk kete dhɔnɛ ngadamita naye.

Yohanis 17:13

“Nɔng mɛa anye kani nganda keni kòk na kàssainy inyeye. Na nɔng bhee koyokkogɛiny ngalɔkta hunde ngani kihi bay gɔrraye, a ngaya keni ngazukta ganyde keteɛ ga bo hinisi hɔla hunde nande.

Yohanis 20:17

Na sɛɛsɛ :Yesusi, “Ga ngaibhbhonyi ke ngaya mɛa bhɛa Babaa nanu ngani kàbanɛo na kɔ̀gɛoye. Na nɔng mɛa ga ok na yogɛsɛ gochonginyaa ganyu na sɛɛsɛ, ‘Wa seaganyɔ, “Mɛa anye kani nganda kabansi na kɔgɔ bhɛa Babaa nanu ko naa nuye, ko bhɛa Tumu Komoruya nanu ko naa nuye.”’”

Yohanis 9:4

Na mɛa hunde bho ngani a kaliye agge maya kème lɔga hira bere ekkononyi. Nɔng bho kɔrrɔyna chɔɔ hirre dhɔnɛ zinggo ngamessɛayo ale kundɔ.