Yohanis 7:29 - Suri Latin

²⁹ Anye nɔng kaggayɔ, ke ngaya kɛlɛo kari na ekkonɛany na kugunɛye.”

Yohanis 7:29 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Yohanis 1:18

Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.

Yohanis 10:15

damiya kagganɛnɛo ko Baba nanu Tumu. Na kɛbhɛgi shɛɛ na chɔɔ kɛrɛsɛ yɔk.

Yohanis 13:3

Na Yesus nɔng hunde a hira ajjɛa :Babaa nɛnɛ buyna lɔkkuny kumulɔng na kunno bhɛa Babaa nɛnɛ na ale wokko sɛgɛnde, dha bere gayɔ.

Yohanis 17:18

Na damiya bere ekkonɛanyi :inyo ba gɔrra, ko anye wa kibhau yɔk na kekka ba kumulɔng.

Yohanis 6:46

Nɔng hirre bere or Baba Nanu Tumu ninggɛ dhul. Nɔng inde bere or nɔngge a :hira bere kunno bhɛa nɛnɛ sɔng. Kona ngani karro dhul.

Yohanis 8:55

Igge anno zuga imaggo nɔng, na nɔng anye kaggayɔ. Na chɔɔ ko hunde kèse ‘Anye kimagiyɔ,’ ngangaye, ketewa butogi hunde nuye. Na nɔng anye kaggayɔ na kɛbhɛgi lɔga gɛnyɛ.

1 Yohanis 1:2

Nɔng ngahirra ku basseyte annaa bere ɛlla ko Baba Na Tumu na koo kowa ba na dhɔlagiyɔ rɛ na karto. Na mɛa agge kɔ̀ɔbhbhagung lɔga gɛnyɛ bere korrono kawarre na kùdhugunnogung bhɛa nɔng anɛa basseya iho dhul.

1 Yohanis 4:14

Na chɔɔ nɔng huna bere ibhbhana Eriya Nɛnɛ na ittonnono ba na kibbaysi zugo kumulɔng, agge bere kàrto kawarre na aynde kɔɔbhɛsɛno zugo ngalɔktaye.

1 Yohanis 4:9

Nɔng bhee bere dhugunnogɛiy :Tumu bhɛa ibhbhagɛiy hiniye, a ngaya bere ibhbhanɛ Eriya Nɛnɛ dhɔnɛna na ittonnonɛ ba na kɔ̀jɔyayɛy :aggeu basseya iho dhul bhɛa nɛnɛye.