Yohanis 7:28 - Suri Latin

²⁸ Na Yesus hunaa ngani madhdha zugo doraa Tumu barara tu kɛngɔye, koo yogo lɔgɔ goore na seu, “Anye hunde kani hir inong na bere kichillan oriye, igge gaoyɔ. Nɔng anye sabbaa nanu bhichang ngani kèseayo na kùgoo. Hira bere ekkononyi anye ihe. Nɔng anna ku dhere na igge imaggoyɔ.

Yohanis 7:28 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Matiyos 2:23

Na koo ogo chɔɔ ɔrre kèe Naziret na bhagu ngoonu. Na lɔga dha bere yokkonɛa :zuga yogɛsɛnɛa zugo lɔga dhugunono :Tumu sennɛa, “Nɔng ale elɛɛ :zugu hira Nazireti,” urruknyɛsɛ.

Matiyos 26:55

Na koo Yesus sɛɛsɛ ngazuktonu bu mɛrte, “Na ngangaye wa lɔgɔndao mashachina ko lurginya na muktiyao na ibhtonyu huna hira kani chimtay? Anye nɔng annaa taa kihi tu kɛnga doraa Tumu barara bay na kamadhi zugo, na igge ngani ibhtonyuo.

Yohanis 1:46

Na Natinayel seu, “Anda lɔkte challi Naziretɔ honydɔ?” Na Bhilibhos yagɛsɛ na sɛɛsɛ, “Ga, wo na artɔ!”

Yohanis 12:49

Anye huna bere koyogɛsɛni zugo lɔgɔ, ga sabbaa nanu ngani kòyogɛsɛo. Bere koyogɛsɛni ga ajjanyi :Babaa nanu ekkononyi sɔng. Na ngalɔktonu hunde a lɔk giyong na kèe kòyogɛsɛ ɛnɛngge bere madhdhaganyi :nɛa na ajjanyiyɔ.

Yohanis 14:10

Ngangaye hunde anye ko Baba nanu kanno dhɔnɛye, inye ngayɛbhiyo? Yɔk ngalɔkta koyokkogung :anyoye ga sabbaa nanu ngayo. Agga messo :Babaa nanu. Nɔng chɔɔ a nganda mɛa kɛllo ko anye kari, na ngani me lɔga gɛnyɛye.

Yohanis 14:31

Nɔng anye kemesi lɔga bere ajjanyi :Babaa nanu na kurrugɛsɛn dib ke ngaya keni zuga bhakkɛa ba kumulɔng kataktɛ bhɛa kibhɛsɛni Baba Nanu hini dhereye. “Mɛa banda kago!”

Yohanis 16:3

Nɔng bhee ale messɛungɛ ngangaye, a ngaya imaggɛanyɛ anye oo Baba nanuye.

Yohanis 17:25

“Baba nanu Ridhing Ninggɛninyiye, nɔng inye ko hunde zuga bhakkɛa ba kumulɔng ngagainyɛ, anye kaggainydɔ. Na chɔɔ ko yɔk ngazukta bere ajjanyde, gaɛyɔ hunde bere ekkonony :inyoye.

Yohanis 17:3

Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 3:33

Na hunde hir kona tɛhɛnu ngalɔkta yokkono :ngahirra kun tumɔye, ngangaye dhugunnono bhɛa Tumu anɛa dhere dib.

Yohanis 5:32

Na nɔng hira kɔbhɛsɛna zugo lɔga ganyu kona ihe. Na chɔɔ ngalɔkta gany kɔbhɛsɛn :nɛa zugoye hunde a dhereye, anye kaggayɔ.

Yohanis 5:43

Anye annaa bɔɔ ajjanyi :Babaa Nanu buyn na ekkononyi bhɛa nu, na igge tamartanyu. Na nɔng hunde hir kona kɔtɔlɔma buyna sabbaa nɛnɛ na kugo bhɛa nu, yɛbhbho ngahung.

Yohanis 6:42

Na se, “Nganda ngaanno eriya jɔnɛ ko chɔgɔnɛ kàggaa? Ngaanno eriya Yosebi kèe Yesus? Na nɔng dha, ‘Anye bere kuguni tumɔ,’ se ke ore?”

Yohanis 7:14

Na Yesus hunaa saniwa Yerusalemɔ ungo wush na tewa ushaye, koo ogu doraa Tumu barara tu kɛngɔ na madhu zugo.

Yohanis 8:14

Na nɔng Yesus yagɛsɛ na sɛɛsɛ, “Anye ko hunde chɔɔ kɔ̀ɔbhagung lɔga sabbaa nanu, ngalɔkta kɔɔbhbhagungge a dhere ke ngaya anye kaggaɛ bhɛa bere kugunɛi ko bhee ale kɔgɔyɛye. Nɔng anye hunde bere kuguni ori na ale kɔgɔ oriye, igge imaggo dhul.

Yohanis 8:16

Na chɔɔ ko hunde anye kègen lɔga zugony na kùjjuga, lɔga ganyu a dhere ke ngaya kɛlɛo ko Baba nanu bere ekkononyi na bhichang ngakihɛoye.

Yohanis 8:19

Na yɔk ghini na seyɛsɛ, “Na chogonuye nunde i ori?” Na nɔng yagɛsɛ na sɛɛsɛ, “Anye ko Baba nanu igge ngagayiyyo. Nɔng hunde bɔɔ taktanyu anye, ko nɔng Baba nanu anda bɔɔ takto.”

Yohanis 8:26

Yɔk lɔkte kɔlɔmi :anyo na keni kòyogogung na kùjjugayɛungge a mɛri. Na nɔng hira bere ekkononyi a hira yokkono lɔga ku dhere. Na lɔga bere kishikkani bhɛa nɛnɛ, anye mɛa koyogɛsɛn zuga bhakkɛa ba kumulɔng.”

Yohanis 8:42

Na sɛɛsɛ :Yesusi, “Hunde Tumu kete Baba nu, anda ibhbhaganyu hinisi, ke ngaya bere kugunɛ bhɛa nɛnɛ na mɛa kihɛ ngayaye. Anye bere ekkononyi :nɛa. Sabbaa nanu ngani kèseayo na kùgoo.

Yohanis 9:29

Nɔng Tumu huna bere mɛzzinɛna ko Muse, kaggaoyɔ. Na nɔng ngahirra hunde kun oriye, agge kimaggoyɔ.”

Zuga Kèkko 17:23

Chɔɔ bare kowoyɛi ɔra nu toye, na kugunyi ngawunyaa uddulɛsɛna tumoa gu go. Na ngawu konnɔ karra lɔkte sennɛ, ‘Ngaya a ngawua kùddulɛsɛna Tumua Kìmaga go.’ Na mɛa ngatumuya imaggo na eterrisannoye keni kùdhugunogung lɔga gɛnyɛ na tagatɔ.

Tito 1:2

Na hunde yɛbhɛ ngakamannaya ku dhere na bhɛgɛ shɛɛye, ibhɛsɛnɛ lɔga ale jɔanɛa basseya iho dhul hinisi damiya bere ɛsɛdhdhanɛa :Tumu sabbaa nɛnɛ huna chɔɔ ba ngani kètegenyoayo. Yɔk ngalɔkta hunde a dhereye, kàggayɔ ke ngaya Tumu butomo ngameziyɛoye.

1 Yohanis 5:10

Nɔng inde yɛbh bhɛa Yesus anɛa Eriya Tumuye, ngalɔkta bere dhugunɛsɛn :Tumuye gayɔ hunde a dhereye, na lɔ hinisɔ. Na nɔng inde Tumu ngayɛbhbhoye, a hira ojjo Tumu ke butogi ke ngaya lɔga Yesusi dhugunnono :Tumu ngayɛbhɛoye.