Yohanis 7:26 - Suri Latin

²⁶ Nɔng mɛa a nganda yokkono lɔgɔ bhɛa sɛrɔ ɔdhdha na chɔɔ ngazuktonu nɔng hun kona ngani keseyɛsɛoye. Na gulsachina hunde a ngagiya gunynyɛ dhɛɛye, yɔk dha sennɛ a Kirisos dhere ka?

Yohanis 7:26 ပူးပေါင်းရင်းမြစ်များ

Matiyos 22:16

Na koo ibhta zuga kɔbhbhɛa yɔk ko bara Herediosi na ekto chɔɔ bhɛa Yesusi na ghini na seyɛsɛ, “Hira madhdhiy, nɔng agge kàggainydɔ hunde ani hira yogi lɔga ku dhere na madhɛsɛni zugo ganggua lɔga Tumu dhereye. Na chɔɔ inye lɔga yokkɛinyɛa :zugu ngatɔgiyo ke ngaya zugo gunyɛ kawariya dhɔnɛnaye.

Yohanis 12:42

Na chɔɔ ko hunde kete nganga, yɔk gulsachina Ayhudhi ga bo mɛra dha bere yɛbhbhɛ Yesus na zugo ngayogɛsɛnɛo ke ngaya ɛngɛrsɛ zuga kɔbhbhɛa damiya Bhɛrɛsiye. Yɔk se kako ale obhonisɛɛ doraa madhinɛnɛa zuga Ayhudhi lɔga Tumu na chukkɛyɔ.

Yohanis 18:20

Na nɔng Yesus yagɛsɛ na sɛɛsɛ, “Anye bere kudhugunɛsɛni zugo kumulɔng lɔgɔ dib bhɛa sɛrɔ ɔdhdha. Na huna taa kamadhi zugo doriyoa madhinɛnɛa zuga Ayhudhi lɔga Tumu ko doraa Tumu barara bhɛa ɛlɛa :zuga Ayhudhi kumulɔng, lɔkte koyogɛsɛn zugo dari, ninggɛ dhul.

Yohanis 3:1

Na bere lɔmma hirre kèe Nikodhimos kɔbh damiya Bhɛrɛsi, na bhɛa gulsachina kedhdhɛa lɔga zuga Ayhudhi, kona a :nɛa.

Yohanis 4:29

“Ga hoya gɔnyigi hirra dhugunnogony lɔga bɔɔ kemesi kumulɔngge! Dha anda a Kirisos ka?”

Yohanis 7:25

Na yɔk zuga Yerusalemi gen se, “Nganda ngayo hira bɔɔ senno kɔgɔdhɔ :gulsachina Ayhudhi rɛ dha?

Yohanis 7:31

Na bhɛa zuga ɛlla ngonu, ga bo mɛra yɛbhɛ nɔng na se, “Hunde Kirisos ale kunde, anda lɔga bo barara jorronɛa ngalɔkta me :ngahirraye, messɔ? Ngamesso.”

Yohanis 7:48

Nɔng agge bhɛa nayo gulsachinuny ko bhɛa zuga gayo kɔbhbhɛa damiya Bhɛrɛsi, inde yɛbh nɔng chɔɔ dhɔnɛ ninggɛ!

Yohanis 9:22

Yɔk chɔgɔnɛ ko jɔnɛ bhee bere senɛ ngangaye, a ngaya ɛngɛrsɛ gulsachina Ayhudhiye. Yɔk zuga Ayhudhi dha bere ojjonɛ lɔgɔ sabbɔ na sennɛ, “Hunde tɔlɔ hirre se, ‘Yesus a Kirisose,’ kùchugu na doraa madhinɛnɛa zuga Ayhudhi lɔga Tumu ngakuni.”

Zuga Kèkko 4:13

Na yɔk hunaa zuga kedhdhɛa lɔgɔ arta Betiros ko Yohanis hunde dhugunnonɛ lɔgɔ dibte, taga hunde a zuga ngani kɛdhɛmisɛayoye na iwachiyɛ. Na katta hunde dha a zuga bere ɛlla ko Yesus kariye.