Yohanis 7:23 - Suri Latin

²³ Na hunde igge anno ngagiya kedhdho erro rɛhiya maya Kala Ayawsuny na bhɛkko damiya bere Muse shɛɛ na ngaɛddɛoyoye, na anye hunde kibbaysi hiri rɛ kumulɔng Kala Ayawsunyde, igge marro kɛ ɔng?

Yohanis 7:23 ပူးပေါင်းရင်းမြစ်များ

Matiyos 12:10

Nɔng ngonu bere lɔmma hirre siyɔ chudhinɛyɔ. Na yɔk zuga kɔbhbhɛa damiya Bhɛrɛsi lami bhɛa senno kichildɛ Yesus na ghini na seyɛsɛ, “Ngangaye, lɔga kìbbaysiyɛa zugo Kala Ayawsuny, Damiya Tumu bere kàjjɛa Muse bere kìgombo oo ngani?”

Matiyos 12:2

Na yɔk zuga kɔbhbhɛa damiya Bhɛrɛsi hunaa orrɛa ngalɔktaye, seyɛsɛ Yesus, “Ga gɔnya! Yɔk zuga kɔbhbhinyɛa inye messɛ lɔga ɛlla Damiya Tumu imaginɛna ko Kala Ayawsuny.”

Matiyos 12:5

Chɔɔ ko yɔk gɔldangɛa doraa Tumu barara a ngagiya messɛ zinggo Kala Ayawsuny, na ke zuga ɛddɛyɛa lɔga kullɛna imaginɛna ko Kala Ayawsuny ngakùgunyoye. Yɔk ngalɔktonu ɛl Damiya Tumu bere Kàjjɛa Muse. Na igge bere ngani toyito?

Yohanis 5:10

na gulsachina Ayhudhi seyɛsɛ ngahirronu wa kìbbaysiye, “Mɛa a Kala Ayawsuny na hayaa nunu ngalɔgɔni ke ngaya damiya na anɛ kullɛye.”

Yohanis 7:21

Na nɔng Yesus sɛɛsɛ, “Anye Kala Ayawsuny annaa bɔɔ kemesi lɔga bo dhandala barara inde ku dhɔnɛ na a nganda iwachinɛno gooreye.

Yohanis 9:16

Na zuga kɔbhbhɛa damiya Bhɛrɛsi gen se, “Ngahirra me ngangaye, hira ekkono :Tumu ngaanno ke ngaya damiya Kala Ayawsuny ngabhɛgɛoye.” Na yɔk gen se, “Na hunde kete hirre me lɔga gɛrsa, anda ngalɔkta bu bararte me ɛnɛng?” Na ɛkkɛnyandɛ na kendɛ kɛngɔ.