Yohanis 6:70 - Suri Latin

⁷⁰ Na Yesus yagɛsɛ na sɛɛsɛ, “Igge bhɛa anɛo tɔmmɔn ko ramman bere kɛbɛrranungu :anyo. Na nɔng mɛa bhɛa nu kona a Moldoy.”

Yohanis 6:70 ပူးပေါင်းရင်းမြစ်များ

Yohanis 13:18

“Yɔk ngalɔkta koyokkonde, ga gu kumulɔng ngayo. Yɔk zuga bere kɛbɛrrani :anyo kaggayɔ. Na yɔk lɔga bere kɔ̀gɔdhdhɛsɛna dadab sennɛa, ‘Hira kumullo tila kari wagagany na te mirogiya nanu’ maya urruknyɛsɛnɛyɔ.

Yohanis 13:2

Na koo jhaynɔ Yesus ko zuga kɔbhbhɛa nɔng hunaa kàbhanyiseo amissɛɔye, nɔng eriya Simona Askorotu kènno Yihudha bere ɛlla kari. Nɔng a hira dha bɔɔ tabhbha :Moldoyɔ na ale kɔgɔdhɛsɛ Yesus mirɔga.

Yohanis 13:21

Na Yesus hunaa sewa nganga na tewa ushaye, munyuu goore na dhugunɛsɛ lɔgɔ dib na sɛɛsɛ, “Ga shigitɔ! Bhɛa nu, kona ale kɔdhdhagany mirɔga.”

Yohanis 13:27

Na Yihudha hunaa ngani kàjjɛa tila ngangaye, tunnugu :Moldoyɔ nga hung. Na sɛɛsɛ :Yesusi, “Lɔkte seni messe, me shaw!”

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 15:19

Igge hunde te zuga marro Tumu dhere, anda yɔk ibhbhagungɛ hinisi huna zuga gɛ. Na nɔng mɛa bhee marrɛungɛ :yɔkkuye, a ngaya bere kɛbɛrranɛung bhɛa nɛ na anɛo zuga ganyuye.

Yohanis 17:12

Anye huna bere kɛllo ko yɔk kari annaa kɛbhɛkka barartina sara gunyu bere ajjanyi kɛr. Na bhɛa zuga bere ajjanyi chɔɔ dhɔnɛ ngani kiggarisiyo dhul. Nɔng inde keninya na garase a eriya ku kuhuyagiya bere kènno kurruknyɛsɛ :lɔga bere kɔ̀gɔdhdhɛsɛna Dadabinyaa Lɔga Gunyu.

Yohanis 2:2

ko Yesus ko zuga kɔbhbhɛa nɔng bere ko yɔk keliyo na ɛlla wolologiye ngonu.

Yohanis 20:24

Na huna bere Yesus assana zugo dorigiye ngonu, bhɛa zuga gɛnyɛ ku tɔmmɔn ko ramman, na kèleo Tomas nɔng bere ningginɛnayɔ. (Nɔng Tomas sara gɛnyɛ gena keli Didimos.)

Yohanis 6:64

Na yɔk bhɛa nu zuga ngalɔkta ngayɛbhbhɛayo gena ɛllɛ.” Nɔng bhee Yesus senɛ ngangaye, a ngaya dha bere sabbɔ gaɛ zukte nɔng ngayɛbhbhɛoye ko inde ale kɔdhdhɛsɛn nɔng mirɔgaye.

Yohanis 6:67

Na nɔng Yesus ghinu zuga bere bɛrrana :nɛa ku tɔmmɔn ko ramman na sɛɛsɛ, “Na ko igge senno dhɔttɛanyuyɔ ka?”

Yohanis 6:71

Nɔng ngaya senɛ ngangaye, dha bere yok lɔga eriya Simona Askorotu kèe Yihudha. Nɔng bhɛa ngazuktonu ku tɔmmɔn ko rammande a hirre ale kɔdhdhɛsɛn Yesus mirɔgaye.

Yohanis 8:44

Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

Zuga Kèkko 1:17

Nɔng Yihudha bere anna hira kɛ̀bɛrrana na kagacha ngalɔkta kari.”

Zuga Kèkko 13:10

na sɛɛsɛ, “Inye ani eriya Moldoyny na ani mirogiya lɔga ku dhere kumulɔng. Na lɔmi kuhuyamo na tabi zugo goore. Na ngalɔkta liyɛ ganggua Komoruyny iho dibte ngadhɔyiyo kɛ ɔng?

1 Timotiyos 3:11

Na ko yɔk tɛrro, maya agga ɛngɛrsɛa :zugu na zugo ngakedhdhɛayo na ojjɛsɛnɛa rɛhi hirimo, na lɔga messɛa :yɔkku kumulɔng yɛbhbhɛa :zugu.

Tito 2:3

Na ko yɔk tɛrroa ku karbaynya madhɛsɛ na siwona dhuttiny ngalɔmmɛ na zugo ngakedhdhɛ na kɛbhɛgɛ lɔga Tumu shɛɛ na kamadha zugo lɔga challa.

1 Yohanis 3:8

Na nɔng inde me lɔga gɛrsaye a eriya Moldoyny ke ngaya Moldoy bere messonɛ lɔga gɛrsa kingi bɛrgua bere ngani kèghendonɛa baye. Na bhee bere kunɛ Eriya Tumu ba ngayaye, a ngaya se kusurranɛ lɔga messo :Moldoyɔye.