Yohanis 6:7 - Suri Latin

⁷ Na nɔng Bhilibhos yagɛsɛ na sɛɛsɛ, “Chɔɔ hunde kibhta birinyaa kàgadhiyɛa hira messo zinggo taginya issey na kàtalday amissɛ na kɛ̀ngɛrtɛsɛ chinyi chinyi kumulɔng, ngahɛtinɛnɛo.”

Yohanis 6:7 ပူးပေါင်းရင်းမြစ်များ

Matiyos 18:28

Na ngahirronu hunaa bhonsana na kɔaye, koo jɔana hirre mesinɛ kari dha lɔmɛsɛn nɔng ewoye birinyaye ku dinarinya 100. Na mag ngo gig na churu na senɛsɛn, ‘Gadheony ahaa bere lɔmmaganyi mɛarrɛ!’

Markos 6:37

Na nɔng sɛɛsɛ, “Ahaa ammɛa ayɛ :iggeu hung!” Na yɔk seyɛsɛ, “Ngazukta a mɛri. Na chɔɔ hunde kìbhta birinyaa kàgadhiyɛa hira messo zinggo taginya issey na kàtalday amissɛ na kɛ̀ngɛrtɛsɛ chinyi chinyi kumulɔng, ngahɛtinɛnɛo. Na ngangaye seni kàyto na kàtaldao amissɛ ngadinarinyaa ku 200de na kayɛo na kusigitɔ dha?”

Yohanis 1:43

Na bhorre Yesus tɛhɛnu wochin na kok baa Gelila. Na koo itinynyandɛ ko Bhilibhos na sɛɛsɛ, “Ga kɔbhaanydɔ.”

Yohanis 1:44

Yɔk Bhilibhos ko Indiriyas ko Betiros dha bere a zuga chillanɛa Betesaydhagiye.

Yohanis 1:45

Na Bhilibhos koo itinynyandɛ ko Natinayel, na sɛɛsɛ, “Wa karto hira toynɛna bere lɔga gɛnyɛ kɔdhdhɛsɛna :Muse Damiya Tumu na dheliyɛa :zuga bere yogɛsɛnɛa zugo lɔga dhugunono :Tumu na kɔdhdhɛsɛnɛa dadabinya. Nɔng a eriya Yosebi kèe Yesus bere chillana Naziretɔ.”

Yohanis 1:46

Na Natinayel seu, “Anda lɔkte challi Naziretɔ honydɔ?” Na Bhilibhos yagɛsɛ na sɛɛsɛ, “Ga, wo na artɔ!”

Yohanis 1:48

Na Natinayel ghinu na sɛɛsɛ, “Gaany ɛnɛng?” Na nɔng yagɛsɛ na sɛɛsɛ, “Wa korrinyi chamochiyɔ sugumɔ hunaa chɔɔ ko Bhilibhos ngani itinynyandɛayo.”

Yohanis 12:5

“Lɔ ɔng ngamalda ngakàtalnɛnɛo na birinya kajjɛo bhoyogaye? Ngamalda ngayo na bo dhandala huna birinyaa kàgadhiyɛa hira messo zinggo oyo dhɔnɛ dhɔng dha?”